Novea Sounsarachi Buniyadh Atanch Ghodlea
Bhag 11
Novea Sounsarachi Buniyadh Atanch Ghodlea
1, 2. Bible Bhôvixvadh ghodon etat tea pormone amchea dolleam mukaruch kitem ghodta?
OJAPANCHI vôst oxi zaum asa que Devachea novea sounsarachi buniyad atanch ghodon ailea. Soitanacho porno sounsar vaxt poristitik paula. Amchea dolleam mukar Dev sogtea rastrantule lôk aktaim côrta ani tanchi novea sounsarachea somazachi buniyadh ghôdta. Ti buniyadh veginch aiz asa tea funtlolea sounsarachea lugarar apun eun bostêli. Bibliant 2 Pedru 3:13 hea novea somazak “Novi Pirthum” munta.
2 Bibliacho bhovixvadh sangta: “xevôtachea disanim [Aiz ami rautão tea tempar] . . . zaito lôk khatren muntolo: Tumi lokando eat Jehovachea dongraxim vochoia [Tachi khori bhokti] . . . ani to tacheo vatto amcam xincoitolo tachea vatten ami cholloia.”—Izaias 2:2-3.
3. (a) Izaias bhôvixvadh conam modem ghodta? (b) Hacher Bibliacho xevôtacho book kitem sangta?
3 To bhovixvadh atam ghodon eta, te munis Devachea vattek khalti zatat ani tea vatten choltat. Bibliacho xevotacho book hea sovoskaecho mog corpi antor raxtriy lokanchea sociedadik lagon uloita. “Eok hôd zomo . . . soglea raxtrantulea, cullianchea lokancho, ani bhasancho,” ek khorem bhavponn dacoun Devak ekvotit bhokti cortolo. Anink Bible oxem sangta: “Te hôd odruxta thaun ailole” munche te hea khottea sounsaracho xevôtt zatona vanchun urtole.—Prokasnni 7:9, 14; Matev 24:3.
Akkea Sounsarar Asa Tem Khorem Bhavponn
4, 5. Kiteak lagon Jehovachea Sakxanchem antor raxtriy bhavponn xarti pavla?
4 Devachea hukuma pormonem zivit sarunk millionanim Jehovache Sakxi Khatren proyotn cortat. Tancho sasnachea zivitacho bhorvônso Devachea novea sounsarak bandlolo asa. Aplea dispottea zinent Devachea Caideak khalti zaun te dacôitat que sasnank tankam Devachea Razvotkek khalti zaunk khoxi asa. Tanchem raxtriyponn ani culli kuxin dôvrun te Devan aplea utranim ghatlole kaide paltat. Tea pasot te antor raxtriy bhav ani Devan kelolo somaz zaun asat.—Izaias 54:13; Matev 22:37, 38; Juanv 15:9, 14.
5 Tanchea antor raxtiy bhavponank lagon Jehovache Sakxi apnank vodvicai ghenant. Te bore zanant que ho Devacho bolladik atmo porinam corta, ze munis tachea caideak khalti zatat tancher. (Dhormdutancho Itihas 5:29, 32; Galasiekarank 5:22, 23) Hem Devachem côrtub zaun asa Jesun sanglolea baxen: “Munxam thaim ghodonant teo vostu Dev ghodta.” (Lucas 18:27) Tea Pasot itli tôkos ghêvn Devan vixv rochlem anim tôslich tôkos ghêvn, novo sounsar kôrtolo.
6. Kiteak lagon Jehovachea Sakxanchea bhavponank halinchi milagr muntat?
6 Hea baxen Jehovachi novo sounsar chôllounk vatt atanch ghodlolea novea sounsarachea buniyadent dixti podta. Ani tachea sakxam thaim tane kitem kela tem eka orthan halinchi milagr zaun asa. Kiteak? Tanem Jehovachea sakxank khorem antor raxtiy bhav ponant bandleat. Tancam funtoita tosli raxtiy, samajik, ani dhôrmik bhavona kedinch fodunk xeconam. Tea sakxancho akdo millionani asa ani 200 chôd raxtanim te rautat, torui fodunk zaina tea bandpasan ektaim bandleat. Hem ontor raxtiy bhavponn akkea itihasant kherit ani khoreponi ek halinchi milagr zaun asa. Devachich kôrnim zaun asa.—Izaias 43:10, 11, 21; Dhormdutancho Itihas 10:34, 35; Galasiekarank 3:28.
