Devan Ghodlolo Ojapancho Novo Sounsar
Bhag 10
Devan Ghodlolo Ojapancho Novo Sounsar
1, 2. Nitoll corta tea Armageddon zuza uprant kitem zatolem?
SOUNSAR nitoll corpachea Devachea Armageddon zuza uprant kitem zatolem? Uprant eok vodvicaechem Novem Yug suru zatelem. Armageddonantulean vanchun urlolo lok Devachea Razvotkek vixvaxi rautele, novea sounsarant bhitor sortele. Ho itihasacho ojapancho novo, chint tharaita toslo, call astolo zoxim ojapanchi denim Deva thaun munxa cullacher vanvtelim!
2 Devachea Razvotkechea vatten choltat te vanchun uron fudem bhuinkut bandunk challu cortele. Apsuvadt nam tosli tanchi sokot tednam ravtelea lokak sogleank boreak podteli. Pirthum munxa cullachem dadoxi, sundor, sovoskaechem ghor zateli.
Khoteponachea Zaguar Nitivontpon Etolem
3. Armageddona uprant rokdoch coslo visavo meutolo?
3 Soitanachea sounsarachem nisonton kelea uprant thuim veglachar cortat te khotte dhorm, somaz rochna, vo serkar asche nant. Munxank fottoupachi batmi porgott corta to Soitan ani tacheo mandavolli khala voitoleo. Chintun polloi Soitanachea sounsarachem sompurn vicall varem nam zatolem! Tedna kitlo suseg astolo!
4. Xicvonent bodlavônn zateli tichem vornon côr.
4 Tea uprant munxanchea sounsarachea nisontonacheo kolponam vochon tea suvater Devachem unchaechem xincop etelem. “Sogle tuje put Jehovah Devan xicoilole astele.” (Izaias 54:13) Vorsachea vorsa hea bholaque xinkpa udexim “pirthum khatren Jehovah Devachea ginyanan bhortoli zoxem somdirak udok bhorta.” (Izaias 11:9) Zem vaxt asa tem lok xinkchonam bogor “Dexache rohivaxi nitivontponn khorench xinktele.” (Izaias 26:9) Ekvott corpachim chitnam ani corneo tea disancho hukum astolo.—Dhormdutancho Itihas 17:31; Filipkarank 4:8.
5. Soglea khotteponank ani khottea munxank kitem zotolem?
5 Thinga ziv cadop, modfod, balatkar, chori, vo kirm aschi nam. Dusreanim kelolea khotea cortubank lagon conakuch coxt bhogunk podche nant. Mhonnʼnneo 10:30 sangta: “Nitivont munxak sasnank conuch halouncho nam, pun khotte munis hea pirthumir raunche nant.”
Bori Bholaque Porti Eteli
6, 7. (a) Khuinchea mozbut khoreaponachi Razvotki xevôt côrteli? (b) Pirthumicher astana Jesun tem coxem corun dacoilem?
6 Novea sounsarant survatek kelolea bonddache sogle vaxt porinam porot fattim vetele. Razvotkecho odhikar pida ani mhatrempon nam cortolo. Aiz ami thodi bholaque bhogtão zalearui, amchean nam munonk zainam kiteak tem soth asa, que tum matro zatolo, tuzi nodor unni zateli, tuze dant custole, tuzem aicoup unnem zatelem, tuzea katik xiro podtoleo, tuze bhitorle sandhe modtele, ani uprant tum mortolo.
7 Khônt hadtat te porinam amchea purvôz maipaen amchea kudint ghatleat te porinam laginch fattim zavn gueloli vôst zaun astoli. Sounsarant astana Jesun bholaikêk lagon kitem côrun dacoilem tacho ugdas tumcam asa cai? Bible sangta: “Lokache hôd zome tachexim aile. Thonte, pangle, kurde, bhere ani dusreank, hadun samke Jesuchea pãyanr vodoile, ani Jesun tankam bore kele ani tea vorvim zomo thataklo kiteak tani mone uloitale, thonte choltale ani kurde polloitale tem polloilem.”—Matev 15:30, 31.
8, 9. Novea sounsarant zednam sompurn bolaque porthi eteli, tednam zaupacho sôntos vornon côr.
