Amchea Bible videartheamnim Jehova vixim zannam zaunk ani sotant vaddavoll korunk ami Bible-antlem sot tankam xikoitat tem khorem. Punn titlench kelear pavona. (Heb. 5:12–6:2) Tannim svota zaun Jehova sangata apli ixttagot koxi ghott korunk zata tem pasun ami tankam xikounk zai.

Tumchea Bible videartheamnim tanchea Bible obheasak koxi toiari korchi tem tankam survate thaunuch dakhoiat. Ani oxem korunk tankam urba diat. (mwb18.03 6) Teach bhaxen, tim svotacho Bible obheas kortat tednam dor ek pavtti magnnem korun suru korunk tankam urba diat. Ani tanchea obheasant tannim electronic sadhonam koxim uzar korunk zatat tem tankam dakhoiat. Toxench, jw.org ani JW Broadcasting^® hancher ieta ti novi mahiti tannim koxi pollounk zata tem-ui tankam dakhoiat. Tea bhair, dor disak Bible vachunk, mittinge pasot toiari korunk, tankam aslolea prosnam vixim sodh korunk ani tim xiktat tacher niall korunk tankam xikoiat.

TUMCHEA BIBLE VIDEARTEANK DEVACHI XIKOUNN GHEUNK MODOT KORAT, HO VIDEO POLLOIAT ANI UPRANT HEA PROSNANCHE ZOBAB DIAT:

• Obheas korop mhunnche fokot zobabuch sodhop nhoi, hem somzonk Neetan Daisy-k koxi modot keli?

• Pozoddponna vixim Jehovan diloli adnea sarki asa mhunn khatri korun gheunk Daisy-k koxi modot zali?

• Niall korchea vixim Daisy-k kitem somzon ailem?