2019 vorsachim Pahrogopur masikam uzar korun tumi hea prosnanche zobab diuk xoktolim kai?

“Tuje add ghoddlolea koslea-i hatiarak kednanch ies mellchem na.” Hea utramnim Dev amkam kitem khatri dita? (Iz. 54:17)

‘Nixttur munxachea svas-a’ thaun, mhunnche amkam nas korta toslea vaitt probhava thaun Dev amkam rakhtolo mhunn ami visvas dovrunk zata. (Iz. 25:4, 5) Amche dusman amkam sasnank urta toslem kainch vaitt korunk xokche nant.—w19.01-E, pp. 6-7.

Kanaanitkaram sangata ani Devachi vatt soddlolea Israelitkaram sangata Dev koso vaglo, tantuntlean tachea neai hea gunna vixim ami kitem xiktat?

Bhurxim loingik kamam kortoleancher vo bailam ani bhurgeancher ot’teachar kortoleancher Devan zhoddtti haddli. Punn jem lok tachi adnea pallttale ani dusream sangata neai-an vagtale tancher Devan besanv ghatlem.—w19.02-E, pp. 22-23.

Ek onbhavarthi munis magnnem korta tednam ami thoim asat zalear ami kitem korchem?

Ami respedan vogi ravonk zata. Punn tanchea sangata ami “amen” mhunnchim nant vo amchea sangata asloleancho hat dhorchimnant. Ami monantlea-monant svotachem magnnem pasun korunk zata.—w19.03-E, p. 31.

Bhurgeam sangata pozoddponn kitlem gombhir asa?

Bhurgeam sangata pozoddponn korop tea bhurgea add, sobhe add, odhikaream add ani Deva add ek patok zaun asa. Bhurgea sangata pozoddponn kelam mhunn konnem-i arop ghatlo zalear tea vixim odhikareank kollounk zai mhunn thoddea zagear kaido asa. Toslea kaideank vhoddil pallo ditat.—w19.05-E, pp. 9-10.

Tumchea kallzant ani monant asa tem tumi koxem bodlunk vo sudharunk xoktat?

Mukhel pavlam: Jehova lagim magnnem korat. Tumi khoim sudharnni korunk zai tea vixim niall korat. Bore ixtt vinchun kaddat.—w19.06-E, p. 11.

Dhumallea pasot ami atam koxi toiar zaunk xoktat?

Jehova sangata tumchi ixttagot ghott korat. To amcho mog korta ani to tumkam kednanch sanddcho na mhunn bhorvonso dovrat. Dispott’ttim Bible vachat, ani sodanch magnnem korat. Rajea vixim kelolim bhakitam Dev purnn kortoloch mhunn khatri dovrat. Tumchim avoddttim versam ani gitam tonddpatt korat.—w19.07-E, pp. 2-4.

Amchim soirim salvar zaunk ami tankam koxi modot korunk xoktat?

Amchea soireank koxem bhogta tem amchea kallzant ami bhogop, amchea borea vagnnuke udexim tankam bori sakx divop ani toxench pasiens ani xannemponn dakhovop gorjechem zaun asa.—w19.08-E, pp. 15-17.

Matev 11:28-ant Jezun somadhan mellchea vixim sanglem. Hem amkam koxem mellonk xokta?

Amchea sangata mogall Kristi vhoddil ani boreantlim borim ixttam asat ani amkam boreantlem borem kam asa.—w19.09-E, p. 23.

Aplem kam korunk Dev amkam itsa ani boll koso diunk xokta? (Fil. 2:13)

Devachem Utor ami vachtat tednam ani tacher niall kortat tednam Dev amkam xokti dita. Tachi khuxi korunk to amkam itsa ani kam korunk boll dita. Tachi povitr xokti diun amchim tank vaddounk to amkam modot korta.—w19.10-E, p. 21.

Ami ek mhotvacho nirnnoi gheunchea poilim koslim pavlam ghetlear xanneponnachem zatolem?

Panch pavlam: Boro sodh korat. Zannvaiek lagon magat. Tumcho hetu kitem tem chintat. Umkech dhei dovrat. Melloun gheunk zatat tosle dhei dovrat.—w19.11, p. 27-29.

Aiz choddxe lok mantat ti xikounn mhunnttlear melea uprant pasun otmo jivo urta. Tor hi xikounn Soitanan Evek je sanglolem tachea thaun ailea kai?

Chodd korun na. Soitanan Evek ti mel’lea sarki astoli mhunn sangonk na, bodlek ti morchich na mhunn sanglem. Noah-chea buddtte vellar sogli khotti bhokti na zali mhunn ami zannant. Tor, melea uprant otmo jivo urta hi xikounn ghoddie Devan Babel-acho gopur bandtolea lokank ak’khea sonvsarant ximpoddchea poilim kednam tori aili astoli.—w19.12, p. 15.