Bhag 8

Devacho Udhex Xarti Pavonk Fudem Cholta

1, 2. Coxt pois kadunk Devan cosli mandavoll kelea?

BONDD corpi munxanchi ani diuncharanchi razvotki munxa cullak zaitea xenkdeam thaun khala udoit asa. Torui Dev amche coxt visrunk nam. Coxt ani khotepon hanchea mittientule amcam sodounk lagon itle xenkde Dev purvotto corit asa.

² Eden jardinant bondd ghodlolem tednam thaun Devan aplo uddex dacounk suruvat keli. Ek serkar ghodunk zem hea sounsarachem bhuinkut munxanchem ghor cortelem. (Utpoti 3:15) Uprant Devacho mukhel muniari Jesu hanem eta tea Devachea serkarachi khobor aplea xicônechi mukhel vôst keli. Tanem xincoilem que tich munxancho bhorvonso zaun asa.—Daniel 2:44; Matev 6:9, 10; 12:21.

3. Sounsarar eta tea serkarak lagon Jesun kitem mutlam ani kiteak?

³ Eta tea Devachea Serkarak Jesun “sorginchem Raz,” mutla. Kiteak ti sorgar thaun razvotki choltoli. (Matev 4:17) “Devachi Razvotki,” pasun taka tane mutla. Karan Dev tacho euzoncar. (Lukas 17:20) côn tea razvotkent astele ani te kitem cortele te bhovixvad Devan tachea boroinarank povitr atmean bhorun boroila.

Pirthumincho Novo Raza

4, 5. Jesu aplo vinchun cadlolo raza munon Devan coxem dacoilem?

⁴ Devachea Razvotkecho côn raza astolo, tache zaite bhovix vadh Jesun 2 hozar vorsam adim xarti pavoile. Munxancher asa tea sorginchea razvotkecho to raza munon Devan taka vinchun cadla hem tanem provar kelem. Ani morna uprant Jesuk Devan punorzivont corun sorgar bolladik moron nam tosli zeen taka dili. Tachea punorzivont ponank zaite sakxi aslele.—Dhormdutancho Itihas 4:10; 9:1-9; Romkarank 1:1-4; 1 Korintkarank 15:3-8.

⁵ Uprant Jesu “Devachea uzvea hatak boslo.” (Hebrevank 10:12) Devachea razvotkecho raza munon odhikar ghevunk Dev taka podvi ditolo munon vatt polloitalo. Stotram 110:1, boroilolo bhovixvadh ghodon ailo zednam Devan mutlem: “Dusmanank tujea payanchi munoi coxe tallak ghalisor mojea uzvea hatak bos.”

6. Devachea razvotkek favo to raza munon Jesun coxem dacoilem?

⁶ Oslea podvek apun favo asam munon Jesun sounsarar astanam dacoilem. Coxt ailear pasun tanem Devacher patieni dovorli. Coxt hadle zalear conunch munis Devak visvasu ascho nam munon Soitanan marloli fott munon Jesun dacoilem. Sompurn munxank rochun Devan chuk corunk nam munon Jesun eka sompurn muxan dacoilem dekun taka ‘dusro Adão’ muntat.—1 Korintkarank 15:22, 45; Matev 4:1-11.

7, 8. Sounsarar astanam Jesun cosleo boreo vostu keleo ani tea vorvim kitem dacoilem?

⁷ Tachea thodeach vorsanchea kamgirent keleat titlim camam khuinchai puni razan keleat kai? Devachea povitr atmeanchea bollan Jesun pidevontank, dhoron podleleank, bhereank, moneank, bore kele. Meloleank pasun utoile! Zednam to Razvotkechea odhikarar etolo tednam akkea sounsarar munxa cullak kitem cortolo tem thode porim dacoilem.—Matev 15:30, 31; Lukas 7:11-16.

