Bhag 5

Sotontr Khôxechem Sobit Denem

1, 2. Amchea rochnecho bhag, tem coslea ojapanchem denem?

DEVAN kiteak lagon côxtank sothea dilea ani to tachem kitem côrtolo hachi sôzmonim ghetele zalear, ami tanem amcam koxe rôchle tem vacandpak zai. Focot eok kud ani bhezo diun amcam rochunchea bodlek tanem chôd kelam. Amcam kherit mon anim bhavona ghalun rôchleat.

² Amchem mon ani bhavonam hanchea rôchnecho mukhel bhag zaun asa sotontr khoxi. Oi, Devan amchea modem sotontr khoxechi sokôt romoila. Khorench tem tachea thaun ailolem sobit denem zaun asa.

Amcam Coxe Rôchleat

3-5. Sotontr khôxechi ami kiteak tust corunk zai?

³ Chintun polloi que Coxe porim sotontr khoxi, Devan coxtank sothea diunchea vôstu modem sambauloli asa. Survat cortana oxem chintat: Tumi kitem côrtele, muntele, khatele, nestele, kam cortele, coxe rautele hem vinchun cadunk Devan sotontr khôxi dilea munon tumi tust cortat cai? Vô tumchea zivitachea dor eka ghodiek tumcho sôbd ani côrneo conepunni hukum kelolo tumcam zai cai?

⁴ Conai chaltea munxak tachem zivit tachea tabeatulem sompurn cadun ghetlolem taka naca. Kiteak naka? Devan zea porim amcam rôchleat taka lagon. Bible amcam sangta: Devan munxak aplea ‘savllecho ani surpaecho rochla,’ ani Devak sothea asa tea soktim modli ek zaun asa sotontr khoxi. (Utpoti 1:26; Dusri Somurt 7:6) Zednam tanem munxank rochle tednam tankam ti toslich sobit sôkot dili—sôtontr khôxechem denem. Teach pasot ami bezar zatao, zednam amcam mangar corpi raza gulamponant dôvorta tednam.

⁵ Tea pasot sotontr khoxi eok accinet noim, kiteak Dev zaun asa Dev sotontr ponacho. Bible munta: “Zuim Jehovahcho atmo asa thuim sotontr ponn asa.” (2 Korintkarank 3:17) Tea pasot Devan amcam sotontr khoxi dilea, amchea rochnecho  eok bhag coso. Zeaporim to zanam coxem amchem mon ani bhavona cam cortelim tem. To zanam que ami sotontr khoxen bharim khoxal astele munon.

6. Sotontr khôxe sangatak mel1on cortub corunk Devan amcho bhezo coxo rôchla?

⁶ Sotontr khôxe sangatak cholchem munon Devan amcam chintpachi, vôstu zôkun pôlloupachi, tharau ghevpachi ani khorem khotem zana zaupachi sôkot dilea. (Hebrevank 5:14) Oxi sotontr khôxi xaneponan venchun, tharaun dovorunk zai. Khud khoxi ani mendu naslolea Robotam Pormonem amcam rochunk nam. Vo upoz budhi pormonem cam corpi zanvoram pormonem rochunk nam. Bogor amchea sotontr vinchonenc sarkem cam cori sarko amcho ojapancho mendu ghodla.

Sogleam Poros Bori Suruvat

7, 8. Amchea poilea maipaek Devan cosli bori suruvat diloli?

⁷ Dev kitlo calzi ghetolo ani sotontr khôxi ditolo asa hem dacoun diunk lagon amchea poilea avoi bapaik Adão ani Evek tanem soglem kitem chaltea munxak zai tem dilolem. Tanka hôd jardin bhuikutant dôvorlolem. Tancam bhôrpur vôstu diloleo. Tankam sômpurn mon ani kud asloli zea udexim tankam mhatarim vô duent zaun moronk naslolem. Tanchanim sasnank zieonk zatalem. Tankam sômpurn bhurgim zaun tankam pasun sasnancho sôntosacho fudar mellom etalo. Ani vadavôll zata tea lôk vosten dadoskaechem kam corun xevottak akkea bhuincher bhuinkut corunk zatalem.—Utpoti 1:26-30; 2:15.

⁸ Zem kitem dilolem taka lagon Bible munta: “Devan dor eok vôst suruvatek rôchloli polloili ani, ti bharim bori asli.” (Utpoti 1:31) Devak lagon Bible aninc sangta: “Tachim camam sompurn.” (Dusri Somurt 32:4) Oi, Rochnaran munxanchea familek eok sômpurn suruvat diloli. Tachea poros ti anink bôri zaunk zaina asli. To kitlo calzi ghetolo Dev munon tanem puravo dilo!

