Porva kornar ek Dev assa?

1, 2. (a) Poilea parantlim savalam vortoutat tuvenuch vimcharun ghetlolim? (b) Kosoli got lokak him savalam vimchari sarkem kortat?

ZOR DEV assa zalear Tane itleo birankull goddneo, akea hitiassant soglea lokam thaim goddonk kiteak sodlea? Zor To amchi porva khorich korta zalear, Tane khottepon ani volvolle mukar soronk hucum kiteak dilea?

² Vochot thoim chintpi munis he vimchar kortat. Hem ek borem somjikaechem vimcharop, kiteak aiz xecdde sorlet munxeacull, birankull zuzam, jevnachea vostumchi tutt, durbolkai, oprad vo (crime) khun ani pidda pest sonsit assat. Onitic ani gulamponank lagonui duk vadot ghelam. Toxench odrustan ani buddtenni bi. Zaite paut, nennar lok tamcho kainch gunneaum nastana volvolleank sampodtat. Zem kitem amkam goddta tachi Dev kainch porva korina; vortoutat zait heo sogleo vostu ek govai vo proof? Tontteam xivai khuimch hea sovnsaracher dadosborit jivit jietelet mun hea sovnsarak kitem tori khatri assa?

3. Hea savalank zab mellonk kiteak somjikaechem?

³ Osle vimchar, sotache ani dadoxi vo (satisfying) kori sarke zabab soddtat. Konneim sangop, “Ami koixt vo volvolle sonsoup vortouta Devachi khoxi,” vo “Oxeo bi vostu assat jeo ami somjunk xeckonaum,” he vortounant khore ani dadoxi kori sarke zabab. Devan tor edo voddlo birankull visvo rochla, zantun ojeapamchi mandavoll assa, dhubavaviret munxeakull itlem vait zaunk Tane sodpak kitem tori ek bhou borem karan assonkuch zai. Oslo Rochnar Aplea sovnsari burgheamchi kainch porva korchonam ani Tane hea soglea khotteponak kiteak hucum dilea ti To amkam sangchona? Zori tor Taka boll assa, Tanen hi vaitt poristiti vallaruch nittaer galunk vortouna ek boro visovo Tache vixim? Khuimchoi mogall bapui,  tache laguim goddta zalear, apleam burgheam khatir tem kortolo. Dubavaviret, Sorv Podvedar, sorv budivont, mogall Rochnar Aplea sonvsari burgheam khatir unnem korchonam.

KONNACHEAN BORE ZABAB DIUMET?

4. Devan khottepon kiteak dovorlam mun amkam bhou bori zab diunk konnachean zait?

⁴ Devan khotteponank rojea (hucum) dilea, hea vimcharank kon bhou bori zabab dit? Borem, Zori tor konnuim tujer boglant gallit zalear, tea gunneavank vo chukik lagon dusre kiteim muntat tem lokanim aicollem tuka zai? vo je kon khorea monan kitem zalam tem zano zaunk soddtat, tamcam sarkem tem sangonk tum axetai? Azun passun khottepon vosta dekun, haka Dev zababdari muntat. Zednam Dev Borem zana, Tane kitea passot khottepon vossonk dovorlam tem, Aple passot Takach ami ullounk soddlear borem noi? Munxea lagchean zabab meltelet oxem pollounk dadoskaechem noi, kiteak zaite paut ache oir tamchim monnam guspololim assat dekun.

5. Povitr pustok Devan toear kelam mun pattieunk vortouta sarkem? (2 Peter 1:21; Habakuk 2:2)

⁵ Devache zabab fuim mevtat? Kitem godlem ani kiteak hem amkam sangunk Rochnaran toiar korun dovorloli ekuch vatt assa. Ti vatt vortouta Povitr pustok (Biblia), tantunt munta: “Devache suchounen boroilelem Pustok.” (2 Timothy 3:16) Hem ek ojap noi, kiteak, Devan Aple podven edo vodlo ojeapamcho visvo (universe) rochla, dekun dubavaviret Tachean eka pustokacho autor zaunk zata. Sadde munis avaz, ani tamchim kolponam, chitram legun, distipoddonaslelea varea-laranim vittraun tujea Radiocher ani Televisionacher ei sarkem kortat. Toxench, Sorvpodvedar Rochnarak Aplim chintnam bavarti munxeam thaim vittraunk ani tim tani sarke ritin boroi sarkim korunk voddlem sem  kam noi. Tea passot apostle Paulun visvasan muno sarkem zalem: “Amche koddsun tumi Devacho nirop ghetlo tedna, munxeachem utor koxem tumi to mannun ghetlonam, bogor Devachem Utor koxem.”—1 Tessalonians 2:13.

6. Bibliacho ittias kitlo porian fattim veta? Tor ti kossoli vollok amkam diunk xekta? (Luke 1:1-4; 3:23-38)

⁶ Goddiek tuvem bibliachi porikxea kedinch korunk nam asteli. Torui, aiz ascho purto, tarik ittias, bibliachea dakleani attaplolo assa tem zano zaunk tuka goddiek nofa (interest) asteli. Khorench, poilea xecddeacho ek ittiasgar, Luke, ek voiz, Nazaretkar Jezuchea purvozamchi, chear hazar vorsamchi ittias, pavlan panvol, navan navum, poilea munxeaxim pavo porian soddun kadunk xeclo. Zedna Biblia munxeachi suruvat zalea thoim porian veta, tedna tichean hea khotteponank kon zababdari to, Devan tem azun kiteak dovorlam, ani tem koxem kaddun udoitolo tem amkam sangoeta.

DEVAK GUNNEAUMKARI KORUMEA?

