Amkam sotaitat tim munxam amkam zaitea vattamnim dukhounk xoktat. Toxench, amchea bhokte sombondit aslolea kamacho tim virodh kortat tednam, ami tankam bhielim zalear, Jehova sangata amcho sombond pasun oskot zaunk xokta. Tor oslea munxam thaun ami amchi rakhonn koxi korunk zata?

Jehovachea zaitea sevokank sotailim tednam, tim Jehovacher patielim. Oxem kelolean, tankam sotaitat tea munxancho tim bore toren fuddo korunk pavlim. (St. 18:17) Udharonnak Estheran, tras korpi Hamanachea ievzonne vixim ukteponnim sanglem. (Est. 7:1-6) Punn oxem korchea poilim, tinnem upas korun ti Jehovacher patieta mhunn dakhoilem. (Est. 4:14-16) Ani Jehovan tichea kamacher besanv ghatlem, toxench tichi ani tichea lokanchi rakhonn keli.

Tornnatteamno, tumkam konnui tras korta vo sotaita zalear, tumi Jehova lagim modot magonk zata, ani tumchea poros vhodd aslolea konnam-i lagim, zoxem tumchea avoi-bapai lagim tumchea poristhiti vixim ulounk zata. Estherak modot keli toxi, Jehova tumkam-i modot kortolo mhunn tumi khatri dovrunk zata. Tumkam sotaitat tea munxancho fuddo korunk tumi anik kitem korunk zata?

MHOJEM TORNNATTPONN—MHAKA KONNUI SOTAITA TEDNAM HANVEM KITEM KORUNK ZATA? HO VIDEO POLLOIAT ANI UPRANT HEA PROSNANCHE ZOBAB DIAT:

• Charlie ani Ferin-achea udharonna thaun tornnatteamnim kitem xikonk zata?

  Tumcho zobab

• Charlie-n ani Ferin-an jem sanglem, tantuntlean avoi-bapaimnim aplea bhurgeank modot korchea vixim kitem xikonk zata?

  Tumcho zobab