8 Novea sounsarant kitli hôd khoxalcai etoli zednam soglim amchim uneponam nam zatolim! Amchea uneponachea bolaque thaun etat te côxt amcam porot kednanch duk diunche nant. “Kônunch rôhivaxi apun duent asa munon sangcho nam.” “Tea vellar kurdeanche dolle ugte zatele, ani bhereanche can bond asche nant. Tea vellar thonte chittol dongrar dhanvta toxe dhauntole ani monyachi jeeb khoxalcaen bob marteli.”—Izaias 33:24; 35:5, 6.
9 Dor eok sokaim utton apnank bori bholaque aila tem polloun tum ojap zauncho nam cai? Amchim purvôz Adão ani Eve hankam survatek aslolem toslem sompurn tornatponn ailam tem polloun zante munis sontos paunche nant cai? Bible bhas dita que: “Tachi kud tornatpona poros torni zavum, tachea tornatponachea idadir to evum.” (Job 33:25) Vistichim voklam, aicopachim hatearam, thonteanche dande, rodancheo côdeli ani pidechim voktam cadun bhair udoitonam kitlo sontos zatolo! Aspotreo, dôtor, ani dêntist anink kednanch upcarche nant.
10. Mornanchem kitem zatolem?
10 Osli bori bholaque bhogteleank moronk podchem nam. Ani khorench podchem nam. Kiteak, soimba thaun ailolea uneponachea ani mornanchea mittient munxacull anink aschem nam. “Tachea soglea dusmanank pãyam talla ghalisôr Christan raza zavonk zavo, tea porim xêvotacho dusman moron nanch zatelem.” “Dev dita tem denem sasnachi zeen.”—1 Korintkarank 15:25, 26; Romkarank 6:23; Izaias 25:8 pasun polloi.
11. Prokasnni novea sounsarache faide coxea porim thodea bhitôr sangta?
11 Calzi gheta tea Deva thaun bhuinkuttant munxank meutat tea deniank lagon Bibliachea xevotachea bookant mutla: “Ho polleiat monxam sangata Devacho tombu, To tanche borim ravtolo te tachi porza zatele ani to tanche borim Dev, tancho Dev Zatolo. Tancheam dolleantlim soglim dukam [Dev] pustolo; moronn, khont, rodnem, dukh anink aschimnant, kiteak adlem sogott nattak zalem.”—Prokasnni 21:3, 4.
Melole Porte Etele
12. Devan diloli punorzivont corpachi sôcot Jesun côxi dacoili?
12 Duent lokak ani thonteank curar corchea poros Jesun ani chôd kitem kelem. Tane fondantulea melolea munxank porte jivônt kele. Hea porim tane Devan diloli punorzivont corpachi sôkot dacôili. Tumcam ugdas asa kai Jesu eka munxachea ghara guelolo zachi dhuv meloli? Jesun melolea chedvak mutlem “Chedva hanv tuka sangtam utt!” Kitem porimam zalo? “Rokdench chedum utlem ani chollonk laglem.” Tem polloun thuim aslolo lok “hod ojapan bhorlo.” Tancho sontos tanchea modem dhorona zalo!—Mark 5:41, 42; Hem pasun polloi Lucas 7:11-16; Juanv 11:1-45.
13. Khuinchea baxechea munxank punorzivônt ponn meutolem?
13 Novea sounsarant “boreanchem toxench khotteanchem punorzivont ponn zaunk asa.” (Dhormdutancho Itihas 24:15) Tea vellar Jesu Devan diloli meloleank uttoupachi sokot uzar cortolo. Karan tane sangla: “Hanv punorzivontponn ani zivit. Zo côn môzer visvas dôvorta to melear pasun zivônt zatolo.” (Juanv 11:25) Anink tane sanglem: “Mornanchea fondant [Devachea ugdasak] asat te tacho [Jesucho] tallo aicotele ani bhair sortele.”—Juanv 5:28, 29.
14. Moronn anink aschem nam hea caranank lagon khuicheo vôstu kadun vodôitolo?
14 Aplea mogachea munxank mellonk meloleantule punorzivont zalolea lokanche zomeanche zome akkea pirthumicher etole tednam kitlo sôntos zatolo! Mornacher muntat tim utram aicun zivont munxank duk zata toslim utram anink aschim nant. Tachea bodlek nove kitle punorzivont zale tem porgott zalolem vachun tanchea mog cornarank kitlo sôntos bhogtolo. Tea pasot moronn, mornachim agtim, mosonn, vo ximtôr anink aschim nant!
