Utpoti 37:23-28; 39:17-23 vachat, ani Juzek koslo onʼneai sosunk poddlo tem zannam zaiat.

Eke ghoddnne vixim zannam zaunk, tachea bhonvtonnim aslolim versam vachat. Dusreamnim Juze sangata onʼneai kiteak kelo? (Ut. 37:3-11; 39:1, 6-10) Taka kitlo temp poriant ho onʼneai sosunk poddlo? (Ut. 37:2; 41:46) Ani tea vellar Jehovan Juze pasot kitem kelem, punn kitem korunk na?​—Ut. 39:2, 21; w23.01 17 ¶13.

Kholaien sodh korat. Potifarache bailen Juzecher khotto arop lailo tednam, Juzen to arop khotto mhunn sanglem mhunn Bible amkam sangona. Fuddlea versancher niall korun, Juze kiteak vogi ravlo astolo tem zannam zaiat. Toxench, tea ghoddnne vixim amchea lagim sogli mahiti asonk zai mhunn ami kiteak opekxa korunk zaina, tem zannam zaiat. (Mho. 20:2; Ju. 21:25; D.I. 21:37) Ho onʼneai sosun gheunk khoinchea gunnank lagon, Juzek adar zalo astolo?​—Mik. 7:7; Luk. 14:11; Jak. 1:2, 3.

Tumi kitem xiklim tem chintat. Tumkanch vicharat:

• ‘Hanv Jezucho pattlav kortam dekhun mhojea sangata koslo onʼneai ghoddonk xokta?’ (Luk. 21:12, 16, 17; Heb. 10:33, 34)

• ‘Hanvem atanch oxem kitem korunk zata jea vorvim mhaka tea onʼneai-acho fuddo korunk modot zatoli?’ (St. 62:7, 8; 105:17-19; w19.07-E 2-7)