Bhuzvonn Niraxam pasot

“Akhi rochnam porvonta ani coxtouta aizun poriyant.” (Romkarank 8:22) Tem zem 1,900 vorsam adim boroilolem tednam munxancher coxt chod aslole. Zaite nirax zalele. Tea pasot christanvank vinonti keloli: “Niraxi munxam lagim bhuzvonn melta tem uloiat.”—1 Tesalonikkarank 5:14.

Aiz munxanchem niraxponn tea poros vodd zalam, ani kednanch pasun nam aslole itle lok nirax zaleat. Punn tem amcam ojap corta cai? Khorench nam, kiteak Bible vollok dita munnon he “xevottache dis” ani tankam muntta “bhirancull kall samballunk kottinn.” (2 Timotak 3:1-5) Jesu christan bhakla xevottachea disanim, thuinsor “raxtam akantak” sampodtelim.—Lukas 21:7-11; Matev 24:3-14.

Zaitea tempachi chintʼta, bhirant, dukh, vo osleo urfatteo bhavona anbhoglolea udexim lok bogor, bogor, niraxi zatat. Coxt vo zobor dukh hanchem carann ghodie zait moronn mogachea munxanchem, ghataspot, nokri suntop, vo eok matpasun unnem zainam toslem duens. Anink pasun lok nirax zatat zednam te nirfoll bhavona vadoitat, zednam tankam dista apun apexi zale munnon ani zonn eklean apnank khala padlo munnon. Connuim eklo poristiticho dobav evun ghodie dolldiro zait, punn kednam eok munis bebhorvonxachi bhavona vaddoita ani vaxt poristiti thaun ekui vatt kadunk sokona, tacho porinnam khor niraxa zavunk zata.

Purannik callar lokanim oslich bhavona anbhogli. Job hannem duens ani sotachem futkem noxib bhoglem. Taka dislem Devan apnank sandlem, tea passot to zivita vixim kantallponn uloilo. (Job 10:1, 29:2, 4, 5) Ghodon aila tem aplea putachem moronn polloun Jacob nirax zalo, bhuzvonn ghevunk inkarunk laglo, anink moronk axeunk laglo. (Utpoti 37:33-35) Khor chukik sampdon gunyavkar munn dison etoch, Raza  David villaplo: “Akho dis hanv dukh ghevun bhonvlom. Hanv sunʼn zalom.”—Stotram 38:6, 8; 2 Korintkarank 7:5, 6.

Aiz zaite nirax zaleat karann chod vozem tancher podla, dispotti karyavoli patlav corunk vavortat, zem tanchea monachea, bhavonechea, ani cudichea sadhane poltodchem zavn asa. Dison eita dobav poristiti, tachea zodiek urfattim chitnam ani bhavona cudicher porinnam cortat, ani menduvant rasainik tolʼl vankdo corunk mozot cortat, hea porim niraxa toyar cortat.—Tulona cor Mhunnʼnneo 14:30.

Tankam Goroz Asa Ti Mozot

Phillippi-cho eok poilea xenkdeantulo christanv Epaphroditus zalo “nirax carann [tachea ixtanim] to duent asa munnon aicolem.” Epaphroditus Zaka tachea ixtanim apostle Paulak purvotto ghevn Romank dhadlolea uprant duent zalolo, ghodie sozmolo zatolo tannem tachea ixtank unneponn hadlem ani tanni taka nirfoll leklem munnon. (Filipkarank 2:25-27; 4:18) Apostle Paulan coxi mozot keli?

Tannem Epaphroditus haka ghara pattoilo divun eok chitt Filipkar ixtank zi sangta: “Chaʼli pormonnem diat [Epaphroditusak] eucar dhonia thaim soglea sontosan; toslea torinchea munxank avod dacoituch ravat.” (Filipkarank 2:28-30) Tachea vixim aslolea khorea ghodnenk lagon Paul itlea vodvikaen uloilo ani toxench Filipkarani taka hunhunit apleponnancho eucar dilo, khoreaninch zavunk puro Epaphroditus bhuzvolo ani mozot pavlo tachea nirax ponnam thaun suttonk.

