Deva Ani Jesu Vixim Biblia Kitem Munta Zait?

PORJEN tor Biblia ugttea monan Trinidadichi kossolich kolpona motik addinastana panan pan vachleli zalear dista zait te aplech ostongui ossoli xinkoun sarki assa mun uchartelet xe? Kedinch nam.

Dhubavavin vachteleak itlench kollon eta ki Dev ekloch Sorvpodvedar, Rochnar, veglo ani konnakuch sor zaina mun, ani ki Jesu, munxeachem soimb gheun eumchea adlea, jivitan vortouta vingodd ani kherit, to ek rochleli jivi, Deva khal.

Dev ekloch, noi tin

BIBLIACHE xinkounne pormonne “monotheism” mullear ek Dev. Ani Igorjeche hitiasicho professor L. L. Paine dakoita ki Monotheism tachea purnponant Trinidad mandun ghena: “Porno Korar khonditkaen (strictly) vortouta monotheistic (ek Dev muncho). Dev ek viakti. Trinidadichi kolpona tantunt mevta mun sangunk . . . khorench adaravin.”

Jesu Krist sovnsarant ailea uprant Dev ek mun xinkoumche xinkounnen (Monotheism) kitem tori bodol asli gai? Paine zab dita: “Hache oir Pornea ani Novea Korara modem kaim forok nam. Dev ek mun xinkoumchi xinkoun challut assa. Jesu vortoulo Jew, Tachea Jewish avoi bapain taka Pornea Korarachea boroupachi sarki ollok diun vadoilolo. Tachem xinkoup vortoulem Jewish challi pormonne; ek novo vangel khoroch, pun noi novi devjnan (theology) . . . Ani Jewish (Monotheism) ek Dev munchem xinkoup tane  apli pattienni mun mandun ghetli: ‘Aikat, O Israelano Dhoni amcho Dev vortouta ek Dev.’”

Him utram Deuteronomy 6:4ant mevtat. The Catholic New Jerusalem Bible (NJB) angasor oxem vachta: “Aikat, Israelano: Yahweh amcho Dev eok, ekloch Yahweh.” * Hea versachea viakranant “eok” hea utrak, eke viakti von anink chodd mun sangunk passun kitench suchoilelem nam.

Kristaum apostle Paulun passun Devachea soimba sorim bodol assa mun kitench dakounk nam, Jesu hea sovnsarar ailea uprant passun. Tane boroilam: “Dev vortouta ekloch.”—Galatians. 3:20; Polloi 1 Corinthians 8:4-6.

Akhi Biblia ozar pautim Dev ek viakti mun uloita. Zedna to uloita to ekuch vanttunk naslole viakti vixim uloita. Ache von anink Biblia ugtti nam. Dev munta tea promonne: “Aum Jehovah. Hem mojem naum; ani aum konnamkuch moji mhoima diumchonam.” (Isaiah 42:8) “Aum Yahweh tumcho Dev . . . Moje bogor tumche modem anink Dev assunk nozo.” (Italics ours)—Exodus 20:2, 3,JB.

Zori tor Dev tin viaktini ektailolo vortoullo zalear, soglo Devan prerit kelolo Biblia boroinare kiteak mun Dev ek kherit viakti mun uloitalet zait? Lokak guspa-gondollak galche xivai hem uloup anim kiteak upkarot? Khoreaninch, Dev tor tin viaktini ektailolo zalear, to aplo Biblia boroinareank vodda pramonan ugddapem kortolo aslo hea vixim kossoloch dabau uronam zaunk. Kristaum Greek boroup boroinare je Devachea Puta borabor jielet he tori kortele aslet. Pun tani hem korunk nam.

Bodlak, Biblia boroinareani kitem kelem tem vodda pramonan dakol korta ki Dev mun ek kherit viakti—sorivinn, vanttunk nasloli zika konnuch sor nam: “Aum Jehovah, ani konnuch nam. Moje bogor anink Dev nam.” (Isaiah 45:5) “Tum zachem naum Jehovah, tum ekloch vortoutai vorto soglea sovnsara oir.”—Psalm 83:18.

