KITEAK GORJECHEM: “Xubhvortomanak sakxi” diunk fon korun porgottnni korop ek mhotvachi vatt zaun asa. (D.I. 20:24) * Thoddea poristhitik lagon ami eka munxak tachea ghora vhochon mellonk xokona zalear, ami fon korun taka porgott korunk zata.

HEM KOXEM KORCHEM:

• Toiari korat. Boro vixoi vinchun kaddat. Tea munxak tumi kitem sangtolim tem thoddea utramnim boroiat. Tannem fon uklunk na zalear voice message diunk tumi kitem uloitolim tem poilinch boroun dovrat. Fon kortana tumchea mezar tumi boroilea ti outline ani her gorjecheo vostu zoxem fon vo tab aslear borem. Hacher poilinch JW Library^® vo jw.org^® ukti korun dovorlear tumi bore toren sakx diunk pavtolim.

• Susegad uloiat. Tumi sodam koxim uloita toxinch uloiat. Uloitana tumi tea munxa mukhar ubi aslolea bhaxen hason ani hav-bhav korun uloiat. Ravon-ravon ulov nakat. Dusrea porgottnnara sangata mellon porgottnni korat. Aiknnaro prosn vicharit zalear, to porot mhunnat, tea udexim tumchea sangata aslolo porgottnnar tumkam tacho zobab sodhunk modot kortolo

• Porot bhett korunk prosn soddat. Aiknnareak amcho sondex aikonk avoddtta zalear, porot bhett korunk ek prosn soddat. Tumi zata zalear e-mail-acher, post-antlean vo svota pasun vochon taka khoinchem-i ek prokaxon diunk zata. Na zalear khoinchoi ek video vo lekh e-mail-acher vo message-i udexim taka tumi dhaddunk zata. Favo tednam amchea websitier aslole Online Bible Study Lessons vo anik khoinchea-i lekha vixim tumi mahiti diunk xoktat