Amchea website-ichea poilea panar osle lekh ani video asat, je khaltea kallzachea lokam pasot toiar keleat. (D.I. 13:48) Tantunt choddxe pavtti osle vixoi astat, je news-acher ietat vo lok tanchea vixim chintʼta ani uloita.

Tumi porgottnnent, jw.org-chem poilem pan koxem uzar korunk zata?

• Sodanch website-icher nodor marat. Poilea panar “Prokaxonam” hachea khala kitem dilam tem polloiat, ani aikonk umed dakhoilʼlea munxank modot korunk, tumi tem koxem uzar korunk zata tea vixim chintat. (Poilea panar halinch kitem dakhoilam tem zannam zaunk, “Anik Polloiat” hacher klik korat.) Sodanch website-icher nodor marlolean tumkam porgottnnent lokam lagim ulounk kitem tori novem mellttolem.

• Ulovop suru korunk, poilea panar dilʼle lekh ani video uzar korat. Vattarantle lok kitea vixim chintʼtat tem zannam zaunk, hantunt dilʼle vixoi amkam modot kortat.

• Lokank website-ichem poilem pan dakhoiat. Website-int dilʼlea eka vixoi-acher uloiat, ani to vixoi website-icher koso sodhunk zata tem dakhoiat.

• Link dhaddat. Ami lokank mellttat tednam, thoddim zannam amchea lagim ulounk fatti sortat astolim. Punn tim amchi website pollounk toiar astat. Tor umed dakhoilʼlea lokank, poilea panachem vo umkoch lekh vo video-chem link dhaddunk fatti soronakat.