Tumi hea vorsachim Pahrogopur masikam dhean diun vachleant kai? Toxem zalear hea prosnanche zobab tumi diunk xoktat kai tem polloiat:

Jehova lagim ulounk, tachem aikonk ani tache vixim chintunk vell sarlolean koso faido zata?

Ami bore nirnnoi gheunk pavtat, borim xikoupi zaunk pavtat, amcho bhavarth anik ghott zata, ani Jehova pasot amcho mog vaddtta.—w22.01, p. 30-31.

Jehovacher ani tache songottnnent fuddakar gheunk nemlolea bhavancher visvas dovrunk xiklolean amkam koxi modot zatoli?

Vhoddilam thaun melltta tem margdorxon ani tanche nirnnoi manun gheun, Jehova sodanch sarkem tem korta mhunn ami atanch visvas dovrunk xikonk zai. Oxem kelolean, vhodd sontapa vellar melltta tem margdorxon somzonk vo apnnaunk amkam kotthin zata zalear pasun, tem pallunk ami toiar astolim.—w22.02, p. 4-6.

‘Jerubbabelachea hatant konnxea-sondhicho fator [“ollombo,” NW] polletolim tednam Judev lok sontosan murgottʼttole,’ oxem devdutan Zekariak kiteak sanglem? (Zek. 4:8-10)

Devache lok devmondir porot bandun kaddttole ani hea devmondirant te kortat ti bhokti Jehovachea dorjeam pormonnem astoli asli mhunn hea dorxonantlean Devachea lokank khatri mellʼlli.—w22.03, p. 16-17.

Ami amchea “ulovpan . . . bori dekh” koxi dovrunk zata? (1 Tim. 4:12, Povitr Pustok - Novo Korar)

Ami porgottnni kortana dusream sangata doiall toren uloitat ani tankam man ditat, kallzantlean gitam gaitat ani sodanch mittingek zobab ditat. Toxench, ami sot uloitat ani dusreank urba melltta tea toren uloitat. Tea bhair, chaddio vo sogle torechem vaitt ulovop pois kortat.—w22.04, p. 6-9.

Daniel odheai 7-ant sanglolea char vhoddlea savzanche (razvottkenche) gunn amkam Prokasovnni 13:1, 2-ant sanglolea ekuch savzant kiteak mellttat?

Prokasovnni pustokachea odheai 13-nt sanglolem savoz, eka umkeach sorkarak, zoxem Romak suchit korina. Punn munxakullacher razvottki choloilʼlea soglea sorkarank suchit korta.—w22.05, p. 9.

Jehova neai kortoloch, hacher amkam visvas asa mhunn dakhounk ek mukhel vatt khoinchi?

Konnui amcho opman korta vo amkam dukhoita zalear, vo amchea bhavak amche add kitem tori asa zalear ami rag dhorun ravonant, punn Jehova neai kortolo mhunn ami tacher patieun ravtat. Karonn patkak lagon ailole sogle tras to kaddun uddoitolo.—w22.06, p. 10-11.

Ek bhav mittingent sogleam hujir magnnem korta tednam tannem kitem ugddas dovrunk zai?

Tea bhavan magnnem korchi sondhi, sobhek solʼlo diunk vo kollounneo sangonk uzar korchi nhoi. Khas korun mittingeche survatek, tannem ‘utrancho boddbodd korcho nhoi vo zaitim utram uzar korchim nhoi.’ (Mt. 6:7)—w22.07, p. 24-25.

“Zannim vaitt kelam tim khast sosunk [“neai zaunk,” NW] utthtolim” hea utrancho orth kitem? (Juanv 5:29)

Tannim morchea adim kelʼlea kornneam pormonnem tancho neai zauncho na. Punn tim jivont zalea uprant, tankam melltta ti xikounn tim koxim apnnaitat ani tancho sobhav koso asa tea pormonnem tancho neai zatolo.—w22.09, p. 19.

Setembr 1922-achea odhivexonant J. F. Rutherford-an thoim hajir zalolea zomeak kitem korunk urba dili?

Cedar Point, Ohio-nt zalʼlea odhivexonant tannem mhunnttlem: “Polloiat, Jezu Krist Raj choloita! Hea vixim sogleank sangop tumchi zobabdari mhunn zannam zaiat. Tor Raza ani Rajea vixim sogleank kolloiat, kolloiat, kolloiat!”—w22.10, p. 3-5.

Izaias odheai 30-antlean, Jehova khoinchea tin vattamnim amcher ietat tea oddchonneancho khuxalkaien fuddo korunk amkam modot korta mhunn amkam kolltta?

Hea odheai-antlean, Jehova (1) aplea lokanchem bariksannen aikota ani tanchea magnneancho zobab dita, (2) tankam margdorxon dita, ani (3) tankam atam besanvam dita, toxench fuddarakui ditolo mhunn amkam kolltta.—w22.11, p. 9.

Stotr 37:10, 11, 29-antlim utram adlea kallar purnn zalim ani fuddarakui purnn zatolim, oxem ami kiteak mhunnonk zata?

Davidachim utram, adlea Israelant asloli bori poristhiti zoxi Solomonache razvottkek lagu zatat. Toxench, Jezun fuddarachea sobit bage vixim sangtana, Davidan vers 11-nt boroilʼlim utram uzar kelim. (Mt. 5:5; Luk. 23:43)—w22.12, p. 8-10, 14.