Fokot Jezuchea soddvonne udexim amkam amchea patkanchem bhogsonnem mellonk xokta. (Ef. 1:7) Punn Bible sangta: “Adlea tempar tannem lokanchim patkam sosun ghetlim ani tankam bhogxit ravlo.” Hacho orth, soddvonn diunchea poilim pasun Jehovan aplea lokank bhogxilʼlim. (Rom. 3:25.) Tor Jehova hem koxem korunk xoktalo, ani teach borabor ek nitivont Dev koso zaunk xoktalo?

Apnnacher, toxench apnnem jem bhasailam tacher bhavarth dovortat tankam salvar korunk apunn ek ‘sonsot’ utpon kortolo mhunn Jehovan bhas dilʼli. (Ut. 3:15; 22:18) Tor Jehovan hi bhas dilʼli tednanch soddvonnechem mol farik zalʼlea sarkem aslem. Karonn tannem tharail’lea vellar, aplo Put soddvonn ditoloch mhunn Jehovak purnn khatri asli. (Gal. 4:4; Heb. 10:7-10) Ani Jezu hea prithumer aslo tednam, dusreanchim patkam bhogsunk Jehovan taka odhikar dil’lo. Tea pasot, bhavarth dovortat tanchim patkam Jezu bhogsunk xoktalo. Karonn soddvonne vorvim tanchim patkam bhogsotolim mhunn to zannam aslo. —Mt. 9:2-6.