PROSN 6
Mesiasa Vixim Bible-ant Kitem Sanglolem?
BHASAILʼLEM
“Punn tum, Bethlehema Efrata, . . . Israela voir razvott cholouncho asa to Mhaka tuje thaun zolmotolo.”
Mika 5:1
GHODDON AILEM
“Herod raza razvott choloitalo tedna, Judeiachea Bethlehemant Jezu zolmolea uprant ovchituch Udenti thaun kai vidvan Jeruzaleak aile.”
BHASAILʼLEM
“Mhojim angavlim apnnam bhitor vanttʼtat, ani mhojem anglemkonnak poddchem tacher faso uddoitat.”
Stotr 22:18
GHODDON AILEM
“Tannim ekamekak mhollem: ‘Ami tem pinzchem nhoi, punn sorti ghalun tem konnak poddta tem polleum-ia.’ He porim Povitr Pustokantlim him utram ghoddon ailim: ‘Tannim mhojim vostram apnnam modem vanttlim ani mhojea angleacher sorti ghaleo.’ Oxem soinikamnim kelem.”
BHASAILʼLEM
“Sogllim tachim haddam To rakhta, ek porian To moddonk diuncho na!”
Stotr 34:20
GHODDON AILEM
“Jezu-xim pavtoch, To melo mhonn polleun tannim Tache pai moddle nant.”
BHASAILʼLEM
“Amchea opradhank lagun taka aspas vidhlo.”
Izaias 53:5
GHODDON AILEM
“Eka soinikan ek bhalo gheun Tachi kus vidhli, ani rokddench rogot ani udok vhanvlim.”
BHASAILʼLEM
“Tannim mhozo muxaro koso rupeache tis nanne zokhun mezle.”
Zekaria 11:12, 13
GHODDON AILEM
“Tedna Barantlo eklo, mhonnge Judas Iskariot, mukhel iadnikam-xim gelo; tannem mhollem: ‘Hanv Taka tumchea hatant ghalin zalear, tumi mhaka kitem dixat?’ Tannim taka rupeache tis nanne mezun dile.”