Bible Devachem utor ani tantunt amkam tacho sondex melltta. Ek khuxalbhorit ani Devak manvota toslem jivit ami koxem jieunchem tem Bible amkam dakhoita. Tantunt amkam sokol dilʼlea proxnanche zobab-ui mellttat.

Bible, ho dhakttim pustokam ektthaim korun toiar kela. To don bhaganim vanttla. Te mhunnttlear Hebrev-Aramaik (“Adlo Korar”) ani Grik (“Novo Korar”). Dor ek pustok, odheai ani versant vanttlam. Pustokachea fuddem zo ank asa taka odheai mhunnttat. Odheai-achea fuddem ank asa taka vers vo versam mhunnttat. Udharonnak, Utpoti 1:1 mhunnttlear, Utpoti hea pustokacho 1 odheai ani vers 1.