Sonvsarbhor zatolea zhuzank lagon zaitem luksonn zata, tea pasot lokank khub dukh ani tras sosunk poddtta. Hea vixim thodde ripott kitem sangtat tem polloiat:

•   “1994 tem atam meren, jitlo lok moron gela tachea poros chodd lok 2022, hea vorsa Ethiopia ani Ukraine-ant zalʼlea zhuzant moron geleat.”—Peace Research Institute Oslo, Jun 7, 2023.

•   “2022-ant Ukraine-ant zata tem zhuz vaddot gelem. Teach vorsak sonvsarbhor rajkaronnank lagon zatat tim zhuzam poilim poros 27% odik vaddlim. Ani tacho porinnam sumar 1,70,00,00,000 lokancher zalo.”— The Armed Conflict Location & Event Data Project (ACLED), Febrer 8, 2023.

 Bible amkam ek boro bhorvonso dita. Thoim sangta ki “sorgincho Dev kednanch bhosm zaun vechem na toslem ek raj sthaptolo.” (Daniel 2:44) Aplea Rajea, vo sorkara udexim, Dev hea prithume voilim soglim ‘zhuzam sompoitolo.’—Stotr 46:9.