Ami Bible vachtana, to bore bhaxen somzonk ami veg-vegllim sadhonam uzar korunk zatat. Oxem ami fokot Bible-achem ginean vaddounkuch nhoi, punn Jehovachea sobit gunnam vixim zannam zaunk kortat, jea vorvim Jehova pasot amcho mog vaddttolo. Tor Jehovachea gunnam vixim zannam zaunk ami amkanch vicharunk zata: ‘Bible-antlea hea ghoddnnentlean mhaka Jehova vixim kitem xikonk melltta?’

Udharonnak, Jehovan mog, zannvai, neai ani xokti, he gunn koxe toren dakhoileat tea vixim ami sodh korunk zata. Punn hache bhair, Jehovak aslolea herui sobit gunnam vixim ami anik zannam zaunk zata. Tor hea gunnam vixim amkam khoim mahiti mellttoli?

Watch Tower Publications Index hantunt, “Jehovah” hea vixoi-a khala, “Qualities By Name” hantunt polloiat. Thoim tumkam Jehovachea 50-am poros anikui chodd gunnam vixim zannam zaunk mellttolem. Tumchea Bible vachpant Jehovachea khoinchea gunnam vixim sanglam tacher dhean diat, ani uprant tea vixim sodh korat. Toxench, tumi Research Guide for Jehovah’s Witnesses, hantunt “Jehovah God” hea vixoi-a khala, “Jehovah’s Qualities” hem pollounk zata.