Bhag 6

Devan Côxtank Kiteak Porvangi Dilea

1, 2. Devan diloli bôri suruvat amchea purvôz maipaen côxi vogdaili?

KITEM chuk zali? Kitem ghodon ailem que Devan amchea poilea maipaek Eden bhuinkulant bori suruvat diloli tacho vibad zalo? Kiteak lagon bhuikutantuli sovoskai ani ekvôt nam zaun vaxtaponn ani côxt hazarani vorsam asat?

² Karan oxem zaun asa que Adãnv ani Even tanchea sotontr khôxecho vaxt upeg kelo. Devachea caidea bogor apli vadavôll zavunk apnank rochunk nam hea vostuchi dixt tani vogdaili. Deva thaun sotontr zavunk tanim tharav ghetlo. Tanim chitlem que toxem kelear tanchi zeen sudartoli.  Tea pasot tanim Devan ghalun dilolea sotontr khôxechea bhair chant marli.—Utpoti Avessor 3.

Vixvachea Sôrv Pôdvedar Raiponacho Prôxn

3-5. Kiteak lagon Devan Adão ami Evek nisonton korun novi survat corunk nam?

³ Devan kiteak lagon Adão ani Evek nisonton côrun dusrea munxanchea zodpeachi suruvat côrunk nam? Karan tachea vixvachea sôrv podvedar raiponank, zem conakuch dusreak mevonam, taka hat ghatla.

⁴ Prôxn oso aslolo que konank razvotki chôlloupacho odhikar asa ani conachi razvotki sarki asa? To sorvpodvedar Dêv ani soglea vôstuncho rochnar zaun aslolea udexim taka odhikar asa tancher razvotki chôlounk. To sogleam poros xanno aslolea udexim tacho kaido soglea rochnek ekdom boro zavn asa. Pun Devachea kaideak aiz hat ghatla. Tachea rôchnent—munxamodem kiteim punni chuk asli cai? Hea fudem munxachea patienecho prôxn ami porikxa coruia.

⁵ Deva thaun munis sotontr zalolea vorvim aninc eok soval aicunk ailo. Devan tancher razvotki choloilea bogor munis borem hadtele cai? Dev tacho zabab zanam. Punn munxanim ek khatrechi vatt sodun kadunk zai munon, tankam sompurn sotontr dilem. Tanim sotontr khoxechi vatt apnench vinchun cadli, Devan ti dili.

6, 7. Itlim vorsam Devan munxank sompurn sotontr kiteak dilem?

⁶ Sompurn sotontracho upeg corpak bhôrpur vell dilea uprant, Dêv sôrv callak lagon tharaitolo que Devachea Razvôtke khala munxeank borepon asa vô tanchea sotachea. Ani tharailolo vell itlo astolo que rajcaran, udhyog, vidnyan, ani voizaponn tanim chitlolea porim tongxek pavo porian.

⁷ Tea pasot Devan samki amchea disam porian munxank sotontr vatt dovorli. Cainch dubav nastonam munxanchi razvotki Deva viret xarti pavta zalear dacoupak. Hea porim doyalponn ani daruncai, môg ani dusvas, nitivôntponn ani khoteponn hantutlem vinchun ghevunk munis somorth zalo. Pun tanem vinchloleacho porinam bhogunk tanem ubo rauncho padlo zoxem boreponn ani sovoskai vo khoteponn ani duk.

Atmik Rôchnechem Bondd

8, 9. (a) Atmik razvôtkent bondd coxem suru zalem? (b) Adão ani Eve bogor Soitan aninc conank bondd corunk lagon fudem choloita?

⁸ Ani eok vôstucher ami chint diunk favo Devachea Razvotkek add vetelim focot amchim purvôz maepai itlinch noim pun tea vellar anink cônn zientale? Atmik rôchnam. Devan munxank nirmunchea adim zivitachea unchaechi rôchna ãinzanche hôd numbr sôrg razant zionchea pasot rochle. Tancam pasun sotontr khoxeche ani Devachea kaideak khalti zaunk rôchle.—Job 38:7; Stotram 104:4; Prokasnni 5:11.

⁹ Bible dacoita que poilench bondd atmik razvotkent zalem. Eka atmik rôchnek sômpurn sotontr zai aslem munxanchi bhôkti taka zai  asli. (Matev 4:8, 9) Hea pasot atmik bondd-caran Adão ani Evecher porinam kelo oxem munon: Dev kitem pun borem tumchea thaun limpoita. (Utpoti 3:1-5) Hea pasot taka Deunchar (Não piddear corta to) ani Soitan (add veta to) muntat. Uprant tanem dusrea atmik rôchnek bondd côrunk mon vibadlem. Tankam bhutam muntat.—Dusri Somurt 32:17; Prokasnni 12:9; 16:14.

10. Munis ani spirit rochnem thaun bondd ailea udexim kitem porinam zalo?

¹⁰ Devacher bondd kelolea udexim munis, Soitan ani tache deunchar hanchea tabeant aile. Tea pasot Bible Soitanank munta: “Hea sounsaric vôstunchea mandavôllicho Dev,” zanem “onbhavdteanche dolle kurde keleat.” Torui Devacho sôbd sangta que: “Akko sounsar noxteachea tabeant asa.” Jesun sotha Soitanank “Hea sounsaracho raza mutla.”—2 Korintkarank 4:4; 1 Juanv 5:19; Juanv 12:31.

Don vadh

11. Anink khuinchea vadhak lagon Soitanan Devak biryak ghalem?

¹¹ Soitanan anik eok vadh ubarlo que to Devaxim biryak podlo. Tane arôp kelo que Devan munxank rochun chuk kelea. Ani tancher côxt hadit zalear conunch sarki vôst côrcho nam. Ani tanem davo mandlo que porixa ghetli zalear te Devak xirap sodtele. (Job 2:1-5) Hea baxen Soitanan munxank patienemchea sovala khala hadle.

12-14. Soitanan ube kelolea dôn vadhank lagon kall koxo soth dacoun ditolo?

¹² Tea pasot soglea xannea rochnek Devan bhorpur vell dilo que ho vadh ani Devachea sôrv pôdvedar ponacho vadh koso sutavo zata tem pollounk. (Tulana cor Suttka 9:16.) Munxanchea itihasacho xevotacho anubhav dacoitolo, soth hea donui vadhanchem.

¹³ Sogleam poros poilem kall kitem dacoitolo tôr vixvachem sôrv pôdvedar raiponn. Devachi razvotki soth asa? Vo munxanchi razvotki Deva poros borem raz choloita? Devathaun vegli khuinchich munxanchi razvotkechi mandavôll zuz, kirm, ani anyai naslolea sukhi sounsarant bhitor cadunk xekta cai? Khuinchi punni goribponn cadun vodoun sogleank sukall hadot cai? Khuinchi punni pida, mhatremponn ani moron zicon gheit cai? Hem soglem corunk lagon Devachea Razvotkechi mandavôll kelea.—Utpoti 1:26-31.

¹⁴ Dusrea vadhak lagon ani munxanchea bore ponank lagon, kall kitem dacoun ditolo? Devan munxank rochtonam kitem punn chuk asli cai? Porixa hadlea tednam conui punn tantlo munis sarki vatt choltolo cai? Hea vorvim Devachi razvotki zai punn munxanchi sotontr razvotki naka munon gomtelem?

[Obheasache Prosn]

[Pan 13-acher aslolo vixoi]

Devan muxank vell dila que tanim zôdlolea kamanchea tengxek te pavnche

[Credit Line]

Shuttle: Based on NASA photo