Dêv Asa Munon Ami Coxem Zanam Zaunchem
Bhag 3
Dêv Asa Munon Ami Coxem Zanam Zaunchem
1, 2. Dev asa munon tharav gheunk khuinchem totv amcam mozôt corta?
DÊV asa munon zanam zaunk ek vatt asa. Ti munche sogleanim mandun ghetlolo tharav: Zem kitem ghodlam taka ek ghôdpi asunk favo. Zitli ti vôst guspagondolachi gôdlea, titloch chôd xanno tacho ghôdpi asunk favo.
2 Puraveak lagon tumchea gharant nodor marun polloi, codeli, mezam, cam, handeo, caili, boxeo, ani dusreo vostu hankam eok ghodpi asonk favo. Zoso vontik, zomnik, ani gharachea moderak asta. Punn zôkun poilear heo vostu ghôdunk sompeo. Zoxem sompea vostunk pasun eok ghodpi asunk zavo, tôr itleo guspagondolacheo vostu ghodunk tachea poros xanno ghodpi asunk favo. Hem tumcam tatvik disonam cai?
Amchem Ojapanchem Vixv
3, 4. Dev zienta munon zanam zaunk vixv amcam coxi mozôt corta?
3 Eka ghodiyalak toyar corpi favo. Tôr xeem ani mer nam titlea guspagondolachea amchea surya malikek lagon kitem? Tantun surya sangatak tache graha tachea bhôuntonni bhonvãreo martat, eka khinachea bhagak chukonastana teach suvater pavtat, xenkde, vorsam pasun. Ami rautat to Dugdh Gandha, noketrancho zomo, zantun 100 billion chôd noketram asat. Tea Dugdh Gandha zomea vixim ratcho ubo raun tuvem kednai choila cai? Tum ojap pavlo cai? Tôr chintun poi, ghodonk favonam titlem rundaechem vixv zantun cont côrunk zaina title billion zome noketranche amchea Dugdh Gandha zomea porim asat! Toxench ontrolla voileo heo vostu tanchea xenkdeanim vorsam martat tea bhõnvarent, itlo visvas dourunk favo que tanchi tulana, matpunn chukonaslea ghodiyalam sangatak kelea.
4 Zôkun poilear eka sadhea godiyalak eok ghodpi asta, tôr khatren xeem ani mer nam titlea guspagondolachea ani ojapanchea vixvak eok euzôn ghalpi ani ghôdpi asonk favo. Teach pasot Bible amcam eucar dita, ‘ubar tuze dolle unch ani lai ontrollak ani polle,’ uprant Bible sangta: “To ekloch [Dev] tanchi fôuz rôchta, ani tancam ankdo dita, sogleank nãvan apoita. Bhorpur chalan sôkot aslolo to sudsudit bolladik asa decun ekleak pasun visronam.” (Izaias 40:26) Hea porim vixvachea ghôdnek eok dixti podonam tosli, sothea dôvorta tosli, xanni sôcot—Dev zienta munon dacoita.
Pirthumichi Mandavôll Favo Toxi Kelea
5-7. Sounsarachi khuinchi khori vôst dacoun dita que tika eok euzôncar asa munon?
5 Vaidyanik Zitlem pirthumichem lissão cortat titlench tankam gomon eta que munxanchea zinek lagon tichi mandavôll favo tea porim kelea munon. Favo to uzvad ani gormi meunchea pasot tika surya thaun dustuch ontoracher dôvorla. Favo titloch côn gheun vankdi kelea, suryak eka vorsak eok bhõnvari marta tea udexim tea pirthumichea zaitea ganvant rutu eunk favo zata. Dor 24 voram modem pirthum apna bhõutonim bhõnvari marta ani chukonastanam uzvad ani callok dita. Dustuch ekvôt zalole gaz vareant asat, tea pasot tacho ami usvas ghetat. Ontrolla voilea luskon ditat tea kirnam thaun hem varem amchi racôn côrta. Pirthumicher zevonn pikoupac zai tem udok ani gôrjechi mati asa.
