“Punn tum, Bethlehema Efrata, . . . Israela voir razvott cholouncho asa to Mhaka tuje thaun zolmotolo.”

Mika 5:1

“Herod raza razvott choloitalo tedna, Judeiachea Bethlehemant Jezu zolmolea uprant ovchit­uch Udenti thaun kai vidvan Jeruzaleak aile.”

Matev 2:1

“Mhojim angavlim apnnam bhitor vanttʼtat, ani mhojem anglemkonnak poddchem tacher faso uddoitat.”

Stotr 22:⁠18

“Tannim ekamekak mhollem: ‘Ami tem pinzchem nhoi, punn sorti ghalun tem konnak poddta tem polleum-ia.’ He porim Povitr Pustok­antlim him utram ghoddon ailim: ‘Tannim mhojim vostram apnnam modem vanttlim ani mhojea angleacher sorti ghaleo.’ Oxem soinik­amnim kelem.”

Juanv 19:24

“Sogllim tachim haddam To rakhta, ek porian To moddonk diuncho na!”

Stotr 34:⁠20

“Jezu-xim pavtoch, To melo mhonn polleun tannim Tache pai moddle nant.”

Juanv 19:⁠33

“Amchea opradhank lagun taka aspas vidhlo.”

Izaias 53:5

“Eka soinikan ek bhalo gheun Tachi kus vidhli, ani rokddench rogot ani udok vhanvlim.”

Juanv 19:⁠34

“Tannim mhozo muxaro koso rupeache tis nanne zokhun mezle.”

Zekaria 11:​12, 13

“Tedna Barantlo eklo, mhonnge Judas Iskariot, mukhel iadnikam-xim gelo; tannem mhollem: ‘Hanv Taka tumchea hatant ghalin zalear, tumi mhaka kitem dixat?’ Tannim taka rupeache tis nanne mezun dile.”

Matev 26:​14, 15; 27:5