Xist divop mhunnche fokot xikounn divop ani sol’lo divop itlench nhoi. Punn tantunt nittaier haddop ani khor sol’lo divop pasun mellon asa. Jehovan amkam xist dilolean ami taka manta tea toren tachi bhokti korunk pavtat. (Rom. 12:1; Heb. 12:10, 11) Thodde pavtti ti xist manun gheunk khub kotthin zaunk xokta, punn tea udexim ami sarke vatten cholonk pavtat ani amkam besanvam mellttat. (Mho. 10:7) Tor konn xist dita ani konnank xist melltta tannim kitem ugddas dovrunk zai?

Jehovachi dekh gheun xist ditat tannim mhunnchem vhoddil, avoi-bapui ani her zannam, doiallaien ani mogan xist diunk khub proitn kortat. (Jer. 46:28) Khor xist ditana pasun ti xist goroz titli asonk zai ani ti mogan diunk zai.—Tit. 1:13.

Xist melltta tannim ti nakarchea bodlek ti rokddich apnnaunk zai. (Mho. 3:11, 12) Ti amkam khoinchea-i toren mellum, ami oporipurnn munxam zal’lean amkam sogleank xistichi goroz asa. Ti amkam Bible vachlolean vo mittinge udexim mellonk xokta, ani thoddeank neai somiti koddlean pasun mellonk xokta. Hi xist apnnailolean amchem atanchem jivit sudharunk xokta ani fuddarak sasnachem jviit mellonk xokta.—Mho. 10:17.

“JEHOVA ZANCHO MOG KORTA TANKAM TO XIST LAITA,” HO VIDDEO POLLOIAT ANI UPRANT SOKOL DILOLEA PROSNANCHE ZOBAB DIAT:

• Bhurgeponnar Canon-achem jivit koxem aslem, ani uprant koxem bodol’lem?

• Jehova koddlean taka koxi xist mell’lli?

• Tachea onnbhovantlean ami kitem xiktat?