6 Hea ani oslea soglea vostunim ektaim vavr kelea bogor zivit xarti pavonam. Hem soglem eoka abgatan godon ailem cai? Science News munta: “Osli kherit ani chuko nasloli poristiti sompe ponim voir sorunk zainam.” Nam, tichean apunuch zaunk zainam. Tantun eka soglea poros vôd asa tea euzoncaracho udhex ani mandavôll asa.
7 Ek sôbit gharan tôr tumi bhitôr sorle, ani thuim declem que borem mon dacoun zevonn bhorla, bharim bori gormi ani xitollai hachi mandavôll kelea, udcacho purvotto borea nollan kela. Tumi kitem muntoleat? Tem soglem apxench thuim ailem munon? Nam, tumi khatren muntole que eka xannea munxan euzôn ghalun, vôd calzi gheun tem kelam. Teach porim pirthumichea rohivaxank, kitem goroz asa tem purvotto corpak, tichi euzôn ghalun calzi gheun rochla ani eka ghora poros chôd guspagondolachi bori purvotto korteli oxi rochlea.
8. Sounsaracher ani côsleo vostu asat teo amcam Devachi mogall calzi dacôitat?
8 Teach porim môtint dhôrat zeo zaiteo vostu amchea zivitak sôntos hadtat. Sôbit coranchim basa basanchim fulam polloiat, zancho suvadic vass munis bhogtat. Tea uprant amchea gostak podta tea ruchic zevonanche zaite porkar. Ranam, dôngor, tôllim, ami choupak sôntos bogta ti ani dusri rôchnam asa. Toxench amchea zivitak sôntos vadoita tosli suryachi sanz budta, hea sogleak lagon tum kitem muntai? Ani zanvoranchea zatint petkam, mazrachim poram, ani dusrea zanvoranchim poram, moskoren kheltat ani mogall sobav dacoitat, tem polloun amcam sôntos zainam cai? Pirthum oslim zaitim sôntosachim ojapam dacoita que zivit zôgonk tanchi pureponni goroz nam. Hem dacoun dita que pirthumichi mandavôll doyall calzi gheun, munxank motint dhôrun rochla, que ami focot zieunchem itlench noim punn sôntos zivit bhogchem munon.
9. Connem ani kiteak sounsar rôchlo?
9 Tea pasot, xaneponacho nirnoi gheun heo sogleo vostu diteleak ami côbul côrop munche Bible boroinaran Jehovah Devak muntlolea baxen zata: “Tuvem sôrg ani pirthum rôchla.” Coslea euzônek lagon, to tacho zabab Devachem vornon côrun dita? Pirthum ghôdpi ani rôchpi. “Tanem ti gott bosoila, tanem ti bestich rôchunk nam, punn lôk vosti ticher zaunchi munon.”—Izaias 37:16; 45:18.
Ojapanchi Zivônt Peshi
10, 11. Kiteak lagon ek zivônt peshi itli ojapanchi asa?
10 Zivônt zivallank lagon tum kitem muntai? Tancam rochnar nam cai? Puraveak lagon, zivônt peshiche thôde ojapanche sandhe motint haduia. Tachea bookant Evolution: A Theory in Crisis annu ziv xastranya Michael Denton munta: “Aiz pirthumi voilea soglea zivônt rôchnent, eok sadhi barik rôg peshi, chôd guspagondolachi zaun asa. Zorui hi chôd lhan rôg peshi, asonk sokonam itli lhan asa, . . . torui zon eok peshint asat chod barik carkhande, zantun hozaranim bori euzonn kelolim annu yantram eka meka modem guntlolim asat . . . munxanim toyar kelolea khuinchach yantra poros, zivall nam tea sounsarant pasun, sôr zaunk zainam titlim guspagondolachim zaun asat.”
