2022-ant, Russia-n Ukraine-acher zhuz korunk suru kelem tednam thaun sonvsarbhor desamnim zhuzachea hotʼtearam pasot don lak khotti voir khorch kela. Ho atam meren sogleam-von vhoddlo ankddo zaun asa. Stockholm International Peace Research Institute-ant (SIPRI), Abril 2023-ant ek ripott bhair kaddlo. Tanchea pormonnem 2022-ant:

•   Europe-an zhuzachea hotʼtearam pasot khorch kela to poilim poros “13 ttokʼke vaddlo. Ani 1991-ant, U.S.A ani U.S.S.R-a modem dusmankai sompli tednam poros ho khorch subez aslo.”

•   “Zhuzachea hotʼtearam pasot khorch korunk soglea raxttram poros Russia, panchvea number-acher aslem. Punn tancho khorch 9.2 ttokʼke vaddlo tednam, ho des tisrea number-acher pavlo.”

•   Soglea raxttra modem United States-an zhuzachea hotʼtearam pasot “39 ttokʼke khorch kelo. Ani ho khorch sogleam-von subez aslo.”

 “Halinchea vorsamnim sorkar, zhuzachea hotʼtearam pasot chodd-ani-chodd khorch korit asat. Hantuntlean kollon ieta, ki fuddarak kitem zatolem tem khobor na dekhun te bhielʼle asat.” Oxem Dr. Nan Tian, zo SIPRI hea ripott-acho coauthor zaun asa to sangta.

 Sogleam-von bollvont raxttram modem dusmankai vaddttoli ani khori xanti koxi ietoli tem Bible adim thaun dakhoun dita.

•   Ami “kallachea xevottak” jietat mhunn Bible dakhoun dita.—Daniel 8:19.

•   Daniel-achem pustok bhasaunni korta, ki xevottachea kallar sonvsarachi vorixtt razvottki eka-mekacher zhuz kortoleo ani konn sogleam-von bollvont zaun asa tem dakhoun diunk sodhtoleo. Ani hea karonnak lagon zhuzachim hotʼtearam gheunk te khub khorch kortole.—Daniel 11:40, 42, 43.

 Hache vixim anik zannam zaunk, Purnn Zalʼleo Bhasaunneo—Daniel Odheai 11 ho video polloiat.

•   Bible dakhoun dita, ki Dev sogle munxanche sorkar kaddun uddoitolo. “Dev kednanch bhosm zaun vechem na toslem ek raj sthaptolo, ani hem raj dusre porjechea tabeant podd-chem na; . . . hem raj sogllea adlea rajeancho churo kortolem ani tankam gilltolem, punn tem apunnuch sodankal togtolem.”—Daniel 2:44, 45.

•   Jem munis korunk xokona tem Jehova a Dev beginuch korpacho asa. Tem mhunnttlear, to sodanch urta tosli khori xanti haddttolo. Hem koxem? To aplea sorginchea Rajea udexim soglim zhuzachim hotʼtearam ani zhuzam khabar kortolo.—Stotr 46:8, 9.

 Devachem Raj anik kitem kortolem tem zannam zaunk Inglez bhaxen aslolo “Under God’s Kingdom ‘Peace Will Abound’” ho lekh vachat.