Devachea Zannvaiechea Utrantlean Tumkam Faido Zatolo
Devan Bible borounk munxank uzar kele. Punn tannim aple vichar nhoi punn Devache vichar boroile dekhun Bible sangta: “Sogllem Povitr Pustok Devachea preronnan boroilam.”—2 Timotak 3:16
Devak Zai Tumi Tachea Vixim Xiklolim
“Hanv Sorvespor Dev, jem tumchea boreak tench tumkam xikoitam, ji vatt tumi dhorunk zai, tech vatten Hanv tumkam vhortam. Mhojea adniank tumi zor kan dilʼle, kai borem zatem! Nodi porim vhanvti tumkam xanti, ani doriachea lharam vori tumkam pavtem doiallaiechem nitivontponn.”—IZAIAS 48:17, 18.
Him utram dakhoitat ki amkam monachi xanti mellʼlloli ani ami sodanch khuxal ravlolim Devak zai. Tea pasot, ami kitem korunk zai tem to amkam sangta.
Dev Aplea Utrant Kitem Sangta Tem Zannam Zaiat
“Xevotta adim sogllea raxttrank Xubhvortoman porgott zaunk zai.” —MARKU 13:10.
Dev beginuch amche dukh-tras kaddun uddoitolo, hi prithum sobit bag kortolo ani amchim mogachim moron geleant tankam jivont kortolo. Hi ek bori khobor zaun asa. Hi bori khobor vo “Xubhvortoman” Jehovache Sakxi sonvsarbhor porgott kortat.