11 Zon eka peshint annu vaunxic caidea pormonem oxem sangta: “Ami zanant tea khuinchai khobor ektaim corpachea mandavôlli poros DNA chôd hôd zaun asa. Tichean itli khôbor ektaim côrunk zata que, tichea eka sandheachi sozmônim ditolo zalear itli chôd ani guspagondolachi khôbor diunchi podta que, munis tachea mukar eka gramachea hozar million bhaga poros unno podta . . . Zivitachea annu yantranim dacoilolea sobhavpon ani guntouni hachi patalli hanche mukar amchim chod adhunik [yantram] vankdim distat. Ami khaltipon bhogtaõ.”
12. Eka peshichea mull rochnek lagon vaidyanik kitem munta?
12 Denton anik pasun sangta: “Ami zanam zaleat ti sadhea torinchi peshi itli vôd zaun asa que osli vôst vichitr, chôd te porim ghodonk favonam tosli, zott corun eta tea khina porim ousoran tika ghôdoilli hem mandunk soconam.” Tika euzunk ani côrunk ek côrnar favo.
Amcho Ghodonc Oughôd Oso Bhezo
13, 14. Zivônt peshi poros bhezo kiteak chôd ojapancho?
13 Toch vaidyanik uprant sangta: “Guspagondoll ponank lagon sangchem zalear eksuri peshi, zivallanchea bhezeak sôr kelear cainch noim côxi zata. Munxachea bhezea bhitor sumar 10 hozar million nerv peshi asat. Zon eok nerv peshi dusrea peshi sangatak dhaguinim sadoiloli asa te dhage sumar 10 vozar vo 100 hozar, hea numbra bhitôr astat. Soglinch mellon munxachea bheza bhitôr sandoupancho ankdo pavta . . . eok hozar millionache million.”
14 Denton fudem sangta: “Bhezea bhitôr asat tea sandheancho xemboravo vanto legun vegloch mandlo tôr akkea sounsarar batmi diunk lagon bandlolea mandavollichea sandheam poros chôd dacoitolo.” Uprant to vincharta: “Khiunchai punn apxench ghodon ailolea korne thaun osli rochna ektaim Zalea cai?” Dison eta que zabab zaunc zavo nam munon. Hea vorvim bhezeak eok Euzoncar ani Rochnar asonk favo.
15. Bhezeak lagon dusre kitem mot ditat?
15 Munxacho bhezo, chôd sudharlolea computerak halinch zolmank ailolo oxem côrta. Vidnyan bôroupi Morton Hunt munta: “Amcho sudsudit ugdas eka hôd saunxodhan computara poros zaite billion paut chôd sôndex bhitôr dôvorta.” Toxench bhezeacho surgeon Dr. Robert J. White munta: “Ghodonc nozo toslo bhezea-mona môdlo sômondh—munxachea sozmônechea sôkte bhair asa, hem polloun mojean ani cainch vichun gheunc zaina, bogor côbul côrunk potta que eklo ginyanvont asa ani toch zababdar tachea euzonek ani rochnek . . . havem mandunk podta que haka eok xaneponachi suruvat asa, que conem ektean tem ghodonxem kelam.” Ani tanench tachi calzi ghetlea zatoli.
Favo Ti Rogtachi Mandavôll
16-18. (a) Rogtachi mandavôll kiteak lagon favo tea porim zaun asa? (b) Coslea xevôtak ami eunk zai?
16 Favo tea rogtachea mandavôllik lagon chintun polloi. Ti khanem ani zivit usvas vanvoun vorta, pide thaun rocôn corta. Rogtantulea tambdea peshichea mandavôllichea eka sandheak lagon ABC’s of the Human Body book sangta: “Rogtachea focot eka thembeant 250 million sutaveo peshi asat . . . Kudint ghodie 25 trillion asunk zai, titleo tennis khellachim char moidanam bhorunk puro. . . . Tanchi bodlavôn itlea pormanar zata que 3 million noveo peshi eka secundak zolmotat.”
