AMCHEM KRISTI JIVIT
Desachi Arthik Poristhiti Bigoddtta Tednam Tacho Fuddo Korunk Tumi Toiar Asat Kai?
Sonvsarant ghoddtta tea ghoddnneank lagon, sonvsarbhor poixeanchem unnemponn zata tem polloun ami ojap zainant. Karonn ami nimannea disanchea nimannea vellar jietat mhunn ami zannant. Toxench, Bible amkam “othir girestkaiancher” visvas dovorna zaunk xittkaunni dita. (1Tim. 6:17; 2Tim. 3:1) Tor poixeanchea unnemponna pasot toiari korchea vixim, Raza Jehoshafatachea udharonnantlean ami kitem xiktat?
Dusman akromonn korunk aile tednam Jehoshafatan Jehovacher visvas dovorlo. (2It. 20:9-12) Tannem toiari pasun keli. Zoxem, tannem purumentachim xaram bandlim ani bollvont zhuzareank dovorle. (2It. 17:1, 2, 12, 13) Tor Jehoshafata bhaxen ami pasun Jehovacher visvas dovrunk zai, ani teach borabor kotthin poristhitincho fuddo korunk toiari pasun korunk zai.
ODRUXTT AILEAR TUMI TOIAR ASAT KAI? HO VIDEO POLLOIAT ANI UPRANT HEA PROSNANCHE ZOBAB DIAT:
-
Odruxttacho fuddo korunk ami poilinch koxi toiari korunk zata?
-
Ami dusreank modot korunk koxi toiari korunk zata?