7. Chuk adartat tedna, konnak gunniaumkari korunk zai?

⁷ Zor konneim eklean khun (crime) addarun tika lagon tuka gunneaumkar kelo zalear, tuka koxem dissot? Tum muntoloi hem nitichem noi! Niti pormone gunneaumkarak kheast launk zai ani nennarak gunneavam meclo korunk zai. Zor eka motor cholloitelea drivaran, rau vo thamb munchea sinalachi beporva korun, vaitt abgatak sampodlo zalear ho kaideacho gunneaum noi. Zor ek munis pottarpon korun ani chodd jevillean duent zata, ho xet kamot korun jevon toear kellea xettkamteacho gunneaum noi. Zor bore baxen vaddounui, ek tornatto gor soddta, bapaichi bori bud aikona ani uprant tontteank sampoddta, aka lagon bapaikui gunneaumkari korunk zaina. Oxem zalear, zedna munxeacull vaitt kortubam adarta, tedna Sorguimchea Bapaik, Devak kosso gunneaumkari korum  eta? Gunneaum favo tea zaguear dovorchonoi–gunniaumkaracher?

8. Vaittak lagon Devak gunniaumkar kelear kitem add uloup eta?

⁸ Toxench thoim annikui bi niallpachem assa. Jevnache  tuttec toxench bukek lagon zori tor ami Devak gunneaumkari kortaum, zaitea zagheamcher pik kadpachim xetam ani molle zuim borpur pik zata tacho abru man ami konnank ditaum? Zori tor piddek lagon Devak  gunniaumkar kelo vo kortaum zalear, amchea angan ji apximch gai pekoupachi ek ojeapamchi rit assa acho abru man ami konnank ditaum? Nograntlea vo Xarantlea zopoddpoddteank lagon ami tor Devak gunniaumkar kortaum, zalear team dongrank, nitoll tolleank, suadic fullank ani sobit zaddam, amcho abru man ami konnank ditaum? Sompeponni munnoeta, zori tor sovnsarachea tontteank lagon ami Devak gunniaumkar kortaum ani teach borabor sovnsarachea boream vostunk lagon Taka ami abru man ditaum, hem vortouta ek add uloup.

9. Munis vaitt kama adartat dekun Devuch nam hem munop sarkem? (Isaiah 45:18)

⁹ Devuch nam oxem muntlem tor vodik gondoll. Hi buim ani tantunt ojeapamcheo jivi assa ti oxit goddlea vo zalea mun pattieop mungue, goddlelea vostumchi beporva koroup. Khorem poixi zalear vo mullear hi pritum fuimcheai gora von, ticher ji jivi assa tika samballunk vo possunk bhou bore toearen assa tori astana dor ek gorak buddiman euzon kornar assa ani bantoloi bi assa. Toxench hi pritum jicher vodlea dobajean jivall pospachi chall assa mungue varem, bhuim ani udok hichem kitem? Biblia zanvaen munta: Khorench khoimcheai ghorak tacho bandpi assa pun zanem sogleo vostu rochleat to Dev. (Hebrews 3:4) Borem, thodde lok, zedna munis vaitt kama adartat taka lagon Devuch nam mun attapunk puro. Zalear ghorani raupi lok zedna vaitt cortubam adartat dekun tea ghorak eugon kornar nam, nam mun bandnaroi bi nam oxem munllea porim zallem. Oxeim bi zata, zedna ek munis kiteim chuk adarta to bapuich naslolo.

10. Khotteponank lagon chodd korun ami chuk konnacher mandunk zai?

¹⁰ Itleo tortoreamcheo vostu jeo munxeaculla thaim goddleat tamkam lagon konnak gunniaumkari korum eit? Chodd so gunneaum munxeacherut uronk zai.  Munxeachi fossounni ani khottepona, khun adarunk pavoita. Munxeachi boddai ani axea, doxim zallim kazaram, dusmankai ani zatti bhed vaddoit assa. Munxeacheo chuki ani veglezarpon vortouta zababdari bosttaunnek (pollution) ani ollxicponank. Munxeachi urmottai ani murkepon zuz korunk fuddem soroita, ani zedna soglim rastram somjikai ghenastana, tim zuzam fuddem sorounk rajekia fuddareank tenko ditat tedna, he je koixtt aiz assat tamche zababdaren munxeanuch vantto gheunk zai. Chodd korun munxeache beporvaek ani axek lagon buk ani durbolkai anga assa. Niall kora: Aiz soglo sovnsar vorsachea vorsa summar 200 billiaum dollar zuzachim atiaram toear korunk moddtat. Ho itloi dudu jevnamcheo vostu pikounk ani sarke toren sogleank tem vantunk ani borim ghoram  bandunk vapurlolo zalear, chintat kitem korunk zatem nam tem!

11. Zedna dhormache monniari aplea nassavamchea zuzaream khatir magne kortat te zuzari zogoddtat tea zuzank lagon Devak gunniaumkari korumeit? (Isaiah 1:15; Proverbs 28:9)

¹¹ Dhormachea navan khottepona adarleam, amkaim lagon Devak gunniaumkari korunk zaina. Poixi zalear dhormache monniari, tanchea nassavani zuzank lagon Deva laguim bessavam magtat. Chodd korun, doxileanui ekach dhormache zuzari eka mekak jivexim martat! Osolea kamank lagon Devak gunniaumkar korunk zaina, kiteak te jem kitem kortat tem To nakarta (condems) munon ki je kon Apnacho khoro patlau kortat “tamche modem eka mekacho mog assumkuch zai.” (John 13:34, 35) Zori tor tamche modem osolo mog nam tedna Dev munta ki te “Caina baxen, zanen noxtteacho sangat dhorlo ani aplea bavak jivexim marlo.” (1 John 3:10-12) Devachea navan lokak jivexim marop, zaum khor dormasamik (inquisition) vo zuzant, hem adle, khotteam devank aplea bhurgheank bhetoitalet, te somvoienk sor zata, ek vost ji Sorv podvedar Dev munta Apne tem kor mun hukum diunk nam, nam mun oslem chintop Mojea ontoskornan legun eunk nam.”—Jeremiah 7:31.