17 Rogtacheo dhoveo peshi, rogtachea favo tea mandavollicho ani eok bhag zaun asat. Tanchem mull amcam sangta: “Tambdeo peshi ekech toricheo asat, punn dhoveo peshi zaitea torincheo asat. Zon eok toricheo peshi kudintulem zuz kherit ritin zuztat. Eka toricheo peshi melolea peshink bhôsm cortat. Dusrea torincheo pidechea zontuk bhosm cortat tosleo vostu toiar cortat. Teo bhailea vostunĉhem vic pasun nopoit cortat vo sarkea utranim sangchem zalear pidechea zôntuk khaun pôchoitat.”
18 Kitli ojapan ani unchaen bandloli hi mandavôll! Khorench côsli pasun vôst, itlea borea baxen ektaim keloli, baric sanen rakloli, ghôdonk eok ginyanvont ani calzi ghetolo rochnar asonk favo.
Dusrim Ojapam
19. Dolleanchi tulana munxani ghodlolea vostuxim coxi zata?
19 Munxachea kudint ani zaitim ojapam asat. Tantlem eok munche dollo, itlea borea baxen bandla que khuinchach camerachi sôr tachexim corunk zainam. Ontrollacho ginyanvont Robert Jastrow munta: “Dollo ghodnara poros khuincheach durbin ghodnaran borem cam corunk nam.” Public pustok Popular Photography munta: “Munxacho dollo poisulleo vostu zitlea barik sanen pollounk xekta titlem foto film corunk soknam. Dolle teen bazuni zôbor rund kelolea katcônam thaun rup vankdem corinastana pôlloit rautat . . . munxachea dollea sangatak camerachi tulana kelear ti favoti tulana zaina. Munxacho dollo ghodonk zaina itlem sudarop zalolo, unchaechea bonavoticho, ginyan ghatlolo, sandêxachi porixa sokot aslolo, dhanv aslolo, kamachi rit aslolo, unchaechea computara baxen zaun asa, to munxanim ghodlolea khuichai pasun hatyara vo computera vo camera poros chôd zaun asa.”
20. Munxanchea kudint aninc thodim coslim ojapam asat?
20 Chintun polloi, eka mekak gunton asat te amchea kudiche sandhe, ami zana zaun proyotn côrchea viret te eka mekak mozôt cortat. Dacounn gheunchi zalear ami zaitea baxechem zevonn ani pionnem amchea pottant ghaltat, torui astana kud tachi zirvonn corun sôcot nirmann côrta. Oslea torinchem zevon eka motorachea gaz tankiet ghalot ani choloit zalear kitlem fudem tem vetelem! Tea uprant zolmachi milagr asa. Ti ek avodta toslem bhurgem dita—maipaechech baxen—focot 9 moinea modem. Ani eka bhurgeak thodeach vorsam modem guspagondolachi bhas ulounk zata?
21. Kudichim ojapam motint ghevn, ek sozmonecho munis kitem munta?
21 Oi, munxachea kudint aslolim zaitim ojapam eka mekak guntloleo rochnam amcam vizmitan bhortat. Tôsleo vostu dusrea khuichach iznerachean corunk zainant. Heo vostu focot eka kurdea suyogachem cortub zaun asat cai? Khorench nam. Bogor, munxachea kudintlim soglim surpam poilear sozmonni asa to munis Psalmistan mutlolea baxen muntolo: “Hanv tuka vodvicai ditolom [Deva] karan bhirancull ritin ani sobitkaen maka tuvem rochla.”—Stotram 139:14.
Sogleam Poros Hôd Bandpi
22, 23. (a) Rochnarachi vôllok ami kiteak divunk zai? (b) Devak lagon Bible sarkem kitem sangta?
