Khorench Dêv Amchi Calzi Gheta Cai?
Bhag 1
Khorench Dêv Amchi Calzi Gheta Cai?
1, 2. Devak vixim lôk kitem sovalam vinchartat ani kiteak?
TUMCHEA zivitant thode paut tumi vinchar quela zatolo: ‘zôr tôr amchi calzi ghetolo Dêv khoroch asa tôr kiteak lagon tanem itlea coxtank sothea dilea cai?’ Côxt ami sogleanim bhogleat vô dusreanim bhôglole decleat.
2 Khorench, akkea itihasant zuzam, daruncai, kirm, anyai, gôribpon, pida, ani mogachea munxanchem moron, hea vostum udexim lokanim calzant duk bhoglea. Amchea 20vea xekdeantuch zuzant 100 million lôk moronn pavleat. Her xemborani million zôkmi zaleat vô ghoram daram ani bhat bhensam vogdaun bôsleat. Amcheach tempar dispotteo bhirancull vostu ghodtat, tacho porinam dukam gôlloun zaitem duk ani niraxa, mezunk zaina titlea lokancher ailea.
3, 4. Devan côxtank sothea dilea munon zaite lôk kitem chintat?
3 Thodo lôk dusvaxi zata ani chintunk lagta que zôr tôr Dêv asa tôr to khoroch amchi calzi ghena cai. Vo Dev nam cai. Puravo pollouncho zalear, sounsaric poilea voda zuzant zati-katik lagon zalelea maramarent eka munxachi famil ani ixtt hancam zivenxim marlem. Tea pasot tanem vincharlem: “Amcam goroz asa tednam Dev khuim aslolo?” Dusrea sounsaric vôd zuzant Nazinim zeev cadlolea millionani loka modlo eklo sâlvar zalolo munis melolea lokanchem duk polloun itlo bezar zata que to munta: “Zôr tôr tumi mozem calliz leunxat tôr tumi vican bhortolet.”
4 Hea porim zaito lôk sozmonam, kiteak lagon ek boro Dêv vaxt vostu ghodonk sothea dita. Te vinchartat Dêv khorench amchi clazi gheta cai. Vo Dev asa pun cai. Ani zaitea lokak dista que côxt munxa cullachea zivitant sodanch astele cai.
[Obheasache Prosn]
[Pan 2-3-acher aslolo vixoi]
Coxtam viret novo sounsar laguinch asa cai?
