Jivit Eka Sovoskaechea Novea Sounsarant

Zednam tumi hea tracta voilea dekhavea coden polloitole, kitem bhavona tumcam etat? Thoim dista ti sovoskai, sontos, ani bhag polloun tumchem calliz atur zaunchem nam cai? Khorench tem Zatolem. Punn tem focot ek sopon cai, vo ek swoircolponam, heo sogleo poristieo kernaim punni prithumicher vostoleo?

Chodso lok ghodie toxem chintit. Aichim khoreponnam asat zuz, kirm, bhuk, duens, mhatreponn—focot ek thodinxim sangonk. Torui thoim bhorvonxak karann asa. Fudarak polloun, Bible sangta ek “novo sorg ani ek novi prithum vatt polletão zoxi [Devachi] bhas, ani tatunt nitivontponn vostelem.”—2 Pedru 3:13; Izaias. 65:17.

Biblia pormonnem, him “novo sorg” ani “novi prithum,” ek novin bhoutik sorg vo novi sobdrupi prithum noim. Xaririk prithum ani sorg sompurnn kelole, ani Bible sangtatim sasnank urtelim. (Stotram 89:36, 37; 104:5) “Novi prithum” zatolo ek nitivont somaj prithumicher ravtolea lokacho, ani “novo sorg” astoli ek poripurnn sorginchi Razvotki, vo serkar, tem hea bhovtik lokachea somazacher odhikar choloitelem. Punn “ek novi prithum,” vo ek kirtiman novo sounsar, sombhov asa munn mandunk vastavik asa cai?

Borem, ghotonnam niall kor ki osleo nomonedar poristitieo Devacho hea prithumicho ugom udhex asloleo. Tannem poilea munis zodpeak prithumint Eden Bhuinkutant dovorlem ani tankam ek ojapanchi kamgiri dili: “Follat ani zaitim zaiat ani prithum bhorat ani ti tabeant gheiat.” (Utpoti 1:28) Oi, Devacho udhex aslolo tankam bhurgim, zauchim ani xekim soglea prithumicher  tanchem bhuinkut vistaraunchem. Zorui uprant tannim Devaxim avidei zavunk nivodlem, hea porim sasnnank zionk opatr xabit corun, torui Devacho mull udhex bodolonk nam. Ani to novea prithumint xarti pavunkuch zavo!—Izaias 55:11.

Vostustitint, zednam tumi somianchem Magnnem magtat, vo Amche Bapa Vinoti Cortat, Devachi Razvotki eunche pasot tumi prathitat, tachea sorginchea serkarak khoteponnam thaun prithumichi sutka corunk ani hea novea prithumicher odhikar chollounk. (Matev 6:9, 10) Ani ami atmvisvaxi zavunk somorth asão ki Dev tem magnnem porthipaltolo, zoso tacho sobd bhasaita: “Nitivont tech prithumichi poss ghetele, ani te sasnnank ticher zientole.”—Stotram 37:29.

Devachea Novea Sounsarant Jivit

Devachi Razvotki tulanem bhair sounsarik faide hadteli, prithumicher tachea lokak bhogunk Devan orombhak udhexloli dorek bori vost sompadunk. Dusvas ani kurnatkai ostitv thambtelem, ani xekim prithumivoilo doreklo ek khoro dost doreklea dusreacho zatolo. Bibliant, Devan bhas dilea ki to ‘Prithumichea xevotpontak zuzam thamboitolo.’ “Rashtr rashtracher virodhak torsad ubarchem nam, noim munn te zuz kedinch xinkche nant.”—Stotram 46:9; Izaias 2:4.

Sompurnn prithum xekim jardin coxem bhuinkut vostolem. Bible sangta: “Oronnem ani udkavinnem ganv bhov sontostele, ani valvont moidan onondtelem ani fultelem zoxem keshar. . . . Kiteak udok oronneamtulean bhair funttelem, ani ghosghoshe vallvont moidanant. Ani gormen-bhazloli zomin udikʼkond vellubet zatolem, ani tannelli zomin udkacheo zori.—Izaias 35:1, 6, 7.

Bhuinkut prithumint sukhi zavonk harek karann astolem. Zevonn obhavak lagon lok ani kednanch upaxim asche nant. “Prithum khud khatren tichi pikavoll  diteli,” Bible sangta. (Stotram 67:6; 72:16) Aplea sotachea coxtanchem foll sogle bhogtele, zoxem amchea Rochnaran bhasailam: “Te khatren drakxamolle nattole ani tanchem foll khatele . . . te rounche nant ani dusro conneklo khanvcho nam.”—Izaias 65:21, 22.

Devachea novea sounsarant, prachand imaratichea kholiant lok ani kednanch chepcho nam vo zopodpottent domcho nam, kiteak Dev udhexla: “Te khatren ghoram bandhtele ani voivat cortele . . . Te bandhche nant ani dusre connek voivatchenant.” Bible anikui bhas dita: “Te nirfoll coxtounche nam.” (Izaias 65:21-23) Hea porim lokank utpadon, somadhan vaur melltolo. Jivit vittevchem nam.

Xekim, Devachi Rozvotki Eden jardinant ostitvant aslolem xanti natem punor rochtelem zanvoram modem, ani zanvoram ani munxam modem. Bible sangta: “Landgo khoreponnim khinnam purto dadlea konkrea barabor vostolo, ani bibtulea barabor add podtolo, ani vasrum ani ayallacho jovan shinv ani khaun—most zanvor soglim ektaim; ani fokot ek lhanso bhurgo tancher fudari zatolo.”—Izaias 11:6-9; Ozeias 2:18.

Matxem niall, bhuikut prithumint soglim duensam ani xaririk durbollai passun pektoli! Devacho sobd amkam khatren sangta: “Connunch rohivaxi muncho nam: ‘Hanv duent asam.’” (Izaias 33:24) “[Dev] tanchea dolleantlim soglim dukam to pustolo, ani moronn khont, rodnnem, dukh anink aschimnant kiteak adlem sogot natak zalem.”—Prokasnni 21:4.

 Tuka Tem Coxem Sadhya Asa

Khorench tumchem calliz zagrut zavunk zai Devachea bhasavnnen tachea novea sounsarantlea nitivont ponnachea zivita vixim. Ani thode zednam nialltole oslem bessãvanchem khorem ghodop bharim borem khorem, amchea mogall Rochnarachea hatantulean tim evunk bharim borim noim.—Stotram 145:16; Mikeias 4:4.

Khoreaninch, tea Bhuinkutant ami sasnnank zionk zai teo vostu korunk zai. Jesun ek mukhel aslolem dacoilem, munnon Devachea magneant: “Sasnnachem zivit tem hem, tannim tuka ekleach khorea Devak, ani tuvem pathoilai tea, Jesu Kristak ollkun gheunk.”—Juanv 17:3.

Tea pasot zor amcam khorench Devachea novea sounsarant ravonk zai, tor ami poili Devachi khoxi xiconk zai ani tea uprant korunk zai. Kiteak ti ek vostustiti: Ho “Sounsar ani tachi khoxi nanch zateli, punn zo conn Devachi khoxi korta to sasnnank urtolo,” bhogunk amchea mogall Rochnaran vorshav kelolim bessãvam sasnnank.—1 Juanv 2:17.

Xivar suchovnnem bogor, soglim Bible avatarannam Holy Scriptures hantuntlim asat.