Khoroch Eok Sovoskaecho Sounsar
15. Mikeias hacho bhovixvadh sômpurn orthan coxo ghodon etolo?
15 Zivitachea soglea vattanim sovoskai volkotole. Zuzam, zuzam ghodtat te, zuzanchi hatearam ghodtat te, nanch zatele. Kiteak? Doxim corta ti raxtr bhavonam, zatkatichi avod dixti podchi nam. Tea uprant pure poni, “Raxtram Raxtrancher torsad ubarche nant, kednanch zuz xinkche nant.”—Mikeias 4:3.
16. Dev zuzam coxim nam cortolo?
16 Munxachea rogtak axelelea, thambo nastona zuztelea itihasacher nodor marlear hi vost ojapanchi dista. Pun focot tem ghodlem, munxacull munxachea ani Soitanachea serkara khala aslolea udexim. Novea sounsarant Razvotkechea podve khala oxem ghodtelem: “Eiat locando Jehovah-chim kamam polloiat . . . sousarachea pontak pasun to zuzam thamboitolo. Dhonux modtolo ani bhaleache tukde cortolo, ani [zuzanche] ronn-gade ujan lasoitolo.”—Stotram 46:8, 9.
17, 18. Novea sounsarant munxam ani zanvoran modem coslo sômondh astolo?
17 Eden bagint aslolea porim munis ani zanvoram pasun sovoskaen rautolim. (Utpoti 1:28; 2:19) Dev munta: “Tankam lagon tea disanim hanv xert eok corar cortolom. Ranatulea zongli zanvorank, zomnivoilea sorpottun choltat tea zanvorank hanv raktolom.”—Ozeias 2:18.
18 Kitli bori ti sovoskai astoli? “Landgo eka vellar bôkde sangatak zientolo, bokdechea pora sorxim vag add podtolo, vasur ani dactulo xinvancho pilo ani putputit zanvor ektaim astolim. Ani eoc dactulo bhurgo tancho mukhel zatolo.” Hea uprant zanvoram kednanch munxak vo dusrea zanvorank bhirant zaunchim nant. “Shinv pasun boila baxen tonn khatolo”!—Izaias 11:6-9; 65:25.
Pirthum Bodlon Bhuinkut zatoli
19. Sounsarachi bodlavôn Coslea vostunt etoli?
19 Munxacullak lagon akko sounsar bodlon bhuinkut zatolo. Tea pasot tacher visvas dovorloleak tanem oxi bhas dilea: “Tum moje sangatak bhuinkutant ravtolo.” Bible sangta: “Sodo ani udok nam to gãnv voir sortolo ani podong moidan sontosachem zatolem, kessorachea zada baxen fultolem . . . kiteak podong zomin funtton udok bhair sortelem ani sukea moidanatulean zôri funtoleo.”—Lucas 23:43; Izaias 35:1, 6.
20. Munxacullak bhuk kednanch pidchi nam kiteak?
20 Devachea Razvotke khala millionani lokak bhuk podchi nam. “Pirthumicher bhorpur vôrov astolo. Dongrancher tachi khatôd zateli.” “Xetantulea zadan tachem foll diunk zai, ani zomnin apli pikavôll diunk zai. Ani aplea lugarar to lôk racônn ghetlolo astolo.”—Stotram 72:16; Ezekiel 34:27.
21. Ghordar naslolo, zopôd pottentulo, vaxt sezari, lok kitem zotolo?
21 Ghor dar naslole, gorib, zopodpottent rautole, vo kirmidor sezari asche nant. “Te gharam bandtele ani khorench tantun rautele. Tanim roilolem dusre khaunche nant.” “Zon eklo aplea dhakanchea valli tolla ani onjirachea zadatolla khorench bostolo ani tankam conunch bhenkdauncho nam.”—Izsaias 65:21, 22; Mikeias 4:4.
22. Bible Devache Razvotkentulim bessãvam côxim vornon côrta?
22 Hea soglea vostunchem denem munxank mevtolem ani chôd corun bhuinkutant. Stotram 145:16 sangta: “Tum [Dev] tuzo hat ugto cortai ani sogteam zivallak dadoxi côrtai.” Ojap noim que Bible bhovixvadh sangtat: “Nitivônt munxak bhuim mevteli ani khoreponi te bhorpur sovoskai ani sontos bhogtele . . . Nitivont hi pirthum ghetele anink sasnank tacher ravtele.”—Stotram 37:11, 29.
