Porot bhett vo Bible obheas kortana ami amchea aiknnareak mukhel mud’do somzonk modot korunk zai. Hem korunk ami udharonnam uzar kortat zalear ami xikoitat tem tachea kallzak lagtolem ani taka ugddas dovrunk sompem zatolem.

Tumi porot bhett vo Bible obheasa pasot toiari kortat tednam fokot mukhel mud’de somzaunk khoinchim udharonn diunk zatat tea vixim chintat. Sadim ani sodanchea jivitantlim udharonnam diat. (Mt. 5:14-16; Mk. 2:21; Luk. 14:7-11) Aiknnaro kitem korta ani tachi poristhiti kitem tem motint dovrun udharonnam diat. (Luk. 5:2-11; Ju. 4:7-15) Tumi oxem kortat tednam tumchea aiknnareak somzota tem polloun tumi khuxal zatolim.

XIS KORCHEA KAMANT SONTOS BHOGAT​—TUMCHI KOLA VADDOIAT​—UDHARONNAM UDEXIM MUKHEL MUD’DE SOMZAUN, HO VIDDEO POLLOIAT ANI SOKOL DIL’LEA PROSNANCHE ZOBAB DIAT:

• Bible-antlim versam somzaunk videartheak kiteak modot korchi poddtta?

• Romkarank 5:12-ant aslolem sot Neetan udharonn diun koxem somzailem?

• Borim udharonnam dilolean aiknnareak koxi modot zata?

• Porgottnnechea kamant ami Jehovachea songottnnen dilole viddeo ani her prokaxonam kiteak uzar korunk zai?