12. Biblia dhormachea munniareank (clergymen) amkam “fottkire” mun apoilea, kiteak?

¹² Dhormachea monniareani aiz serkarachea rajcarbarant meter zaun, zuzank tenko diun, khottem ximcoun ani hea sovnnsaracher je koixt assat tamkam Dev zababdari oxem sangun vo to lokank sasnank ujean zolloita osoleo ximcouneo, vortoutat khoxe baileo, somjikaecheam munxeank ani Devacui bi. Dhormache munniari je Devache virod vo add ximcoitat ani teo ximcouneo, paltat tamkam Devachea Povitr Utran “Fottkire” muntleat, tamkam lagon Devachem utor anicui munta: “Tumi chuno kaddleleam Somadhim sarke; teo bhailean munxeank sobit distat, pun bhitorlean meleleamcheam haddanim ani soglea jinsache ollxiken bhorleat, tech  porim tumi bhailean lokak bhaghevont distat khore pun bhitorlean tumi dhongheponan ani khotteponan bhorleat.” (Matthew 23:27, 28) Khorench, osleam fottkirea dhormachea voddilank lagon Jezun muntlam: “Tumi tumchea bapaiche—Devcharache.”—John 8:44.

13. Zedna munis, dhormache monniari legun, chuki adartat, aka lagon Devak gunniaumkari koriet? (b) Toruiastana, anik fuimche vimchar ami azunui vimcharunk xektaum?

¹³ Nam, munis chuki adartat taka lagon Devak gunniaumkar korunk zaina. Dhormache munniari je muntat ami Devachi chakri kortaum pun je soth ulloinant ani challinui dakoinant ani zanim khotteam cortubamcher bessavan ghalleant, hakai lagon Devak gunniaumkari korunk zaina. Borem, Devan munxeakull rochun suruvat kelo tedna kitem tori thoim chuk assuli? Munxeakullak Devan vaitt suruvat dilo?

EK VORTO VO SOMPURN SURUVAT

14. Amchea poilea voi bapaik Devan poiloch suruvat dillo tachi konta samgat: (Genesis 1:26-31; 2:7-9, 15)

¹⁴Genesis bukache poile don avensor konnuim vachit zalear, Devan poilea dadleak ani bailek rochlea tedna Tane tankeam sompurn suruvat dila mun thavem zata. Tane tamkam sompurn kudd ani mont diun rochullim, dekun pidden ani mornan tamcher sottea chollounk zainasli. Tamchem ghor vortoulem sobit bagi sarkem, baguintlea suadic fullanim, ruchicheam ani foll ditelea zaddanim borlelem. Thoimsor kainch unnem naslelem. Bodlek thoim zaitem aslem. Toxench, Devan amchea poilea avoi bapai mukar, tanchem chitt mon vodi sarkem kam ani urbecho xevotui bi dovorlolo. Ti voimcutt sarki poristiti tani ake pritumicher vistarunk, Tane tamkam ukum gatlolo. Uprant, sarkea vellar tamche udexim zaitim tamkam sompurn bhurghim zolmun tim tamkam hea kamant adar diunk assullim. He jinxim, xekim, munxeakull ek sompurn lokachem kuttam zatelem aslem, raun he voimkutt sarke bhuimcher, jieunk suki jivit sasnank ani zanvoram legun assun tamchea tabea khal.

15. Munxeachem sompurnpon mungue kitem, ani tacho orth kitem zaina?

 ¹⁵ Pun hem soglem itlem noixttak poddo sarkem koxem zalem? Devan munxeak sompurnaen rochunk nam dekun? Nam, hem oxem noi, kiteak Deuteronomy avesor 32 vers 4 ant Deva vixim oxem munta, “Tachim kama sompurn vortoutat.” Munxeachi sompurnai vortouna ki poili zoddi soglem zano asulli oxem. Sompurn rochnenk legun mit mer assa. Ugdass dorat, thoim soimbachi mit mer asloli, zori tor tim jevon jevinaslim, udok pienaslim ani usvas ghenaslim zalear tim mortelim aslim. Nam mun tani, apun unch zaguear thaun uddi marlear apleak kaim duk zaumchi nam mun somzun gurutvarkarshannachi (law of gravity) beporva korunk zainasli. Toxit tamkam monachi bi mit mer assulli. Khorench tamkam kaim anbhog naslo dekun Adavan ani Even zaitem ximkounk aslem. Pun tim kitleim ximclearui, tanchean, tanchea Rochnara itlem zana zaunk xekonaslem. Tim munxeachea soimbachim dekun tim purtim vortoulearui, tamkam mitmer assulli. Sompurnpon mullear tim purtim vortoulim, tamchea soimban ani monan legun kosolich aibchuk nasloli.

16. Munxeachi sottea fuimche xime bhitor tamcheat borea passot dovorleli? (1 Peter 2:16)

¹⁶ Toximch, Devan munxeank sotten nitivideichim rochlelint, zanvoram porim soimbache zanvae pormone tamkam chollonk goroz nasloli. Dubavavin osli sottea tum mandun ghetolo. Ek-Ek minutak, tuvem homkench korunk zai vo naka oxem tuka connench formailelem naka. Tori astana, ti sottea mitmer nasloli noi. Ti sottea tani Devachea kaideam bitoruch vaprunk zai asulli. Te molladik kaide vortoutat thodde ani chalte, soglea munxeakullak dadoskai adi sarke. Devak, ami Tache kaide pallele zai, munchent Devak munxeakullacho mog assa mun gomon eta, kiteak To zana, te kaide pallearut  munxeakullak sanvoronam tosolim bessavam team kaideam vorvimch etat mun. Devacher ani Tacheam kaideamcher tim add ghelear, tim aplench dadospon ibaddtalint. Oslem kortub tamkam kaim ek borem adchem naslem. Albot oslem kortub tamcher koixtt vo dogd addtelench, kiteak Devan Adavank ani Evek koloilelem ki zori tor tim Apleak soddit zalear tim “Khorinch mortelim” mun. (Genesis 2:17) Tea passot tim jitim uronk, tamkam jevon, udok, ani varent noi bogor tankam vatt dakounk, Dev ani tachea kaideamchi gorozui bi asulli.