Dubav viret Bibliacho upordes “niraxi munxam lagim bhuzvonn melta tem uloiat” ho ekdom boro asa. “Tuka zanam zavunk zai que dusre tuzi callzi ghetat tum eok munis munnon,” hem eka vosturen ulloilem zi niraxponn bhogtali. “Tuvem aikunk goroz asa connuim punni muntta, ‘hanv zannam, tum bori zatoli munnon.’”

Zo munis nirax zala tannem bogor, bogor fuddem soronk zavo que eok doyall munis sodhun cadunk zachexim to visvasan ulloitolo. To munis boro aicoupi ani khalte-ponnancho asonk zavo. Tannem vo tinnem nirax munxak bhaxannam divpachem tallunk zaem, vo tea munxachi munsubi cortat toslim utram pasun tallunk zai, zoslim, ‘tuka toxem disonk favonam’ vo, ‘ti chukichi chalʼl zavn asa,’ oslim. Nirax  munxachi bhavona nazuk zavn asta, ani oslea ttikkechea utram udexim taka focot apnam vixim vast bhavona eta.

Eklo zo conn nirax zala taka apunn eok nirfoll oxem dista. (Jonas 4:3) Torui astana tea munxan ugdasak dovorunk zai que Dev eka munxak coso vallor dita poi, tench khore ponnim apnank pasun lagta munnon. Jesu christak munxanim dhorlem “cainch kimmot naslolo” coso, punn hea vorvim tachi Devaxim asloli khori kimmot unni zavunk nam. (Izaias 53:3) Khatri corun gheiat que, zoso Dev tachea mogachea putacho moipas corta, tosoch tumcho poriyant corta.—Juanv 3:16.

Ze conn nirax zaleat, tanchi Jesun kakut keli ani tankam mozot corunk proyotn kelo, hea porim tancho zonn ekleacho vallor tannem choilo. (Matev 9:36; 11:28-30; 14:14) Tannem sozmonnim dili que Dev lhan cont nam tea parveak pasun vallor dita. “Deva mukar tantuntlo ekloi pasun visornam,” oxem tannem mutlem. Tachi khoxi corunk vavurtat tea munxancho to kitlo chod vallor corta zait! Tantleank lagon Jesun mutlam: “Tumchea matheache sogle kens mezlole assat.”—Lukas 12:6, 7.

Khorem, apnank Dev itlea unchaechho vallor dita munnon mandunk eka khor niraxi munxak zo tachea oskotaent ani unneponnant unchaek pavla taka mandunk kottin zait. Khatren taka dista zait que apunn Devachea mogak ani callzek favo nam munnon. “Amchim calzam ghodie amcam gunyanvkari cortat zait” Devacho sobd cobul corta. Punn tharav ghevpachem tem carann zavun asa cai? Nam tem noim. Dev mandun gheta que patki munis urfattem chintit ani apnakuch gunyanvkari corit munnon. Tea pasot tacho sobd tankam boll dita: “Dev amchea calza poros vod asa ani sogleo vostu zannam.”—1 Juanv 3:19, 20.

Khorench, amcho mogall sorgincho Bap amchim patkam ani chukeo hea poros chod kitem polloita. To amchea unne ponnanche porsong, amchea sompurnn zivitacho marog, amche hetu ani chitnam zannam. To zannam que ami soinbachem patok, duens, ani moronn ghetlam decun hod xeeme bhitor asat munon. Khori ghodni munche zi ami soinbathaun amcheruch dukhi ani challvolele zatanv hoch eok puravo zavn asa que amcam patok corunk naka ani tantunt ami chod  pois pavonk nant. Bible sangta que ami “nirfoll ponnank somondhun” asat amchea khoxe bhair munnon. Tea pasot Dev amchea dukachea poristiticher collvollta ani to doyalponnan amchim unneponnam motint gheta.—Romkarank 5:12; 8:20.