Dev Zaite Zan Noi

JESUN Devak “ekloch khoro Dev” mulla. (John 17:3) Tane Devak eke viakti kin chodd viakti mellon assat kedinch munnonk nam. Tea passot Bibliant fuimsorut Jehovah Deva bogor konnunch Sorvpodvedar mun apounk nam. Nam tor, “Sorvpodvedar” hea utracho orth polko so dista. Jesuk tossot sprisantak legun he porim apounk nant, karan Jehovah ekloch vortouta vorto. Genesis 17:1 ant to kolloita: “Aum sorvpodvedar Dev.” Ani Exodus 18:11 munta: “Dusream Devam von Jehovah ekloch vodd.”

Hebrew boroupant ʼelohʹah (dev) hea utrak eka poros odik don rupam assat, mungue, ʼelo·himʹ (dev) ani ʼelo·hehʹ (Devamcho). Him plural rupam chodd xim Jehovah-ak upeogxilleant, akach lagon tim baxeantor kelleant eka rupan “Dev” mun. Him eka poros odik rupam Trinidad dakoitat? Nam, tim dakoinant. A Dictionary of the Bible hantunt William Smith munta:“[ʼelo·himʹ] hea utra vorvim Dev-tokle khal Trinidadiche zon assat munche sopnam sarke kolponek atamchea xinkpeam modlo eklo tori tenko diupi mellonant. Grammarians apoita tea pormonne elo-him hem utor voddpon dakoumchem vortouta ou tem baguivont Devachi sompurn sokti, ektainch dakoileli Devachi podvi dakoita.”

ʼelo·himʹ hea utrak American Journal of Semitic Languages and Literatures munta: “Sarki somzoni diumchea passot sodanch tonddaveleo sangneo jeo ekech vostu vixim uloita tossolim criyapodam vapurleant ho sobd eke viakti vixim uloita mun dakounk.” Hem iskuttaun sangchem zallear, ʼelo·himʹ hem naum 35 pautim rochnechea ixeopan aple ostonguich eta, ani dor ek paut Devan kitem mullem ani kelem tem ho criyapad ek viakti mun dakoita. (Genesis 1:1–2:4) Oxem, hem pustok attapta: “[ʼElo·himʹ] ho sobd eka poros odikuch mun somzaun sangtat, dakounk Devachem voddpon ani Raipon.”

“ʼElo·himʹ mullear noi “viakti” pun “dev”. Tea passot je kon ho sobd Trinidad attapun gheta mun tokrar kortat te apleakuch eka Deva von sabar devank mandtele korun ghetat (polytheist). Kiteak? Karan, hench dakoita ki thoimsor assat mun teg dev Trinidadin. Pun chodd xe soglet Trinidadik tenko dinare Trinidad tin veglea veglea devamchi goddun adlea munchem nakartat.

Biblia passun he sobd ʼelo·himʹ ani ʼelo·hehʹ vapurta murteo kelolea khottea devank ugddape kortana. (Exodus 12:12; 20:23) Pun thodde pautim biblia he sobd ekach khottea devakui vapurta, zosso Philistinachea “Dagon devak [ʼelo·hehʹ] ho sobd vapurla. (Judges 16:23, 24) Baal hea devak “ek dev [ʼelo·himʹ]” mun vapurla. (1 Kings 18:27) Anikui ho sobd munxeank passun vapurla. (Psalm 82:1, 6) Moses-ak sanglolem ki tanen Aaronank ani Pharoah-ak ek “dev” [‘elo-him’] osso vagonk zai mun.—Exodus 4:16; 7:1.

Khotteam devank tossench munxeank passun dakol korunk him navam ʼelo·himʹ ani ʼelo·hehʹ vapurlear passun hem dakoinam ki dor ek vost vortouta mun eka von odik devamcho zomo, nam mun ʼelo·himʹ ou ʼelo·hehʹ he sobd Jehovah-ak  passun vapurlet zalear acho somoz osso noi ki to eka von odik viaktimcho zomo mun chodd korun ami hea viseiacher Bibliachi urleli govai niallun polletana.

