Amkam sogleank svotacho obheas korunk chodd vell mellona. Tor amchea lagim asa tea vellacho ami boro upeog koso korunk zata? Sogleant poilim, tumi obheas korunk sodhtat ti mahiti vachunk vell gheiat. Goddboddan zaiti mahiti vachchea bodlek, tumi thoddich mahiti bariksannen vachtat tednam tumkam faido zatolo.

Uprant tumi sogleant poilim kitem obheas kortolim tem tharaiat. (Ef. 5:15, 16) Sokol dilʼleo suchounneo tumkam faideak poddonk xoktat:

• Dor disa Bible vachat. (St. 1:2) Tumkam zai zalear, sumanachea modlem mittingek Bible-antle je odheai vachunk dilʼle astat te tumi vachunk zatat.

• Pahrogopur Obheas ani sumanachea modle mittinge pasot toiari korat. Toxench, zobab diunk pasun toiari korat.—St. 22:22.

• Vell melltta toso her novi prokaxonam pasun obheas korat. Zoxem, jahir masik, video ani jw.org. hacher ietat te her lekh.

• Tumkam avoddtta tea vixoi-acher sodh korat. Tumi kosle-i oddchonnecho fuddo kortat, tumchea monant koslo-i prosn asa, vo tumi Bible-antlo khoincho-i vixoi anik bore toren zannam zaunk sodhtat zalear, tea vixim sodh korat.