17. Munxean Devachea ata khaluch ravonk zai mun anink ek karan kitem? (Psalm 146:3; Jeremiah 17:5-9)

¹⁷ Amchea poilea avoi bapain Devacher pattieun ravonk vo ata khal ravonk anicui ek bhou bhar bhari karan assa. Tem karan vortouta ki munxeak rochunk na apleach ostunghi tanen aploch karbar chollounk Rochnara xivai. Devan hi sottea vo porrvangui oxem korunk tamkam diunk nam. Zoxi biblia munta: “Sovnsari munxean cholchi vatt tachi noi. Tachem panvol legun fuddem kaddunk vatt tachi noi.” (Jeremiah 10:23) Tea passot Povitr pustok kollit korta: “Zo konn apleachea ontoskornan apleacherut visvas dovorta to vortouta somzoni naslolo–Murk.”—Proverbs 28:26.

 KHOTTEPONACHO SURUVAT KOXO ZALO?

18. Amchea poilea avoi bapain kitem chukoilem? (James 1:14, 15; Psalm 36:9)

¹⁸ Itlo boro suruvat aslo zalear, fuim kitem chuklem? Hem: Amchea poilea avoi bapain, Adaum ani Even, hannim apli sottea vaitt rittin vapurli. Devache Rajvotteche addin korchem sanddun tanni, aplech vatten chollounk evjillem. Khorem mullear bailen chintlem ki tim, “Deva baxen zatelim, zano zaun borem ani vaitt.” (Genesis 3:5) Apleachea chintnacherut visvas dourun, borem kitem ani vaitt kitem tem zano zaunk tani sodlem. Osolea chintna udexim fuddem edem vodlem luskonn zatelem, hacher tannim kainch chint dillena. Pun hem oxench goddlem, kitea ‘Dev fott ulloina.’ (Titus 1:2) Zedna tim Devache rajvotte sorxilim koddsorllim, ugteaponan poixi zalear, zoxem eka pankeacho bizlecho plug kaddtoch goddta toxench goddlem. Boll melcho ugam bond kelea uprant, panko thambot veta ani xevtak to bond poddta. Tech baxen, zedna poilea zoddean, jiu diumcho ugam, Jehovah Dev ache sorxilim kodsorlim, tedna tamchi boll melpachi vatt bond zali, oxim tim oskot zait ghelim ani xekim Devan sidkauni dilolea porim tim melim.

19. Soglem munxeakull apurtaen kiteak zolmolam? (Romans 5:12)

¹⁹ Amcho poilo avoi bapui, tamkam bhurghim zolmochea adim, Devacher fittur zalim, dekun tamkam poilench bhurguem zolmochea adim apurtai bhitor sorli. Adaum ani Eve eok unneponacho nommuno zalim. Zem kitem tamche vorvim utpon zalem, tem soglem unneponachem vortoulem. Tamche laguim zem kitem aslem, tench tim apleam bhurgheank diunk xeklim—apurti khudd ani mon (mind). Tim anik sompurn urlinant kiteak tim purtai ani jiu rakta to ugam, Jehovah Deva sorxilim koddserleant dekun. Tea passot Romans avessor 5 ani vers 12 ant biblia munta, ‘Tea uprant ze konn zolmank aileat te apurtaen zolmoleat, ani oxe piddek,  mattarponak ani mornanche gullam zaleat. Hea sogleak Devak gunniaumkari korunk zaina. Deuteronomy avesor 32 ani vers 5ant Biblia oxem munta: “Tamche partin aplea luskonna passot tim vavurleant, tim Tachim bhurghim noi, ho aib tamchoch.” Ani Ecclesiastes avesor 7 ani 29 ant biblia oxi chotrai dita: “Khorea Devan munxeakull nitivont rochlelem pun tanninch aplea passot zaiteo mandneo vimchun kadleat.”

20. Thodeam lokanim keloleam chukink lagon zaitea zannak luskonn koxem zata?

²⁰ Dogam munxeanim pratipall kelona dekun, hem edem voddlem sonkot sogleamcher ailem, hem munoup  vo chintoup sarkem? Borem, amkam bori khobor assa ki munxeache beporvaen eka bandavoll kortelean, bandavoll kortana ileshe seguransache vostuchi beporva keli tor ti bandavoll vodda luskonnak pavonk xeckta ani hea jinxim zaiteam lokamcho jiu passun vochong xekta mun. Hech torechi beporva eka ukok addaumchea kamant keli tor to band konsllonk xecta ani zache vorvim buddti eun zaitem luskonn zaunk xekta. Eka adikareache eke vaitt kornek lagon akhea sorkarant, vaitt korpachea kamant ek sankoll kossi vatt ugtti zaunk xekta, jea vorvim puskoll lokank vodd luskonn zaum eta. Eka kutumbant, zori tor eke avoin ani bapain, nim poi tem vimchun kadlear vo vinchni kelear, tamchea bhurghenni khub koixtt bogunk vo sonsunk puro. Amchea poilea avoin ani bapain oxoli vinchni keli. Dekun aiz akhem munxeakull apurteponnak ani noixtak sampodlam.

21. Devan mornachi kheast kiteak ubarun dovorli, ani toriastana Tane apli kakut koxi dakoili?

²¹ Devacho kaido, ani Tacheat khoreponacher, birvo adlo dekun, Tachean ho okman kaidea pormone nittaer galea xivai ossot soddung zainaslo. Zori tor ache oir Tane kainch korunk naslem zalear, Taka vo Tachea kaideank lok koxe man ditelet? Aiz adikari passun aplech kaide pallinant, vo te thodeam zanank (munxeank) kosolit kheast lainastana, khoxen moddunk laitat zalear, ami ossolea adikareank man ditaum? Tea passot Devan onpallak (disobedience) lagon ucharun dovorleli kheast fuddem soroili, ji vortouta moron. Pun Tane kakutin poilea zoddeak bhurghim zolmonk dilim, aka ami moll diunk zai, kiteak oxem zaunk diunk naslem zalear ami konnuch anga zolmochet nasleaum. Adaum ani Evechea gunneavank lagon ami apurn zalearui, ami morchea poros jive ravonk fussi voronaum?

