Coxtam Thaun Sutavi Keloli Pirthum
Bhag 2
Coxtam Thaun Sutavi Keloli Pirthum
1, 2. Zaitea lokachim coslim veglim chitnam asat?
TORUI astana akkea sounsarar millionani lôk asat tanchim chitnam sompurn veglim asat. Te fudarak munxa cullak ek ojapancho fudar polloitat. Te muntat que, heach bhuincher vaxtaponn ani côxt hantuntlean sutavo kelolo ek sounsar zatolo. Tankam visvas asa que zem kitem vaxt asa tem cadun vodoun sompurn ek novo sounsar bostolo. Te oxem pasun muntat que, novea sounsarachi buniyadh atanch ghatla!
2 To lôk munta que novo sounsar zuz, darunkai, kirm, anyai, ani goribponn, hantuntlean sutavo kelolo astolo. To sounsar pida, duk, dukam, ani moronn, hea vastam thaun veglo astolo. Tea tempar lôk sompurnkaek pavon sasnachem zivit bhogtele, pirthumichea bhuinkutant. Toxench ze moron gueleat tancam pasun punorzivont korun, te pasun sasnachem zivit bhogtele!
3, 4. Oslea lokak tanchea chitnachi khatri kiteak dista?
3 Him chitnam ek sopon vo khoxe chintop zaun asa cai? Nam, kedinch nam. Tim ghott buniyad aslolea visvasacher bandleat, dekun eta tem bhuinkut coxench thambchem nam. (Hebrevank 11:1) Tankam itli khatri kiteak asa? Karan vixvachea rochnaran, sorv podvedaran tachi bhas dilea.
4 Devan dilolea bhasek lagon Bible oxem munta: “Jehovah tumchea Devan tumcam dilolea soglea borea utrantulem ek pasun nirfoll zaunk nam. Tumchea thaim tim soglim xarti paulim.” “Dev munxam baxen noi, ze munis fotti martat . . . Tanem khud sangla tem to korcho nam cai, tanem uloila tôr ghodoun hadcho nam cai?” “Zuzareacho dhoni Jehovah oxem munon bhas gheta: ‘Khatren zoxem hanvem cont ghatlam toxench zaunk zai, ani zoxi havem suchona dilea, tench khorem zaunk zai.’”—Jozue 23:14; Lokgonnti 23:19; Izaias 14:24.
5. Coslea sovalank zab diunk zai?
5 Torui astanam, Devachi euzon zôr tôr ek sounsaric bhuinkut, coxtam thaun sutavem, bosoupak asli, tôr poilea suvater tanem kiteak lagon vaxtt vostu ghodonk sothea dili? Chuk asa tem sarkem corunk aizun meren sov hozar vorsam to kiteak thamblo? He sogle passar zalole vorsanche xekde dacoitat cai Dêv khorench amchi calzi gheina munon, vo to zienam munon?
[Obheasache Prosn]
