ZAGRUT RAVAT!
Sonvsarbhor Gormi Vaddot Asa—Hea Vixim Bible Kitem Sangta?
Julay 2022-ant, sonvsarbhor kednanch poilim vaddonk na titli gormi vaddli:
“Hea mhoineant dusre pavtt, China-chea odhikareamnim lokank xittkaunni dili ki sumar 70 xaramnim khub gormi vaddpachi asa.”—Julay 25, 2022, CNN Wire Service.
“Gormi chodduch vaddli dekhun Europe-antlea thoddea desantlea ranamnim uzo odikuch vaddot gelo.”—Julay 17, 2022, The Guardian.
“Ek aitar disa Amerikechea udenti vatten ani toxench dokxinnechea zaitea vattaramnim hea poilim kednanch nasli titli gormi asli.”—Julay 24, 2022, The New York Times.
Hem soglem kiteak lagon ghoddtta? Fuddarak hea prithumer jieunk zaunchem na kai? Hea vixim Bible kitem sangta?
Amchea disamnim gormi vaddttoli mhunn Bible-ant sanglolem kai?
Hoi. Bible-ant amchea disam vixim jeo bhasaunneo kelʼleo tantuntli hi-ui ek bhasaunni asli. Zoxem Jezun sanglolem, ki amkam “bhirankull ghoddnneo” vo “vichitr ani kampero haddtta tosleo ghoddnneo” dixtti poddttoleo mhunn. (Lukas 21:11; Good News Translation) Tor, sonvsarbhor gormi vaddtta tem polloun, lokank hea prithumer jieunk zaunchench na mhunn te bhieun asat.
Fuddarak hea prithumer jieunk zaunchem na kai?
Na, toxem nhoi. Devan munxank ravonk hi prithum dilea ani ti sodanch urtoli. (Stotr 115:16; Upodexok 1:4) Dev munxank hi prithum samkich piddʼddear korunk diuncho na. Punn, tannem amkam bhas dilea ki je konn ho “sonvsar padd kortat” tancho to nas kortolo.—Prokasovnni 11:18.
Devan hea prithume pasot anik kitem bhasailam tantuntleo don bhasaunneo polloum-ia:
“Oronnem ani suki-korddi zomin khuxal zaum, padd zomin sontosum ani sallkamnim fulon ieum.” (Izaias 35:1) Tor, prithumer jieunk zaunchench na, oxem Dev kednach zaunk diuncho na. Munxamnim jem padd kelam, tem to novean sarkem kortolo.
“Tum prithumecho samball korta, ti bhorpur pik dium-xem korta ani folladik korta.” (Stotr 65:9, NW) Tor, Devachea besanvam udexim hi prithum ek sobit bag zatoli.
Aiche vaddtte gorme vixim, Bible-antli bhasaunni koxim purnn zata tea vixim anik zannam zaunk, “Climate Change and Our Future—What the Bible Says,” ho lekh vachat.
Hi prithum porot ek sobit bag koxi zatoli tea vixim anik zannam zaunk, “Who Will Save the Earth?” ho lekh vachat.
Tumkam Hem-ui Avoddttolem
ESSENTIAL BIBLE TEACHINGS
Devan Prithum Kiteak Rochli?
Amchi prithum sobitkaien bhorloli asa. Suria thaun ti kitli pois asonk zai titlich pois tannem ti dovorlea, ani tika matxi addvi dovrun ti sarki vegan ghunvonk toiar kelea. Prithum rochunk Devan itlo vavr kiteak kelo?