22. Khotteponachi vorti zababdari gheunk ani kon assa? (Matthew 4:1-11; Efesians 6:12)

²² Munchem oxem ki, khotteponacho oromb anga,  munxealagcheanut suru zalo? Nam, anga anik vortem assa. Devan rochleli budvont rochna munxeakullaximch thambonk nasli. Ache poile Tane Sorgar, mezunk zaina title atmik budvont put Anj Bodve (dev dutt) rochlelet, dolleank distipoddona tosoli rochna, zorui te nitividen sotteche vortoulet, tani jive uronk Devachea borea ani somjikaechea kaideam khal addin zaunkuch zai aslelet. Torui astana, antle eke rochnen vaitt kolponacher aplem chintop fuddem soroilem. Zedna ek munis vaitt vo khotteam chintnamcher niall korta, hem tachem kortub itlem fuddem pavometa, ki to chinta tem kortub xarti pavo porian. Toxench he atmik rochne thaim godlem. Tane apli axea itli porian fuddem soroili ki ti xarti pavoupak to Devache mandavolicher passun add ghelo. Tane Adavamche bailek, Evek sanglem ki tamchean Devak onnpall diunk zata, ani torui tane fuddem mullem, “Tumi khorench morchimnant.” (Genesis 3:4) Tamchem jivit sukan fuddem soronk tani aplea rochnaracher pattieun ravomkuch zai, ache oir tane (soitanan) vimchar uttoilo. Khoreanich, tane tamkam sanglem ki tamchea onnpallpona vorvim tamchem soglem borem zatelem ani oxim tim Deva baxen zatelim. Osso tane (soitanan) Devachea sothevontponacher legun vimchar uttoilo. Devacheam kaideamcher tane vimchar uttoun, Devachea sotta cholloumche mandavollicher legun tane dhubau adlo—khorench, Devan aplo odikar cholloumche sottecher. Hakach lagon taka soitan, mungue nindak, ani deuchar mungue badlami muntla.

ITLO TEOMP PORIAN HEM OXENT URONK KITEAK HUKUM DILEA?

23, 24. Vissei khondit korunk vell kiteak lagta?

²³ Dev bolladik dekun, tachean sompeponim survatekuch, munis ani atmik bodmasseank nanch korunk zatalem. Oxem kelear vissei je oir sorleat te dadoskaen xarti  pavonaslet. Kiteak tor? Devachea bolla oir vimchar uttonk vo mandunk nam dekun. Uttoille vissei vortoulet nitivideache. Tache modem voddlo vissei vortoulo to ho: Bodmasponachi vatt folladik zateli? Rajvodki jinen Devak soddla vo nakarla, akhea munxeakullak sasnank faido addit? Munxeam oir Devachi rajvodki boreak poddteli vo munxeamchi rajvodki tamkam boreak podteli? Dev aple zanvaen zano aslo ki ho ani dusre uttoille vissei, purte korunk vell lagtolo mun. Tea passot Tane munxeak favo titlo vel dillo dakounk tani apli uxearkai rajikia, samajik, audeugik ani vidneanik hea soglea vostum vorvim aplo karbar chollounk.

²⁴ To vell zaunk zaina thoddea dissamcho vo vorsamcho. Kosolot dhubau uronastana khori zab diunk, zaiteo pinkeo vochonk zai alsulleo. Dogut zan attapun aslear legun court kexi tharear podonk summana vo moine legun vetat. Devache rajvodkek lagon je vissei oir sorleat te sarki zab soddtat, noi ordifuri. Oxe he vissei ek pautuch khondit kelea uprant hea fuddem osle vissei goddie goddie khondit korchi goroz aschina. Ek mogall Dev khonditpona xivai dusrem kaimch mandun ghenam. Hem oxem dekun ami sontos pavonk zai, kiteak oxolea khonditpona vorvimch Devache somest porjek sanvrona  tosolo succego ani rakon etoli, Sorgar ani sovnsarant porian.

25. Vostumchem sudarop aslearui, munxean Deva sorxilo kusin soron khori sovoskai ani khuxealpon addlam?

²⁵ He vissei poilet uttoillet te meren than aiz passun sumar 6000 hazar vorsam bollandlint. Devache rajvodke sorxillim kodsorlim dekun kitem xevott zalo? Dor ek torecho sorkar, dor ek torechi samajik mandavoll, dor ek torechi ixeop khorchumchi rit, ani dor ek toreche dhormui bi vaprun zalet. Itleim astana khoro succego, rakon, sanvorona tosoli bolaiki ani dadospon ekleanui addunk nam. Sovnsarachea dusrea zuzant 50 milliaum oiruch lok somplo tor hi udorgot? Toxench munxeak chondrimant dadlo zalear hiui koxi udorgot zedna timch roketam, zuzachim atiaram gheun munxeakullachem nixonton kortat, ani kruttani lok he pritumicher bukek ani durbolkaek lagon aiz volvolle sonstat teach vellar munis chondrimacher boundeo marta vortouta hivui udorgot! Doxim zalelim kutumbam, cazaream modem duspott vadtana, sezareak khunichi bhirant, ollxikpon ani zompddeo vaddtana; artik adogatik (economic depression) lagon lakhom lokank sirvis nam dekun, uchambollai, moriadichea munxeam modem zogdim zaun sorkarak xevtun uddoup vortouta varsik godneo jeo munxeakullachea biddaracher ani tache challicher bhirant addtat tor ek, borem, sogleo vostu aslelem ghor asson kosolo faido?

26. Munxeak Devache sotte viret aple sotten karbar chollounk soddlelea vellan kitem dakoilam? (Psalm 127:1)

²⁶ Ekvottit rastramchea Secretari General Kurt Waldheim anne mandun ghetlam antunt khorepon assa: “Vostumchem sudarop zalam khorem, torui aiz bogtat tosoli bhirant munxean ache poili aplea jivitant kednach bogunk nam.” * Environmental Ethics hea pustokan munta: “Munxeak nitoll vareacho usvas gheunk, saf udok piounk ani tache sorboumtonicheo niz vostu bogunk  rochlolo, tane aplich sorbounton muddar kelea ani atam takat thoim ravonk khustar zata. To (munis) aplech sompadnechi toeari korta.” * Khorench itlo temp legun khottepon vossonk soddlem dekunuch somjikaecheam vo ghineanacheam sogleam munxeank thavem zaunkuch zai ki Devache vatte xivai munxean aplem panvol fuddem gallun chollonk hi xekti diun taka rochunk nam mun. Munis aplo karbar fuxealkaen chollounk xekonk nam hachi 6000 hazar vorsamchi govai assa dekun Devan munxeank aplo karbar chollounk favo titlo vell diunk nam mun khoreanich konnench Devacher boglant galunk zaumchem nam. Dilolo vell sarkem thavem korta ki Devak onnpalpon (disobedience) dakoilem dekunuch hem soglem vaitt zalam mun.