Devachea Lokak Volcoup
7. Tachea patlav darank volkounchea pasot Jesun kitem mutlam?
7 Dev tachea novea sounsarachi buniyad côxi upeg côrta ani to tacho lôk kônn munon coxem volcounchem? Borem, kônn Jesuchim utram Juanv 13:34, 35 xarti pavoita? To munta: “Hanv tumcam eok novo mandament ditam, que tumi eka mekacho môg côrat, zoso hanvem tumcho môg kelo tosoch eka mekacho côrat. Hea vôrvim sogle tumcam moze xins muntôle, tumchea modem môg aslear.” Jehovache Sakxi Jesuche sôbd patietat ani te cortat. Kiteak Devacho sobd sangta “Eka mekacho khôr môg côrat.” (1 Pedru 4:8) Te “mogachem angvoxtr [apnank] nestat, kiteak to sompurn ekvôtacho bandpas zaun asa.” (Koloskarank 3:14) Tea pasot bhav ponacho môg “gôndh” coso tankam akkea sounsarar ektaim dhôrta.
8. Poilo Juanv 3:10-12 pormonem Devachea lokak côxe volkotat?
8 Ani 1 Juanv 3:10-12 munta: “Hea puravea udexim Devachim bhurgim ani Soitanachim bhurgim dixti podtat: Zo eklo nitivônt ponan cholonam to Devaxim asona. Aplea bhavancho môg corinam to pasun nam. Kiteak ho sôndex tumi survatek thaun aicololo que amcam eka mekacho môg asonk zavo to môg caena baxen noi zanem noxtea sangatak raun aplea bhavak zivenxim marlo.” Hea bhasen Devacho lôk zulum naslole antor raxtiy bhav zaun asat.
Anink Eok Volcoupachi Vôst
9, 10. (a) Xevôtachea disanim Coslea kamank lagon Devachea chakrank volkotole? (b) Matev 24:14 Jehovachea Sakxanim coxem ghôdun hadlem?
9 Devachea Chakrank Volcounk anink ek vatt asa. Jesun aplea bhovix vadant xevotachea callachi khunn dacoila ti munche zaiteo vostu sangleat (Bhag 9 polloi.) Matev 24:14 sanglolea bhovix vadache sobd ek mukhel vôst sangta: “Hi razvotkechi bori khôbor akkea sounsarak raxtr lokank govai munon porgot zatoli ani tea uprant xevôtt etolo.”
10 To bhovix vadh ghodon eta to tumi poila kai? Oi. Zednam xevotache dis 1914 vorsa thaun suruvat zale, Jehovachea sakxanim Devachea razvotkechi bori khôbor akkea sounsarak Jesun hukum dila tea pormonem munche lokachea gharan ghara vochon porgott keli. (Matev 10:7, 12; Dhormdutancho Itihas 20:20) millionani sakxi zon ek raxtrant novea sounsarachi khôbor ulounk lagon bhett ditat. Teach vorvim hem pustok tuka meulem zoxem Jehovachea Sakxanchem kam Devachea Razvotkechim billionani pustokam xapunk ani vantunk. Devachea Razvotkechi bori khôbor akkea sounsarak ghoran ghor her connuim puni pôrgot corta, taka tumi volkotat cai? Mark 13:10 dacoita que hem porgôt corpachem ani xincoupachem kam “poilem,” xevot eunchea adim corunk zai.
Dusrea Vôdd Ôdchônenk Zabab Divop
11. Devachea Razvotkek khalti zaun Jehovache sakxi anink kitem zôdtat?
11 Devachea kaideak khalti zaun Jehovache Sakxi anink dusrem kitem zodtat? Soitan fotkiro munon te dacoitat. Zednam tanem apos marlolem que côxt aile tednam munis Devak vixvaxi ravonk xeconam. Hea porim dusrea hôd odchonek zabab ditat zantun munxanchi sonsnikai bhoron asa. (Job 2:1-5) Soglea raxtrantulea millionani lokachi eok suciedade zaun aslole sakxi dacoitat que te ek kud zalolea porim Devachea caideak vixvaxi asat. Zori tori te uneponanche munis zaun asat, torui Devachem vixvachem raiponn te ubarun dhortat zednam Soitanache dabav ailear pasun.
12. Tanchea visvasa vorvim sakxi conancho bhês ghetat?
12 Aiz he millionani aslole sakxi adlea tempar thaun aslolea dusrea sakxank mellon eok lamb sankôll zaleat hea udexim puravo dacoitat Devak vixvaxi munon. Tantle thode Abel, Noah, Job, Abraham, Sarah, Isaac, Jecob, Deborah, Ruth, David, ani Daniel he tantle thodech sangleat. (Hebrevank Avessor 11) Bible sangta tea pormone te asat “visvaxi sacxanchem hod cup.” (Hebrevank 12:1) He ani Jesuche xins mellon Devak visvaxi raule. Ani Jesun khud sogleam poros hôd dakônn dacoilea sompurn patienni ghevn.
