ZAGRUT RAVAT!
Tumi Konnacher Visvas Dovrunk Zata?—Bible Kitem Sangta?
Zacher visvas dovortat to munis tankam fottoita tednam lok niraxi zatat. Zaiteancho visvas hancher moddla . . .
rajki fuddari je dusreanchea gorza poros aplea vixim chintat.
news channel-am jim khoreo ani sarkeo khobro diunk chuktat.
vidneanik je lokanchea boreaponnam pasot kam korinant.
dhormik fuddari je Deva vixim xikounchea bodlek rajkaronnak tenko ditat.
Lok konnacher patietat tea vixim tannim zagrut asonk zai. Bible sangta:
“Fuddareancher visvas dovor nakat. Khoinchoch munis tumkam salvar korunk xokona.”—Stotr 146:3, Good News Translation.
Eklo asa zacher tumi visvas dovrunk zata
Bible sangta ki ami Jezu Kristacher visvas dovrunk zata. To fokot ek boro munis naslo zo khub vorsam poilim jielʼlo, punn Devan taka “Raza” mhunn nemla “ani tachi razvottki kednanch sompchina.” (Lukas 1:32, 33) Tor, Jezu Devachea Rajeacho Raza zaun asa ani ho sorkar sorgar asa.—Matev 6:10.
Tumi Jezucher kiteak visvas dovrunk zata tem zannam zaunk he lekh vachat “Devachea Rajeacho Raza Konn?” ani “Dev Aplea Rajea Udexim Kitem Kortolo?”
Tumkam Hem-ui Avoddttolem
ESSENTIAL BIBLE TEACHINGS
Devachem Raj Mhunnttlear Kitem?
Jezu aplea porgottnnent, her soglea vixoi-am poros chodd Devachea Rajea vixim uloilo. Zaitea xekddeam thaun, Jezuche pattlavdar, tem Raj ieum mhunn magot asat.
ESSENTIAL BIBLE TEACHINGS
Bible Deva Thaun Aila Mhunn Amkam Koxi Khatri Zata?
Bible-acho boroupi Dev zalear, tem pustok sogleam pustokam poros vegllem asonk zai.
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