KHOTTEPONACHO XEVOTT LAGUIMCH

27. Devan ji boddol evjilea ti kitli porian fuddem veta? (Proverbs 2:21, 22; Romans 16:20)

²⁷ Kossei jinxim munxeachea borepona khatir anga eke bodlechi vodd goroz assa. Khoreanich amkam nove mandavollichi goroz assa. Sociologist Eric Fromm hanen kobul kelam tea pormone, hea samazantli sogli duspott zaguear gallunk zata “Zori tor fatlea 6000 vorsamcho ittias bodlun novich mandavoll bossoit zalear.” * Hench Devache motint assa! Tacho dovorlolo vell somptoch, atam assa ti khotti mandavoll ani je konn ti axetat tamkam angasorle nanch kortam mun Devan asirvad dila. “Sogleam khotteank to kaddun udoitolo.”—Psalms 145:20.

28. Ami jietaum tea vellak Povitr Pustok kitem mun apoita ani kiteak? (2 Timothy 3:1-5, 12, 13; Matthew 24:3-14)

²⁸ Hem kedna goddtelem? Rokdem, kiteak Devachem Utor dacoita ki sonvsarachem poilem zuz zem 1914 ant suru zalem te meren than aiz passun munxeakullacher je  koixt aileat te vortoutat khunna zaka biblia munta “Nimane diss.” Bibliant adinch sanglam ki hea “nimaneam dissani” thoim sonvsarik zuzam, khunni vadteleot, buk, pida pest, khuddichea fusseank lobdoup, Deva sorxille pois sortelet, xastrachem rup bailean raktelet, ani er dusreo zaiteo goddneo. Hem vortoutelem eka botache dambun kelele khunne baxen, ki amchi pilgui vortouta mun nimni jintun aiz assa ti doxea Dev sonsun gheta mun dakounk. Jesun ucharun dovorlam ki aiz assa ti khotti mandavoll hea sonvsaraveli sompta ti ami poletelet mun.

29. He mandavollicho xevott laguim assa mun ami koxe zanaum?

²⁹ 1914 hea salachi pilghi jinen “Nimaneam dissamcho” suruvat dekla team lokank lagon Jezun muntlam: “Hem soglem goddlea xivai hi pilgi (generation) ontorchi nam mhonn Haum tumkam khoreponich sangtam.” (Matthew 24:34) Mungue poilem sonvsaric zuz jem 1914 salant zalem tedna thodde lok je jive aslelet te he atamche mandavollicho xevott zata to pounk jive astelet. Poilem sonvsarik zuz poilam ti pilghi atam matari zait veta ani hi vortouta ek khor govai ji dakoita ki hea khotteponacho xevott veguimch assa mun.

30. Atam he bhuimcher odikar choloitat te manavi mandavollichem kitem zatelem? (Zepheniah 3:8; Isaiah 1:28)

³⁰ Xevtak, Dev munxeachea kamanim apun sidda att galtolo ani Apleachi xekti dakoitolo. Munxeakullachi sogli mandavoll ji Tache virudh rauta, tamchem sogleamchem nixonton kortolo. Daniel profetachi professi avesor 2ani 44vers ache vixim oxem munta: “Tea razamchea  dissani Sorguimcho Dev ek rajvodki ixtapon kortolo ji rajvodki kednanch sompchinam, nam mun tichi sottea fuimcheat lokamchea atant diumchona. Ti rajvodki hea soglea rajvodkeamcho desvort korteli, ani ti, rajvodki sasnank ubi rauteli.” (Revised Standard Version) Luskorn addta tosoleo sogleo munxeakullacheo mandavolli kaddun udoilea uprant, Devachi rajvodki akhea sonvsaracho tabo ghetoli.

31. Sorv munxeakulla khatir Dev kosolo sorkar toear kortolo? (Matt. 6:9, 10)

³¹ Oxo ek novo sorkar, ek Sorguimcho sorkar, Devache Rajvodke vorvimch Devache kaide fuddem soroitolo. Jezu Krist aple ximkounen heach sorkarak lagon uloitalo. Tane adimch ucharun dovorlam ki ho sorkar thoddea vellan he pritumicho tabo ghetolo mun. Zedna rajvodki Devache hukume khal, sorgar than cholteli, aplea vaddeachea munxeank he rajvodkecho ibbard korunk sondorbutt melchona. Tea passot raj cholloumcho adikar, jea zaguear poilo khoim aslolo, thoimch urtolo, sorgar, Deva laguim. Devachem raj ake pritumicher sottea choloita dekun tachi bassauni oxi assa “Anga rautele sogle nit kalzachem nirmollpon zerul ximktelet.” (Isaiah 26:9) Fotkirea dhormank lagon konnuch fosche nant, kiteak khotto dhormunt ascho nam. Jietelea sogleank Devachi evgeon ani soth ximkoitelet, oxem khoreponich, “zoxem udok soglea somdirak assa toxi hi sogli pritum Jehovahche zanvaen borteli” hem xarti pautelem—Isaiah 11:9.

EK NITIVONT NOVI MANDAVOLL

32. Devache rajvodkechea kaidea khal sovoskai kitli porian vistarleli asteli? (Isaiah 2:2-4)

³² Devache rajjvodke khal, ek novi manavi samaz vistarteli, Dev bhirantichea lokamchi samaz. He nove mandavollin Dev jem kitem korta tea vorvim Taka amchi doea assa mun disson etelem. Ek vost, zuzank lagon  anink kednach munxeachi sovoskai ani khuxealpon bigdonk pauchem nam. Kiteak nam? Kiteak je konn hea atamchea khottea sonvsarachea xevta thaun salvar zatelet te sovoskaecheo vatto adim fuddench ximklele astelet, osso novea manavi samazak sovoskaecho suruvat meltolo. Uprant je konn te nove mandavollin ravonk etelet tankaim bi tench, Devachi khoxi korpachem ximkoup meltelem. Tea passot Bibliachi bassauni ki Dev “Sonvsaravellim zuzam thamboita” hi bassauni forich xarti pauteli. (Psalm 46:8, 9) Ti sovoskai kitli purti vortouteli? Devachem utor munta: “Bolle munis he pritumicho tabo ghetolet ani tamchi sovoskai khorich vodd asteli.”—Psalm 37:11.

