ZAGRUT RAVAT!
Turkey Ani Siriant Bhirankull Bhuimkamp—Hea Vixim Bible Kitem Sangta?
Somar, 6 Febrer 2023, Turkey ani Siriant bhirankull bhuimkamp zale ani soglem nas korun uddoilem.
“Somarak Turkey ani Siriachea utʼtor-ostomptechea vatten aslolea vattarant ek vhodd bhuimkamp zalo. Zantunt 3,700-a von chodd lokancho jiv gelo. Toxench, thoim chodd thonddai aslolean bhuimkampak lagon zannim aplem ghor-dar hogddailem ani zankam zaito mar laglo tanchi poristhiti anikui bigoddli. Tea bhair, thoim aslolea chodd thonddaiek lagon lokank sodhun kaddunk vo tancho jiv salvar korunk anikui kotthin zalem.”—Reuters, 6 Febrer, 2023.
Osleo khobro ami vachtat tednam amkam khub dukh zata. Punn oslea kotthin vellar Jehova a amkam modot kortolo mhunn ami tacher visvas dovrunk zata. Karonn to “bhuzvonn diupi Dev” zaun asa. (2 Korintkarank 1:3) To ʼtachea Utrantlean dita tea bhuzvonne udexim amkam bhorvonso melltta.ʼ—Romkarank 15:4.
Hea vixim Bible kitem sangta:
Bhuimkampa vixim adinch fuddem kitem sanglolem?
Bhuzvonn ani bhorvonso amkam khoim mellonk xokta?
Dev dukh-tras koxe kaddun uddoitolo?
Hea vixoi-ancher Bible kitem sangta tem zannam zaunk, sokol dilʼle lekh vachat꞉
a Jehova vo Yahve hem Devachem nanv zaun asa.—Stotr 117꞉1.