Fatlea Tempachem Sarkem Côrop
23. Ami poile bhoglole sogle côxt Devachi Razvotki côxi cadun vodoiteli?
23 Guela tea 6 hozar vorsant munxcullak kitem luskonn zalem tem Devachi Razvotki bhorun kadteli. Munxanim bhogla tea duka poros tem suk chôd astelem. Adim bhôgleat tea coxtancho ugdas evun zivak kednanch khont zaunchi nam. Ekvotachim chitnam ani côrtubam hea vorvim zeen bandun hadlolea udexim lôvu lôvu dukacho ugdas pusun vetolo.
24, 25. (a) Izaias hanem sanglolem kitem ghodtelem? (b) Adlea côxtancho ugdas pasun vetolo munon amcam coxi khatri meuta?
24 Calzi gheta to Dev collit corta: “Hanv novo sorg [munxa cullak novo sorgincho serkar] ani eok novi pirthum [ek nitivônt munxancho sounsar] cortolom. Ani adleo vostu motint noi mun calzant euncheo nant. Pun tumi lokando zem kitem hanv rochtam tantun tumi sasnank sôntos pavat.” “Sogli pirthum susegad zatoli, kizilam thaun sutavi zatoli. Lôk khoxalcaen bhoron sontosan bobat martolo.”—Izaias 14:7; 65:17, 18.
25 Tachea Razvotke udexim, Dev itlim vorsam pasun ailoli vaxt poristiti porthi côrtolo. Fatlea tempak zalolea cosleai duki poros chôd borim bessavam amcher sasnank lotton etelim. Dev amcan chôd kalzi dacoitolo. Adim sônslolea côxtancho motintulo ugdas chintlo zalear to rông vochon bhông zalolo oso distolo.
26. Amche poilenche côxt Dev kiteak bhorun ditolo?
26 Hea bhaxen sounsarant adim bhoglolem côxtanchem faricponn Dev amcam ditolo. To boro zanam que ami uneponant zolmoleat ti amchi chuk noim munon. Kiteak tem amchea purvôz maipae thaun ailam munon. Ani Soitanachea sounsarant zolmonk amchi chuk noim munon. Zôr tôr Adão ani Eve Devak vixvaxi raulôlim tôr ami bhuinkutant zolmank etole asle. Tea pasot hôd monan Dev amcher adlea tempa thaun ailolem vaxt tachea poros chôd borepon amcam ditolo.
27. Novea sounsarant khuinche ojapanche bhovixvadh ghodon etele?
27 Sanglam tosench novea sounsarant munxacull sutka bhogtelem Romkarank 8:21, 22: “Rochnenk khoteponn ani gulamponn hantutlean sutka mellon Devachea bhurgeank vodvicaechi sutka mevteli. Kiteak ami zanão sogli rochna aizun poryan côxtant asa ani rodta.” Tea uprant amchem magnem sompurn folladik zalolem lôk choitolo. “Tuzem raz amcam evum, Tuzi khoxi sorgar zata toxi sounsarant zavum.” (Matev 6:10) Bhuinkutant sorgar asa toslich ojapanchi poristiti disteli.
[Obheasache Prosn]
[Pan 23-acher aslolo vixoi]
Novea Sounsarant mhatarim munxam tornatponachea piraer etolim
[Pan 24-acher aslolo vixoi]
Dev soglem duens ani dubleponn novea sounsarant nam corun vodoitolo
[Pan 25-acher aslolo vixoi]
Novea Sounsarant meloleank punorzivont ponachem zivit meutolem
[Pan 26-acher aslolo vixoi]
‘Te zuz kednanch xinkche nant’
[Pan 27-acher aslolo vixoi]
Bhuinkutant munis ani zanvoram sompurn sovoskaen Ravtelim
[Pan 27-acher aslolo vixoi]
‘Dev tacho hat ugto cortolo ani zon ek zivallachi axa bhagoitolo’
[Pan 28-acher aslolo vixoi]
Ami sonslolea coxtam poros amcam chôd borem Devachi Razvotki corteli
