Hea chart-an diloleo thoddeo bhasaunneo ekach vellar ghoddlolea ghoddnnea vixim sangtat. Teo veg-vegllea toren ami ‘xevottachea kallar’ jietat mhunn dakhoitat.—Dan. 12:4.

• Versam Prok. 11:7; 12:13, 17; 13:1-8, 12

  Bhasaunni Prithumechea lokancher “savoz” zaite xekdde razvottki choloita. Xevottachea kallar, tachea satvea toklek ghavo zata. Uprant, to ghavo pekta ani “soglo sonvsar” tea savzacho pattlav korta. ‘Urloleancher zhuz korunk’ Soitan tea savzak uzar korta.

  Ghoddon Aili Noache buddtte uprant, Jehovacho virodh korta toslea sorkaramnim tachea lokancher razvottki choloilea. Zaitea xekddea uprant, sonvsarachea poilea zhuza vellar tanche modlem ek sorkar, mhunnche British somrazan apli sogli xokti hogddaili. Punn, United States-a sangata ixttagot zoddli tednam taka portun xokti mell’lli. Khas korun xevottachea kallar, Devachea lokank dhumallo diunk Soitan hea soglea sorkarank uzar korta.

• Versam Dan. 11:25-45

  Bhasaunni Xevottachea kallar ut’torecho raza ani dokxinnecho raza eka-meka add zhuztat.

  Ghoddon Aili Germany ani Anglo-America odhikara pasot eke-meka lagim zhuztat. 1945-ant Soviet Union ani tachim vangddi raxttram ut’torecho raza zalim. 1991-ant Soviet Union poddlem, ani uprant Russia ani tachim vangddi raxttram ut’torecho raza zalim.

• Versam Iz. 61:1; Mal. 3:1; Lukas 4:18

  Bhasaunni Mesias-achem Raj sthapon zaunchea poilim Jehova aplea ‘niropeak vatt toiar korunk’ dhaddtta. Hea niropeak “goribank vo khalteank bori khobor diunk” dhaddlo.

  Ghoddon Aili 1870 thaun C. T. Russell ani tachea vangddeamnim Bible khorench kitem xikoita tem zannam zaunk zaito obheas kelo. Tor, 1881-a thaun Devachea sevokamnim porgottnnechea kamancher zor diunk zai mhunn tannim sangonk suru kelem. Tannim “1,000 Porgottnnaranchi Goroz Asa” ani “Porgottnni Korunk Obhixikt Keleat” he lekh chhaple.

• Versam Mt. 13:24-30, 36-43

  Bhasaunni Ek dusman xetant gonvam modem ner vompta. Lunvnni zaisor ner ani gonv vangdda vaddounk soddttat. Uprant nerak gonvam thaun veglle kortat.

  Ghoddon Aili 1870 thaun khore ani khottea Kristanvam modem aslolo ontor spoxtt toren dison ailo. Xevottachea kallar, khorea Kristanvank fottkirea Kristanvam thaun veglle korun sobhent ektthaile.

• Versam Dan. 2:31-33, 41-43

  Bhasaunni Veg-vegllea dhatumnim kelolea eka murteche paim lokhonddache ani matieche zaun asat.

  Ghoddon Aili Mati mhunnttlear Sonvsarachi Vorixtt Razvottki Anglo-America-chea khala aslole lok zaun asat, je hea sorkaram add voitat. He lok hea sonvsarachea vorixtt razvottkek, lokhonddak asa toslea ghott xokten mhunnchem aplea purnn xokten odhikar cholounk dinant.

• Versam Mt. 13:30; 24:14, 45; 28:19, 20

  Bhasaunni ‘Gonv’ ektthaim korun ‘koddeant’ ghaltat. Ani “ghorabeacher odhikar” cholounk “visvaxi ani xannea chakrak” nemla. “Rajeachem xubhvortoman ak’khea sonvsarant” porgott korunk suru zata.

  Ghoddon Aili 1919-ant visvaxi chakrak Devachea lokancher odhikar dila. Tea vella thaun Bible videartheamnim choddan-chodd porgottnnim keli. Aiz Jehovache Sakxi 200 poros chodd desamnim porgott’ttat ani 1000 poros chodd bhasamnim Bible adarit prokaxonam chhaptat.

