Ami opurnn asat dekhun amchea vondovnneancher tabo dovrunk amkam kotthin zata. Udharonnak, thoddim zannam Devachea moga poros, jevonn, nhesop ani ravonk ek zago, hea vostuncho chodd mog kortat. Toxench, thoddim zannam Devachea dorjeam poros kuddichea vondovnneank chodd mhotv ditat. (Rom. 1:26, 27) Tea bhair thoddim zannam, aplea sangateanchea dobhava khala ieun vaitt kortat. Karonn tanchea sangateamnim tancho mog kelʼlo ani tankam apnnailolem tankam zai. (Sutt. 23:2) Punn hea toren, ami amchea vondovnneank amcher tabo cholounk dilo zalear Jehovachi maniotai ami hogddaitolim.

Tor ami amchea vondovnneancher tabo dovrunk kitem korunk zai? Jehovak manvota tem korunk ami zata titlo vavr korunk zai. (Mt. 4:4) Toxench, amchea vondovnneancher tabo dovrunk ami Jehova lagim modot magonk zai. Karonn amkam kitem borem ani amkam dhadoxi koxem korchem hem to bore bhaxen zannam.—St. 145:16.

DHUNVRA FATTLEAN TUJEM JIVIT KABAR KORINAKA, HO VIDEO POLLOIAT ANI UPRANT HEA PROSNANCHE ZOBAB DIAT:

• Lok sigrett kiteak voddttat?

• Sigrett voddlear kitem zata?

• Sigrett voddop ani vaping korop chukichem kiteak zaun asa?—2Kor. 7:1

• Tumkam konnui sigrett voddunk laita zalear tumi kitem korunk zata, vo tumkam sigrett voddchi sonvoim asa zalear ti soddunk tumi kitem korunk zata?