Sotontr Xeeme Bhitoruch

9, 10. Sotontr khôxi sarke porim kiteak bandun hadunk zai?

⁹ Torui astana sotontr khoxi xeem ani mer nastana asunchi oso Devacho udhex naslolo cai? Motint hadat ek lokanchea gorden bhorlolem xar, eradareche caide palli nastana, thuim zon eklo aplem vahan zai tea vatten kitlem pasun nettan chôloita. Toslea poristitint tumcam thuim vahan chôlounk zai cai? Nam, to ek eradarecho gôndoll zatolo ani khatren zaite abghat zatele.

¹⁰ Tea pasot toxench Devachea sotontr khoxe thaim zatolem. Xeem naslolem sotontr munche somazant gôndoll zatolo. Munxachea carbarak vatt dacoupi caide asonk zai. Devacho sôbd sangta: “Sotontr munis coxe cholat pun sotontr vaxta ponan upeg corun magir chuk magonakat.” (1 Pedru 2:16, JB) Chaltea boreponak lagon sotontr khoxi xistin dovorloli Devak zai. Devan amcam sompurn sotontr diunk nam pun somondhit sotontr dila. Tem Devachea caideak khalti zata.

Konache Kaide?

11. Konache kaide pallunk amcam rôchleat?

¹¹ Amchi mandavôll konache kaide pallunk keloli? Poilo Pedru 2:16 (JB) anink ek bhag sangta:  “Deva bogor tumi konachech chakôr zainant.” Hacho orth oso noim que mangar côrta toslea gulamponant ami asche. Punn tacho orth oso que amcam rochleat Devachea kaideak khalti raulear sontosache zaunche munon. (Matev 22:35-40) Muxanim euzôn kelolea kaidea poros Devache kaide hôd zaun asat, bharim bori vatt dacoitat. “Hanv, Jehovah tumcho Dev, zo tumcam faido gheunk xincoitam, cholonk zai tea vatten cholonk xincoitam.”—Izaias 48:17.

12. Devachea kaidea bhitôr ravonk amcam koslem sotontr dila?

¹² Teach vellar Devache kaide amcam xeeme bhitoruch coxe raupachen tem vinchun cadunk sotontr sothea ditat. Tacho porinam munxachi famil veglea torink ani bandavollink bandla. Chintun polloi torinchem zevonn, nesop, songit, kala, ani gharam, akkea sounsarar asat. Osleo vostu amche pasot dusreanim nivôd côrchea bodlek amich tharaunk axetão.

13. Amchea khud bore ponank lagon khuinche bhoutik kaide amcam pallunk podtat?

¹³ Hea porim Devachea kaideak munis khalti zaun cholcho ani tednam bharim sôntosacho zauncho munon Devan amcam rochleat. Toxem munche Devachea bhoutik kaideak khalti zalolea baxenuch. Puravo pôllouncho zalear pirthumichea vodichea kaideak chint dina astana unch suvate voilean khala uddi marlear amcam dukapôt zata vô mortat. Zôr tôr amchea kudichea kaideak chint dina astana zevonn zeupachem, udok pieopachem, varem usvas gheupachem, bond kelear ami mortele.

14. Deva thaun munxank sotontr ravonk rochunk nam munon coxem gomta?

¹⁴ Zitlea khatren Devachea bhôutik kaideak khalti zaunchea gorjen amcam rôchleat titleach gorjen Devachea manasik ani samazik kaideak. (Matev 4:4) Munxank tanchea Rôchnara thaun vegle sotontr ravon zoitivont zaunk rôchunk nant. Prophet Jeremaiah munta: “Khud chant marunk munxam lagim zainam. O, Jehovah maca sarko côr.” (Jeremias 10:23, 24) Tea pasot sorvoi vattanim munxak Devachea Rozvotke khala zieunk rochleat bogor tanchea sotachea noim.

15. Adão Evek Devache kaide vozon zaun asle kai?

¹⁵ Devachea kaideak khalti zavop hem amchea purvoz maipaek vozem noim aslem. Bogor tanchea boreponank to kaido vavorta aslo. Tosoch soglea munxa cullak. Devachea kaideachea xeeme bhitôr poilem zodpem raulolem zalear soglem borem zatolem aslem. Khorech ami aiz sôbit, sôntosachea, bhuinkutant ekvotachi mogall famil zaun rautele asle! Vaxtapon, côxt, ani moronn aschem naslem.

[Obheasache Prosn]

[Pan 11-acher aslolo vixoi]

Rochnaran munxank ek sompurn suruvat diloli

[Pan 12-acher aslolo vixoi]

Eradareche kaide nam zalear vahanachea gordent tumcam vahan cholounk zai cai?