• Versam Dan. 12:11; Prok. 13:11, 14, 15

  Bhasaunni Don xingam aslolem savoz, prithumechea lokank “savzachi ek murti” korunk sangta ani te savoz, “murti bhitor jivitacho svas” ghalta.

  Ghoddon Aili Sonvsarachi Vorixtt Razvottki, Anglo-America-n League of nations hem songotton stapon kelem. Hea songottnnek her desancho tenko mell’llo. Xevottak, 1926-a thaun 1933 poriant ut’torecho raza hea songottnnecho bhag zalo. Sonvsarbhor fokot Devachem Raj haddunk xokta tosli xanti League of Nations haddttolem mhunn lok chint’tale. United Nations-a vixim pasun lok oxench chintat.

• Versam Dan. 8:23, 24, NW

  Bhasaunni Bhirankull tondd aslolo ek raza “chintunk zaina toslea toren nas” kortolo.

  Ghoddon Aili Sonvsarachi Vorixtt Razvottki Anglo-American zaitea lokancho jiv kaddla ani zaito nas kela. Udharonnak, Sonvsarachea Dusrea Zhuza vellar United States-an Anglo-America-chea eka dusman raxttracher don atom bomb uddoile. Tednam, hea poilim kednanch zaunk na titlo nas zalo.

• Versam Dan. 11:31; Prok. 17:3, 7-11

  Bhasaunni Dha xingam aslolem ‘tambddem savoz’ patalla thaun bhair sorta, ani tem attvo raza zaun asa. Daniel-achea pustokant hea razak ‘sot’tianasacho kanttallo’ mhunttlam.

  Ghoddon Aili Sonvsarachem Dusrem zhuza vellar, League of Nations na zalem. Ani zhuza uprant UN-ak ‘bosoilo vo sthaplo.’ League of Nations-a bhaxen UN pasun sonvsarant xanti haddttolem mhunn lok chintat. Punn hi xanti fokot Devachem Raj haddunk xokta. UN, dhormacher akromonn kortolem.

• Versam 1 Tes. 5:3; Prok. 17:16

  Bhasaunni “Sogllem xant asa, koslich bhirant na,” oxim raxttram ghoxonna kortolim ani “dha xingam” ani ‘savoz, xindoll-bailecher’ akromonn korun ticho nas kortolem. Tea uprant raxttrancho nas zatolo.

  Ghoddon Aili Apnnem xanti ani surokxotai haddlea mhunn raxttram sangtolim. Tednam UN-ak tenko ditat tim raxttram, khottea dhormanchea songottnnencho nas kortolim. Tea vellar vhodd sontap suru zatolo. Armaged’don-a vellar, ak’khea noxttea sonvsaracho nas zatolo tednam ho vhodd sontap somptolo.

• Versam Ez. 38:11, 14-17; Mt. 24:31

  Bhasaunni Gog Devachea lokanchea desant ieta. Uprant, devdut “vinchloleank” ektthaim kortat.

  Ghoddon Aili Ut’torecho raza ani her sorkaram Devachea lokancher akromonn kortolim. Hem akromonn suru zalea uprant, urlolea obhixiktank sorgar ektthaim kortole.

• Versam Ez. 38:18-23; Dan. 2:34, 35, 44, 45; Prok. 6:2; 16:14, 16; 17:14; 19:20

  Bhasaunni ‘Dhovea ghoddear boslolo to,’ Gog ani tachea soinacho nas korun ‘zoita fattlean zoit vhorta vo aplem zoit xarti pavoita.’ Tea “savzak . . . zolltea gondhokachea ujeachea konddant” udoita, ani tea vhodd murticho churo zata.

  Ghoddon Aili Devachea Rajeacho Raza Jezu, modot korunk ieta. Aplea sangata raj choloitat te 1,44,000 zann ani tache devdutanche soin uzar korun raxttranchea zomeak, mhunnche Soitanachea ak’khea rajki songottnnek to nas kortolo.