Soitanachea sonvsaracho xevott lagim pavta toso, ami ravtat tea desa bhitor ani sonvsarbhor zhuzam vaddttolim ani anikui chodd atonkvad zatolo mhunn ami zannant. (Prok. 6:4) Tor hancho fuddo korunk ami koxi toiari korunk zata?

• Visvaxi ravonk toiari korat: Jehova Devacher ani tache songottnnecher tumcho visvas vaddounk, ani sodanch Jehovache vatten ravonk tumkam modot kortolim toslea Bible-achea totvancher ani ghoddnneancher obheas korat. (Mho. 12:5; jr-E 125-126 ¶23-24) Toxench, sobhentlea bhav-bhoinnam sangata ghott ixttagot korunk atanch vavr korat.—1Ped. 4:7, 8

• Tumchi bholaiki ani jiv samballunk toiari korat: Tumkam tumchea ghora bhair vochonk mellona zalear tumchea ghora bhitor surokxit ravonk pavl gheiat, ani jevnna-khannacheo vostu ektthaim korun dovrunk manddavoll korat. Toxench, tumkam tumchem ghor soddun vochonk poddlem zalear tumi kitem kortolim tea vixim adim fuddench chintat. Akantachea vellar tumi gheun dhanvtolim tea begant, surokxit uronk gorjecheo vostu, zoxe gloves ani mask toxech poixe ghatleat zalear polloiat. Tea bhair, hea vellar eka-meka lagim ulounk, tumchea kodden vhoddilancho fon number ani vhoddilam kodden tumcho fon number asa mhunn khatri korun gheiat.—Iz. 32:2; g17.5-E 3-7

Desa bhitor zhuz zata tednam Jehovache bhoktechim kamam zoxem magnnem, Bible-acho obheas ani mittingek hajir zavop chukoinakat. (Filp. 1:9-10) Goroz nastana ghorantlean bhair vochonakat. (Mt. 10:16) Tumchea lagim aslolem jevonn ani her gorjecheo vostu bhav-bhoinnam sangata vanttun tankam modot korat.—Rom. 12:13

ODRUXTT AILEAR TUMI TOIAR ASAT KAI? HO VIDEO POLLOIAT ANI UPRANT HEA PROSNANCHE ZOBAB DIAT:

• Odruxtta vellar Jehova amkam koso modot korunk xokta?

• Odruxtta pasot ami koxi toiari korunk zata?

• Odruxttak sampoddloleank modot korunk ami kitem korunk zata?