Tumchea svotachea Bible obheasa thaun tumi anik faido melloun gheunk sodhtat kai? Hoi zalear, sokol dilʼleo suchounneo apnnailʼlean obheasa vellar anik dhean diunk tumkam modot zaunk xokta:

• Ek boro zago vinchun kaddat. Ghoddtta zalear, nitoll ani boro uzvadd aslolo zago vinchun kaddat. Hea vorvim, tumkam pollounk vo vachunk addkholl zaunchina. Tumi tumchea ghorant ek desk vo meza lagim bosonk zata vo tumchea ghora bhair ek boro zago vinchun kaddunk zata.

• Tumi ektthim astana obheas korat. Jezu “sokallim fuddem” ani “konn na toslea zagear” magnnem korunk gelo. (Mk. 1:35) Punn tumi tumchi famil vo roomate-a sangata ravtat dekhun ektthim obheas korunk xokonant zalear, tumi obheas korunk ek umkoch vell tharaila ani tea vellar tannim tumkam disturb korchem nhoi mhunn tankam sangat.

• Tumchem dhean halonk dium nakat. Obheas korunk tumi fon vo tab uzar kortat zalear tumchem dhean halona zaunk, to silent vo airplane mode-acher ghalat. Ani obheas kortana tumkam koslem-i mhotvachem kam ugddas ailear, tem obheasa uprant korunk boroun dovrat. Obheas kortana dhean diunk tumkam kotthin zata zalear, ek pasoi marunk vo stretch korunk lhanso break gheiat.