⁸ Sounsaran astana Jesun itlem borem kelem que tacho disciple Juanv munta: “Jesun keloleo anink pasun vostu asat. Puraveak lagon sogleo boroileo, zalear tachim pustokam sounsarar dhorchim nant.”—Juanv 21:25. *

9. Kiteak lagon khalti kalzache munis Jesuxim ektaim zatat?

 ⁹ Jesu bharim doall ani mogall aslo. Munxancho chod mog corpi aslo. Gorib ani chepnenk podloleank tanem mozot keli, pun girestank ani odhikareak tanem doxim corunk nam. Zednam tanem mutlem: “Sogle tumi coxti ani vozon podlole mojexim eat hanv tumcam thondai ditolom. Mozem zum gheat ani moje thaim xincat, kiteak hanv khalte sobhavacho ani movall calzachom, tednam tumchea zivak thondai meuteli. Kiteak mojem zum doall ani vozon hogur.” (Matev 11:28-30) Dev bhiranteche munis tachexim ektaim zaleat. Ani tachea razvotkechi vatt polloitat.—Juanv 12:19.

Sangati Raza

10, 11. Pirthum cholloupak Jesu sangatak ani côn astele?

¹⁰ Zoxe munxanchea razvotkent ekvottit carbari asat teach porim Devachea sorginchea razvotkent asat. Jesu poros dusre asat te pirthumicher razvotki cholloitele. Kiteak Jesun tachea laginchea sangateank apnam sangatak raza corun munxa cullacher razvotki cholloitelet munon bhas dilea.—Juanv 14:2, 3; Prokasnni 5:10; 20:6.

¹¹ Tea pasot Jesu sangatak sorginchea zeenenk lagon punorzivont keleat tancho ankdo lhan asa. Te sogle mellon Devachi razvotki zatat, zi munxa cullak sasnanchem bessão hadteli. (2 Korintkarank 4:14; Prokasnni 14:1-3) Oxe porim xenkde vorsam calla thaun Jehovah Devan Razvotkechi buniyad ghatla, zi munxanchea familek sasnanchem bessão hadteli.

Sotontr Razvotkecho Xevott

12, 13. Devachi Razvotki atam kitem côrunk ravta?

¹² Hea xekdeant Devan munxanchea karbarant somto hat ghatlo. Hea bookachea 9 Bhagant tachi bondabond zateli. Bibliacho bhovix vadh dacoita que Devachi Razvotki Christa khala 1914 vorsak suru zali ani atam Soitanachi sompurn mandavoll chiddun vodounk raulea. Ti razvotki toyar ravlea “vochonk [Christachea] dusmanam modench ani raz zincon gheunk.”—Stotram 110:2.

¹³ Hea babdint Danielacho bhovixvad oxem munta 2:44: “Tea razanchea [atam asat tea] tempar sorgincho Dev ek razvotki godtolo [sorgar] ti kednanch noxt zaunchi nam. Ticho odhikar dusrea lokak voicho nam. [munxanchem raz anink kednanch ghodchem nam]. Ti [Devachi razvotki] hea soglea razvotkeank cordun pitto korteli ani apun sanank rauteli.”—Revised Standard Version.

14. Munxanchi razvotki cobar zatoch tacho porinam munon khuinche thode faide zatole?

 ¹⁴ Zednam soglea Deva thaun sotontr razvotkeank porro kelea uprant, Devachea razvotkecho odhikar sounsarar sompurn zaun astolo. Karan Devachi Razvotki sorgar thaun cholteli. Tika munxanchean kednanch mhelli corunk zanvchem nam. Serkari odhikar sorgar Devaxim poilo aslolo thuim astolo. Razvotkecho odhikar soglea sounsaracher tabo dovortolo. Khote dhorm conankuch vakdi vatt dacounche nant. Vo atmik dadospon diunk zainam tosleo munxancheo filosophy ani serkari caide asche nant. Tankam Devachi porvangi nam.—Matev 7:15-23; Prokasnni, Avessor 17 to 19 porian.

[Futtnott]

[Obheasache Prosn]

[Pan 18-acher aslolo vixoi]

Sounsarant astana Jesun pidevontank bore kele ani meloleank zive kele. Dacounk lagon kitem to novea sounsarant kortolo tem

[Pan 19-acher aslolo vixoi]

Devachi sorginchi Razvotki tichea thaun sotontr asat tea soglea bhaxechea razvotkeancho pitto corun nanch corun vodoiteli