“Raxttr raxttracher ani raj rajeacher uprastolim . . . hem sogllem fokot porsuttvenninchi survat.”

Matev 24:7, 8

“Sobar kudde provadi uprastole ani zaiteank fottoitole; ani khotteponn vaddta tea mapan zaiteancho mog xell-moddo zatolo.”

Matev 24:​11, 12

“Laginch choltolea loddaiancho gollboll tumi aikotat tedna ani pois pettlolea zhuzanchi ddag tumkam pavta tedna, tumi akantum nakat; hem oxem ghoddonk zai, toripunn ho ozun xevott nhoi.”

Mark 13:7

“Hanga-thoi vhoddleo bhuimkampi zatoleo, hanga-thoi dukoll poddtolo, ani voxeachi pidda posortoli; ontrallar bhirankull ghoddnnio ani vhoddleo khunna dixtti poddtoleo.”

Lukas 21:⁠11

 “Nimannea disamnim ek bhirankull kall ieuncho asa. Monʼxam zatolim aplem dheanmon apnnancheruch dovortat toslim, girestkaieche axechim, gorvi, urmott, jastio marpi, avoibapaichem aikonant toslim, onupkari, bhokti naslolim; tim zatolim moipas naslolim, darunn kallzachim, boglantti, kamchari, nixttur, sogllea boreponn­acher virudh; tim zatolim ghatki, bezobabdar, boddaien fuglolim, Deva poros chodd kuddichea sukhancho mog korpi. Tim dhormvont monʼxanchem sovong ghetolim, punn tanchea jivitant khorea dhormachem boll dixtti poddchench na.”

2 Timotak 3:​1-5