Lokank mhotvachim lisanvam xikounk, Jezu tea tempa voilea ghoddnneam vixim uloilo. (Luk. 13:1-5) Tumi pasun Rajeachi khobor aikonk lokanchi umed vaddounk lagon tanchea lagim uloitana halinchea ghoddnneam vixim ulounk zata. Udharonnak, mhargai, odruxtt, tumchea desa bhitor zatat tim zhuzam, drugs vo her koslea-i vixoi-acher uloilea uprant tumi tankam chintunk laitat tosle prosn vicharunk zatat. Zoxe, “Hem kednam tori kabar zatolem oxem tuka dista kai?” vo “Hem koxem kabar zatolem oxem tuka dista?” Uprant, ami tankam tea vixoi-acher adarit aslolem Bible-antlem ek vers dakhounk zata. Ani aiknnaro aikonk umed dakhoita zalear ami taka Seve Pasot Mukhel Prokaxonam, hantuntlo ek video dakhounk zata vo ek prokaxon diunk zata. Tor vattarant aslolea lokanchea kallzak pavta toxem uloitana, ‘xubhvortomana khatir soglem korunk ami toiar ravum-ia.’ —1Kor. 9:22, 23, Povitr Pustok - Novo Korar.

Tumi khoinchea vixoi-ancher uloilear tumchea vattarantle lok aikonk toiar astole?