“Jehovah doyall ani udar zavun asa,” munnon amcam khatri dila. “Surya udeta thoim thaun surya mavolta thuim kitlem chod pois zavun asa, titlinch pois tannem amchim patkam amchea thaun pois dovorleat. Kiteak to amchi rochnam bori zannam, ami dhull munnon ugdas dovorta.” (Stotram 103:8, 12, 14) Khorench, Jehovah asa “soglea bhuzvonnecho Dev, zo amcam soglea amchea dukant bhuzvonn dita.”—2 Korintkarank 1:3, 4.

Nirax zaleleank chod goroz asa ti mozot melchea pasot tanni tanchea doyall Devaxim lagim vochonk ani tachea amontronnank mandun ghevunk zai ‘tanchem vozem tanni tacher udovunk.’ Khatren to sokta “ze chepnenk podleat tanchem calliz portem ghott corunk.” (Stotram 55:22; Izaias 57:15) Tea pasot Devacho sobd magnnem corunk urba dita, munnon: “Udoiat tumchi sogli khont [Jehovah-cher], carann to tumchi callzi ghetolo.” (1 Pedru 5:7) Oi, magnnea ani vinonte marifat munxanchean Devache laginsor vochonk zata ani bhogum eita “Devachi sovoscai zi soglea chitnam poros unch asa.”—Filipkarank 4:6, 7; Stotram 16:8, 9.

Zivitachea challint evaric zullounni kelear pasun, nirax monacher zoit voronk mozot zata. Kudichi cosroth, arogi zevonn khavop, tazem varem ghevop ani bhorput visavo, ani chod TV polloupachem advarop hem soglem gorzechem asa. Eka vosturen nirax munxank nettan chollonk lagon mozot keli. Zednam eklea nirax osturen mutlem: “maka pasoek vochonk naka,” tea vosturen lovu punn mozbuth porthipall kelo: “Oi, tum veta.” Tea vosturen ahawal dilo: ‘Ami char moil cholʼlim. Zedna ami porthim ailim, ti cansad zaloli, punn tika borem dislem. Tumcam proyotn corun poilea bogor soth dischem nam, kitli mozotichi zaun asa nettan corta ti cosroth.’

Zaite pavtim sogle proyotn corun, tantun voiza ponnanche upav pasun, niraxecher zoit vorunk sokonam. “Hanvem soglem corun polloilem,” eka modlea idadichea vosturen mutlem, “punn niraxa asach.” Teach porim, zaitea pavtim kurdiank, moneank vo thonteak atam bore corunk soconam.  Torui astana, nirax munxank bhuzvonn ani bhorvonso mellom eta dispotto Devacho sobd vachlear, zo dita kherit bhorvonso munxanchea soglea duensam thavn sompurnn sutka zavpacho.—Romkarank 12:12; 15:4.

Zednam Anink Connunch Porthun Nirax Zavcho Nam

Zednam Jesun xevottachea disanim sounsaracher bhirancull bostu evpak asat munnon vornnon kelem, tannem anicui mutlem: “Zoxeo heo vostu ghodonk suruvath zatoli, tednam tumi nitt ube ravat ani tumchi tokli voir ubarat, carann tumchi sutka lagim pavla.” (Lukas 21:28) Hea vixim Jesu ulloilo que sutka zavn Devachea nitivont novea sounsarant vochonk, zuim “Khud rochnam pasun gulam ponnantulean Suttavi zatoli ani Devachea bhurguianchi mohimevont sutka gheteli.”—Romkarank 8:21.

Adlea teompachea vozeantulean sutka zavn munxa cullak kitlo suseg astolo, zonn eka disa zage zavunk dhovea khodea porim nitoll mon ghevn, disachem kam attapunk axeun! Kednanch connuimpasun niraxechea kupak adkollʼlolo ascho nam. Munxa cullak khatrechi bhas zavn asa Dev “tanchea dolleantulim soglim dukam pustolo, ani moronn kedinch aschem nam, khont, rodnem, dukh anink aschim nant. Kiteak adlem sogott natak zalem.”—Prokasnni 21:3, 4.

Zorui tori suchounni divunk nam zalear soglim Bible avatarannam New World Translation of the Holy Scriptures hantutlim asat.