Dev Tumchim Magnnim Aikota Kai?
Tumi magnnem kortat tednam, Dev tumchem magnnem khorench aikota kai?
BIBLE KITEM MHUNNTTA?
Dev amchem aikota. Bible amkam khatri dita ki ‘apnnak ulo martolea somestank, khorea monan ulo martat tankam Jehova sodam laginch asa. . . . To tanchi bob aikota.ʼ—Stotr 145:18, 19.
Devak zai ami tachea lagim magnnem kelolem. Bible sangta: “Khoincheach karonnak lagon usko korinakat, punn soglea vellar magnnem ani kallzantlean vinovnneo korun ani upkar attoun, Devak tumcheo vinoteo kolloiat.”—Filipkarank 4:6.
Devak amchi khub kallji asa. Ami koslea poristhitincho fuddo kortat ani amkam kosle uske asat te to bore bhaxen zannam. Dekhun to amkam modot korunk sodhta. Bible sangta: “Tumchea soglea uskeancho bhar tacher ghalat, karonn taka tumchi kallji asa.”—1 Pedru 5:7.