22 Bible sangta: “Zon eok ghor conepuni bandlam, khorench Devan soglem asa tem bandlam.” (Hebrevank 3:4, The Jerusalem Bible) Zeaporim dor eok ghor tem kitlem pasun sadhem, taka eok bandpi asonk zavo, teach porim hôd guspagondolachem vixv, zaitea baxechea zivallam sangata hi pirthum, hancam pasun eok ghodpi asonk favo. Ani zea porim viman, television, computer hancho xôdh lailolea munxachi vollok ami dovortão, teach porim, osleo vostu ghodunk munxak bhezo dilolo To zienta munon vôllok ami dacounk naca cai?
23 Bible toxench côrta, munon taka “Khoro Dêv, Jehovah, . . . ogonnit boro, Rôchnar sorgacho vadoupi, pirthum ani picavôll ghatlolo tacher asloleank usvas dita.” (Izaias 42:5) Bible sarkem sangta: “Amchea sorvespora Deva, tuka favo stuti, pôdvi mhoima; karan sogleo vostu rochleat Tunvem. Ani Tuje khoxe vôrvim, aslem titlem zolmank ailem.”—Prokasnni 4:11.
24. Dev asa munon ami coxe porim zanam zaunchem?
24 Oi, ami Dev asa munon zanam zaunk zata tanem kelolea vostum vorvim. “Sounsarachea rôchne thaum [Devache] dixti podonam te gunn gomon etat kiteak [Devan] rôchlolea vostum thaun tachem ginyan dista.”—Romkarank 1:20.
25, 26. Eka vostucho vaxt upeg tachea rochnara virôdak charchea ubarina kiteak?
25 Khori vôst oxi que rochlolea khuinchai vostucho vaxt upeg kelear tacho orth oso noim que taka rochnar nam munon. Eok viman sovoskaechea euzonek lagon vareantulea provasak upeg cortat. Punn tench viman nisonton corpachea kamank lagon bomb ghalonk upeg corunk pasun zata. Tacho morticar coso upeg kelo zalear taka rochnar nam oxem noim.
26 Khori vôst oxi asa que munis zaite paut vaxt zale tacho orth oso noim que tankam rôchnar nam, Dêv nam. Taka lagon Bible sarkem sangta: “Tumi hotti munxando! cumbrak matie sangatak sôr corunk zata cai? Rochla tea vôstun rochnarak munom eta: ‘Tanem maka rochunk nam’? Ani teach godlolea vostuchean munom eta: ‘tanem sozmoni dacounk nam’?”—Izaias 29:16.
27. Coxtank lagon soval etat tankam Dev sarko zabab ditolo munon ami kiteak axetão?
27 Rôchnaran tachem ojapanchem ginyan guspagondolacheo vostu rochun dacoilam. Zienchak favo ti pirthum rochun, amchi kud ani mon itlem sobit rochun, ani zaiteo boreo vostu amcam bhogunk rochun, tanem apun amchi khori calzi gheta munon dacoilam. Khatren to toslench ginyan dacoitolo amchea sovalank zabab diunk ze vortoutat: Devan coxtank kiteak porvangi dilea? Taka lagon to kitem cortolo?
[Obheasache Prosn]
Pan 5-acher aslolo vixoi]
Pirthum apleak raconn dita tea varea sangata calzi gheun, euzun, Devan bandlolem ghor, amchea pasot zaun asa
Pan 6-acher aslolo vixoi]
Amcam sompurn zivit meunchem munon mogan calzi ghevn pirthum rochla
Pan 7-acher aslolo vixoi]
‘Sounsarar Asa tea sondex diupachea mandavollichea euzone poros eka bhezea bhitor chôd guntop asa.’—Molecular biologist
Pan 8-acher aslolo vixoi]
“Dison eta que dolleachi euzon kelolea poros, telescopachea khuichach euzondarachean tachea poros borem côrunk zauchem nam.”—Astronomer