33. Bhuimcher kitem boddol zateli?

 ³³ Anikui je konn he nove mandavollin rautat, te Devache poile evgone pormone hi pritum voimkutt korun sodtelet. Kedem dadoskechem kam munxeakullak! Voimkutt porot ixtapon kortot, lok tolleamcho, nodimcho, somdiracho, dongurleo, dongor, moidan, dongram modli suat; sobit fullam, zaddam ani ruk ani tore torecheam zanvoramcho upeog kortelet. Nam mun jevnamchea vostumcher tutt aschinam, kiteak hi pritum khorich khubuch pik  diteli Dev amcho Dev bessavam galtolo. Khorench, “he pritumicher borpur orov astolo; dongorui bi boron ottolet.”—Psalm 67:6; 72:16.

34. Gunnak poddo sarkem kitem goddonk assa?

³⁴ Togta tosoli sovoskai ani borpur jevna sangata bori bolaiki eteli. Munxeak Devan rochla dekun, fuimcheai dotora von To boro zana thonteank bore korunk kiteachi goroz ti, kurdeank dolle diunk, ani bereank kan diunk ani duens, zantepon ani moron koxem kaddunk zai tem. Dev aple sokten hem soglem kortolo mun, Jezu Kristan hea sonvsaracher aslo tedna thoddea pramonan apne korun dakoilem. Biblia amkam oxem sangta: “lokacheo urponji thonteank, moneak ani eram vaitakarank borabor haddun Tache sorxim aileo, ani tacheam paiam laguim tamkam dovorle, ani tamkam sogleank tanne bore kelet. Mone uloilele, khoddie dhodd zalele, thonte chollele, kurddeank dolle ailele polleun lok ojeap zalo ani Israelachea Devak porkonddunk laglo.”—Matthew 15:30, 31.

35, 36. Devache nove mandavollin meloleank jieunk sondorb meltolo? (John 5:28, 29; Luke 7:11-15)

³⁵ Jezun aplea sangata umkoltelea munxeak hea bhuimvoikutta vixim sanglem: “Tum moje borim  voimkuttant astoloi.” (Luke 23:43) Pun to munis melo. To tea voimkuttant kosso etolo? Ani, eke ojeapamche bondobosti vorvim ji dakoita Dev amchi kitli porva korta ti–soglea meloleamchea punorjivontpona udexim. Biblia Dhormu Itias avesor 24 ani 15dra versant munta: “Promanik ani patki munxeank legun jivontpon assam.” Jezu hea sonvsaracher aslo tedna tanne melolea munxeank jive kelet dakounk Devachi sokti oxem To kortolo mun Tache rajvodken.

³⁶ Punorjivontponachi kolpona sott mandunk tuka augodd lagta? Torui aiz passun Televisionache kariavollint khub kall adim moron ghelolea munxeank tujean pollounk zata. Tamche talle tum aikota, tamcheo korneo tum polleta ani tamche gunn tum nialta. Zori tor sadde munis heo sogleo vostu televisionache tepicher samballun dourunk xecktat zalear ek Sorv Buddiman Devak Tache, munxeakulla vixim zamkam To portun rochunk vo anga ei se korunk sodta, tamche ek ekleache gunn, sonvoieom samballun dovorunk Devak odlem sem kam noi. Hem Tane kelam, ani To sogleam meloleank portun jive kortolo. Oxo, Devache nove mandanollim jivitacho  boro upeog korunk tamkamim bi boro sondorb meltolo. Somadhi riteo korun, ani lokank piddentle, matarponantle ani mornantle mekle kelea uprant, Dev “Moron sasnank gilltolo.” (Isaiah 25:8) Oxe lok sasnank jietelet!

37. Gorje viret lokan volvolle sonsleat tache bodlek Dev borem kortolo hem koxem munnoet?

³⁷ Aple rajvodke vorvimch, Dev itlea kallachem khottepon kadun udoitolo! Sasnank amcher bessavam ottoun To apli vodd doea amkam dacoitolo ani oxem ami itlo kall porian duk sonslam tem olou zatelem. Adle koixt vo volvole je ami he khotte mandavollin bogleat te pois vetelet ani ami ugdassak addunk chintlear legun te ugdassak eumche nant. Devachi bassauni vortouta: “Aum novo Sorg [sorguimcho novo sorkar soglea munxeakulla oir] ani novi pritum [nirmoll manavi samaz] rochtam; adleo vostu anik motik eumcheo nant nam mun teo ontoskornan porian urcheo nant. Pun tumi lokanno tarif korat, ani Aum jem kitem rochtam tantunt sasnank fuxeal zaieat.” (Isaiah 65:17, 18) Oxolim vodd bessavam laguimch assat dekun tujean niall korunk zata Biblia kiteak munta ki Dev “Tamchea dolleantlim soglim dukam to pustolo.” Kiteak nam? Kiteak, “Moran, khont, rodnnem, duk anik aschinant. Adlem sogott nattak zalem.”—Revelation 21:4.

DEV PORVA KORTA—AMI KORTAUM?

38. Nove mandavollin, Devak fuimchea tharache lok zai? (Psalm 37:37, 38)

³⁸ Dev veguimch khotteponacho xevott kortolo ani novi mandavoll adtolo munllearuch Dev amchi porva korta mun dakoita. Pun ami Tachi porva kortaum? Zori tor ami kortaum zalear, ami ti dakounk zai. Ami kitem korunk zai? Biblia munta: “sonvsar ani tacheo vondauneo don dissam bhitor nanch zatat, pun zo munis Devachi khuxi palta to sasnank togta.” (1 John 2:17) Je lok Tachi khuxi paltat ani tache nitivont rajvodkek  khalte rautat osole lok Devak zai Tache nove mandavollin. He toreche lok tache kaide paltelet ani hi pritum novi korunk vavurtelet, eok boro ravo sarko zago. Lok je Devachea virud rautat he vortoutat goddboddi kornar, amkam thoim ravonk diumchonam.

