Sonvsarbhor lokamnim kednach sosunk na titli gormi tankam sosunk poddtta. Tea bhair, gormek lagon jim odruxttam ghoddttat tacho vaitt porinnam pasun tankam bhogcho poddtta. Hea vixim thodde ripott oxem sangtat:

•    “Sonvsarbhorcho tapman rekordd korop suru korun 174 vorsam zalim, ani tednam thaun atam meren hea vorsachea Junachea mhoineak songleamvon chodd tapman aslo.”—National Oceanic and Atmospheric Administration, U.S. Department of Commerce, Julay 13, 2023.

•   “Italy, Spain, France, Germany ani Poland hea desamnim gormi khub vaddlea. Tea bhair, Sicily ani Sardinia, hea donui island-acher tapman 48°C [118°F] zatolo oxem dista. Hea poilim, Europe-ant oxem kednach ghoddonk na.”—European Space Agency, Julay 13, 2023.

•   “Zoxi prithumechi gormi vaddot voita, titlo pavs gogeamnim ani chodd pavtti poddttolo, ani taka lagon anikui chodd buddtti ietoli.”—Stefan Uhlenbrook, director of hydrology, water and cryosphere at the World Meteorological Organization, Julay 17, 2023.

 Tapman vaddot voita tosle ripott aikon tumkam bhirant dista kai? Hea vixim Bible kitem sangta tem polloum-ia.

 Hoi. Sonvsarbhor vaddtta tea tapmana vixim ani her ghoddnneam vixim Bible-ant adim-fuddench sanglolem. Udharonnak, Jezun sanglolem ki amkam “bhirankull ghoddnneo dixtti poddttoleo.” (Lukas 21:11) Prithumer tapman vaddtta dekhun zaitea lokank dista ki munis hi prithum sarki piddʼddear korun uddoitole.

 Na. Devan hi prithum amkam sasnak ravonk lagon rochlea, taka lagon to khoincheach munxak ti piddʼddear korunk diuncho na. (Stotr 115:16; Upodexok 1:4) Khorem mhunnttlear, jim munxam hea “prithumecho nas kortat tacho nas” Dev kortolo.—Prokasovnni 11:18.

 Hea prithumechi rakhonn korunk Devak xokti asa ani to toxem kortoloch mhunn Bible amkam sangta.

•   “[Devan] vadoll sursurit varea itlem thondd kelem ani doriachim lharam xant poddlim.” (Stotr 107:29) Hea prithume voilem vatavoronn tabeant dovrunk Devak xokti asa. Odruxttank lagon lokank je tras zatat te tras kaddun uddounk taka xokti asa.

•   “Prithumek Tum bhett diunk ietai, ticher Tuzo paus ghaltai, subhamponnan tika sufoll kortai.” (Stotr 65:9) Devachea besanvan, hi prithum ek sobit bag zatoli.

 Hi prithum porot ek sobit bag koxi zatoli tea vixim anik zannam zaunk, Inglez bhaxen, “Who Will Save the Earth?” ho lekh vachat.