Aplea bhurgeank Jehova vixim xikounk avoi-bapaink ek vhodd zobabdari asa. (Ef. 6:4) Ani tankam modot zaunk songottnnen zaite video, lekh ani gitam toiar keleant. Tor avoi-bapaimno, tumchea bhurgeank xikounk tumi hem koxem uzar korunk zata?

• Mahiti sodhat. JW.ORG website-icher (Inglez bhaxen) tumchea bhurgeank modot zaunk xokta tosli zaiti mahiti asa. Zoxem videos ani activities. a Hi mahiti sodhunk tumi search boksant, “Children” vo “Teenagers” mhunn type korunk zata.

• Tumchea bhurgeank faideak poddttoli tosli mahiti vinchun kaddat. “Children” hea bhagant, tumchea bhurgeank faideak poddttole tosle video, gitam ani lekh tumi vinchun kaddunk zatat. He sodhunk search boksant, “Family Worship Projects” oxem type korat.

• Tumchea bhurgeam sangata boson tankam xikoiat. Tumchea bhurgeank fokot ogi bosounk, melltta to video lavun dium nakat. Punn tanchea borabor boson tea vixim uloiat, ani Jehova sangata tanchi ixttagot ghott korunk tankam modot korat.