13. Soitanak lagon Jesuche khuinche sôbd khore zale?
13 Heo vostu provar côrun dacoitat que Jesun Soitanachea dhôrmachea munyeareank sanglolem soth munon. “Pun atam tumi maka zivenxim marunk sodtat zea munxan tumcam soth sanglem, Deva thaun hanven tem aicololem . . . tumi tumcho pae Soitan hache thaun asat. Ani tumi tumchea paechi khoxi côrunk chintat. Survatek to munxank zivenxim marpi zalo ani sothant to ghôtt ravonk nam, karan tachea modem soth nam. Zednam to khotem uloita to tachea khud khôxe pormonem uloita. Kiteak to eok fotkiro, khoteacho pae, zaun asa.”—Juanv 8:40, 44.
Tumi Kitem Vinchun Ghetat?
14. Novea Sounsarachea buniyadek aiz kitem ghodon ailem?
14 Devan ghôdlolea novea sounsarachi buniyad Jehovachea Sakxanchi antor raxtriy sociedade ghott ani ghott zait veta. Vorsan vorsak xemborani hozar lôk sarkea ginyanar bandlolea sotontr khôxen Devachi Razvotki mandun ghetat. Te novea sociedadiche bhag zatat. Vixvachea raiponacho proxn Devachea vatten ubarun dhôrtat. Ani Soitanank khotto munon provar côrtat.
15. Amchea disanim Jesu coslem veglem corpachem kam corta?
15 Devachi Razvôtki Vinchun ghetlôlea Vorvim te Jesun vinchun cadlole “mendre” Christachea “uzvea hatak” ravonk favo munon dacoitat. Punn te Jesun vinchlole xendre noi. Xevotachea disank lagon Jesun sanglolo bhovixvadh oso: “Tachea mukar soglim raxtam zomtelim. Ani to eka meka lokak doxim côrtolo. Mendreank uzvea hatak dôvortolo ani xendreank davea hatak dôvortolo.” Khalti munis mendre Christachea bhavank Devachea Razvotkek khalti zavun sangat ani mozot cortele. Pun xendre hotti lok zaun Jusuchea bhavank dhikkar cortele ani Devrazvotkek tenko diunche nant. Porinam kitem? Jesun mutlem: “Te [xendre] sasnanchea nisontonank vetele, pun nitivônt [mendre] sasnachem zivit bhogtele.”—Matev 25:31-46.
16. Eta tea bhuinkutant tum ravtolo zalear tuvem kitem corunk zai?
16 Khorench Dev amchi kalzi gheta! Rokdench hi pirthum ek bhuinkut côrun to amcam ditolo. Tumcam tea sontosachea bhuinkutant ravonk zai cai? Zai zalear Jehovachea tea deneachi tust côr. Taka lagon xink ani teach pormonem côr. “Tumi lokando, Jehovak sodat, zednam poi to mevta tednanch. To laginch astana taka apoiat. Khotto munis apli vatt soddun divum, marekar munis aplim chitnam soddun divum, ani to Jehovaxim evum to taka doya dacoitolo.”—Izaias 55:6, 7.
17. Konachi chakri cortoloi tem vinchun cadunk vell pid̀dear corinaka kiteak?
17 Pid̀dear côrunk atam vell uronk nam. Hea pornea mandavollicho xevôt bharim lagim asa. Devacho sôbd suchona dita: “Sounsaracho vô hea sounsarantullea vostuncho môg côri nakat. Zôr tôr eklo sounsaracho môg côrta to Bapaicho môg côrinam . . . Teach porim sounsar nam zatolo ani tachi khoxi, pun zo cônn Devachi khoxi corta to sasnank zientolo.”—1 Juanv 2:15-17.
18. Devachea ojapanchea novea sounsarant ravonk lagon dhiran fudem polloitoloi zalear, khuinchem kam ami côrunk zai?
18 Novea sounsarant sasnachi zeen bhôgunk lokak atam xincop meuta. Tem xincop bhuincut bandunk gorzechem asa. Tantun atmik ani her gunn asat. Ami tumcam vinonti cortão que Devak Raza munon tumi vinchun gheiat. Tane zeev salvar corpachem kam akkea sounsarak chalu kela taka temko diat. Jehovachea Sakxam sangatak Bible xinkat. Ani khorench tumchi kalzi gheta, ani côxtank xêvot hadta tea Devak zana zayat. Hea baxen tumi pasun novea sounsarache bhageli zatele. Tea uprant dhiran tumchean fudem pollounk zatelem. Devacho favor zodun sasnachea sasnank ojapanchea novea sounsarant ravunk zatelem.
[Obheasache Prosn]
[Pan 31-acher aslolo vixoi]
Jehovachea Sakxam Lagim Antor Raxtriy Bhavpon Asa
[Pan 32-acher aslolo vixoi]
Devachea Novea Sounsarachi Buniyad Atanch Ghatlea
