‘Jehova aple porjecho mog korta.’ (St. 149:4) Ami opurnn asat tem khorem. Tori astana, Jehova amchea borea gunnancher, ani ami fuddarak kitem korunk xoktat tacher dhean dita. Punn thodde pavtti amkam amcheach borea gunnancher dhean diunk kotthin zaunk xokta. Dusrim amchea sangata jea toren vagtat taka lagon ami kainch valorachim nant oxem amkam disonk xokta. Vo ami adim kelʼlea chukim vixim chintit ravlear, Jehova khorench amcho mog korta vo na, mhunn ami dubhavunk xoktat. Tor him bhavnam pois korunk amkam koxi modot zatoli?

Munxam pollounk xokonant tem Jehova polloita mhunn ami ugddas dovrunk zai. (1Sam. 16:7) Hacho orth, amkam amcheach bhitor jem disona tem pasun to polloita. To amkam koso polloita tem somzonk, Bible amkam modot korta mhunn ami kitlim upkari asat nhoi! Tantunt aslolea versantlean ani ghoddnneantlean Jehova aplea lokancho kitlo mog korta tem amkam kollon ieta.

JEHOVA TUMCHO MOG KORTA MHUNN KHATRI KORUN GHEIAT, HO VIDEO POLLOIAT ANI UPRANT HEA PROSNANCHE ZOBAB DIAT:

• Video-nt dakhoilʼlo dhanvpi ani tachea bapaichea udharonnantlean, Jehova amkam koso lekhta mhunn ami kitem xiktat?

  Tumcho zobab

• Gombhir patok adarlolo ek munis, Jehova lagim apli ixttagot porot ghott korunk goroz tim pavlam gheta tednam, Jehova tacho mog korta mhunn tannem koxi khatri korun gheunk zata?—1Ju. 3:19, 20, NW

  Tumcho zobab

• David ani Jehoshafata vixim asloli Bible-antli ghoddnni vachlolean ani tacher niall kelolean bhavak koso faido zalo?

  Tumcho zobab