39. Sasnamchem jivit tuka zai zalear, kitem sodun kaddunk zai? (Proverbs 2:1-6)

³⁹ Devache nitivont nove mandavollin ravonk tum axetai? Zalear poili gorjechi vost vortouta ximkonk Devacheo vostu jivita passot. Hem korunk chodd augodd? Zori tor konneim, tuka, ek sobit ghor, assun taka sundor boumton, fumkeach vor mun poratlo zalear ache vixim choukuxi korunk tum vell gheumchonaim? Devachem utor vortem denem dita—sasnamchem jivit bhuimvoikuttant—Zori tor ami Tachi khuxi kitem amche passot hachi tust keli ani tea pormone ti korunk vavurle zalear. Biblia munta: “Sasnamchem jivit tem hem tannim tuka ekleach khorea Devak ani Tuvem pattoilai tea Jezu Kristak ollkun gheunk.”—John 17:3.

40. Biblia kosole vorte faide dita? (2 Timothy 3:16, 17)

⁴⁰ Hea khotin dissani ami rautaum dekun Bibliachem ximkoup tuka ani tujea gorabeak dispottem jieunk kiteachi goroz hachi budball dita Itlench noi, timtunt monank sovoskai melta, thoim atamcho godbodd ani kitem munxeak fuddarak rauta hachi fobor sangta. Chodd gorjechem, Bibliachem ximkoup tuka Devacho khoro mog korunk pavoita ani hea vorvim tukach gomta ki “Apnank konn sodtat tamkam to inam dita mun.”—Hebrews 11:6.

41. Jehovahche sakxi kosoli modot fumkot diunk toear assat?

⁴¹ Devachi euzon kitem, jivitak lagon tache nove mandavollin, hem tum zano zaunk axetai zalear, Jehovahche  Sakxi fuxen aplo vell tuka diunk toear assat kosolit zobordost nastana. Dhubavaviret tuje anikui vimchar astelet Deva ani Biblia vixim. He vixim tuka, tujea gharant, tujea biblia thaun kollit korunk Jehovahche Sakxi khuxi vortat. Tea passot amchet sotten cholche ani apurti munxeamcher bhorvanso dovorche boldek tuka aiz aslolea borea ximkpachi vollok. melteli. Azun porian vell assa dekun tum Devachem Utor munta toxem korunk fuddem sor: “Dekun Devachea bollixt ata khal khaltim zaiat, ani to tumkam favo tea vellar voir kadtolo. Sogle tumche haske huske Tacher ghalat, kiteak To tumcho samball korta.”—1 Peter 5:6, 7.

[Futtnott]

[Obheasache Prosn]

[Pan 22-acher aslolo chart]

(For fully formatted text, see publication)

SOGLEM EKECH PINKE MODEM

1914

Sonvsarar Zuzam

Vodd Dukol

Pest pidda

Bolladik khunnieo

Bhuimcher Olxikpon

He mandavolicho xevott

[Pan 6-acher chitr polloiat]

Durbollkaek ani ollxicponank lagon Devac gunniaumkar kelear . . .

[Pan 7-acher chitr polloiat]

. . . Bhuimche sobaek ani folladik xetam khatir konnak ami abru man ditaum?

[Pan 9-acher chitr polloiat]

Eka ghora von jivi possunk hi pritum (prutvi) bhou bore toearen assa

[Pan 9-acher chitr polloiat]

Dor ek ghorak tor bandhpi assa, zalear he pritumik asschi kitli goroz!

 [Pan 13-acher chitr polloiat]

Biblia dacoita ki Devachi evjon vortouli ki, hi aki pritum sobit korunk, ek voimkutt, munxean sasnank sontos bogunk.

[Pan 14-acher chitr polloiat]

Ek panko tachem bizlechem boll unnem kortot soukas cholta ani uprant thambta, tech porim munxeakullak goddlem zedna tim Deva sorxillim koddsorlim, oxi tamcher oskotai aili

[Pan 16-acher chitr polloiat]

Seguransache lan vostuchi beporva kelear, voddlo udok addaumacho band legun konsllonk xekta. Amchea poilea avoi-bapain zerna Devacho kaido modlo, ternach ek buddti kossi aiz anga assa tem khottepon ani koixtt suru zalet

[Pan 19-acher chitr polloiat]

Eke court kessik zuim dogut zan attapun assat ti tharear gallunk zaitim sumana lagtat. Devache rajvodkek lagon je vissei uttoileat te khondit korumkuch zai, sasnank ani aka zaito vell zai.

[Pan 24-acher chitr polloiat]

Devache nove mandavollin zuz aschem nam, “To zuzan thamboita dekun”

[Pan 25-acher chitr polloiat]

Munxeakull buken kedinch volvolchem nam

[Pan 25-acher chitr polloiat]

Devachea bessavan vorvim pritum zaitem pik ditoli

[Pan 26-acher chitr polloiat]

Matareank tornatpona borabor jem boll eta tem portun meltelem ani teach borabor bori bolaiki

[Pan 27-acher chitr polloiat]

Devachea ugdassan assat titleai melolea munxeank jive kortolo ani tamcheam mogacheam borabor ektaitolo

 [Pan 29-acher chitr polloiat]

Devache rajvodke khal jivit itlem suki astelem ki atam ami je koixt vo volvole sonstaum tamcho ugdass passun eumcho nam

[Pan 31-acher chitr polloiat]

Khuxealkaen jieunk ek boro sorboumtonicho zago assa mun gomlear, thoim ravonk kosoli goroz achi tum choukoxi korchonaim? Devachi novi mandavoll anik vortem bassaita, pun ami hem koxem tem ximkunk vell gheunk zai.