Jesu Ek Kherit Rochon

PRUTVICHER aslo tedna, Jesu sompurn vortoulo torui to munis vortoulo karan Devanuch Jesucho jiv Mary-chea kusveant bodollolo dekun. (Matthew 1:18-25) Pun he toren tacho suruvat zaunk nam. Tannench ugddapem kalam ki apun “sorgar than devmlam mun.” (John 3:13) Dekun tane aplea patlaudarank uprant jem kitem munonk aslo tem vortoulem soimbachem: “Munxeacho Put [Jesu] aslo thoim choddtana tumi dekxeat tor hea vixim kitem?”—John 6:62, NJB.

He jinxim, prutvicher eumchea adim Jesu sorgar jietalo. Pun zait gai to, sorpodvedar, sasnank teg zon deutokle khal ektaim muntat antlo ek zon? Nam, Biblia ugtteponi munta ki munis mun eumchea adlea jivitan, Jesu vortoulo ek rochleli atmik jivi, zoxe anj bodve vortoulet Devan rochlele atmik jivi. Anje tossot Jesu passun tankam rochea adim jieunk nant.

Munxeachea soimban eumchea adlea jivitan, Jesu vortoulo, “sogle rochnecho malgoddo.” (Colossians 1:15, NJB) To vortoulo “Devache rochnecho oromb.” (Revelation 3:14, RS, Catholic edition). “Oromb” [Greek, ar·kheʹ] acho orth, Jesu Devache rochnecho ‘oromb kornaro’ osso zaunk xekona. Aplea Bibliachea boroupan Juaum-van Greek sobd ar·kheʹ hea sobdachim jinsamvar rupam 20 ani odikuch pautim upeogxileant ani amkam sogleank “Oromb” munchea sobdacho orth kednaim ekuch mun dakoita. Oi, disonaslele rochnecho oromb osso Devan Jesuk rochlolo.

Bibliachea Proverbs bukant khunnachea utranim ucharleli “Zanvai” hi Jesuchea orombak kossi lagxilo somond dakoita tem chotraen polloiat: “Yahweh-en maka rochla, tache goddnechem poilem foll, soglea tachea adlea kama von poilo. Dongor, domgurleo tharaumchea adim, Tane prutvi, gaum ani sovnsaraveleo sogleo mullacheo vostu rochea poilo, aum zolmank ailom.” (Proverbs 8:12, 22, 25, 26, NJB) “Zanvai” ho sobd Devan rochlelea ek zonnank vapurla dekun chodxe xinkpi kobul kortat ki tem khoreponni khunnamchea sangneant Jesuk munis mun eumchea adlea atmik jivi mun assullea kallah lagu zata.

Munxeachea soimban eumchea adlea jivitachi “Zanvai” ossi Jesu munot veta ki to “eok hikmotin kam kortolo osso Tache [Devache] kusik aslo” mun. (Proverbs 8:30, JB) Haka sarkem zaun Colosians 1:16 la Jesu vixim munta ki “tache vorvim Devan Sorgar ani sovnsarant soglem rochlam.”—Today’s English version (TEV).

Tea passot hea mukhel kamvalea vorvim zo vortoulo tachea ata khal Sorvpodvedar Devan er vostu rochleot. Biblia oxem attapun dakoita: “Amkam ekuch Dev Bap, zache lagchean sogleo vostu aileat . . . ani ekloch Dhoni, Jesu Krist, tache vorvim soglem ailam.” (Italics ours)—1 Corinthians 8:6, RS, Catholic edition.

Dhubavaviret heach uxear hikmotichea kamvaleak Devan mullem: “Ami munxeak amche suropaecho korumea.” (Genesis 1:26) Thodde “ami” ani “amche” hea donui utramcheo ucharneo Trinidadik bott dakoita mun khonditkaen sangtat. Pun tumi passun muntlelem tor, ‘Ami kiteim amche passot korum-ia,’ tumche modlo eklo legun somzumcho naslo ki hea uloupant tuje bhitor sabar viakti ektoulele assat mun. Tum saddeponi muntolo aslo ki dog ou chodd viakti ektaim mellon kitem tori korunk vavurtat mun. Ossench, Devan zerna, “ami” ani “amche” he donui sobd vapurlet, to saddeponni anink eke viakti laguim uloitalo, tachi poilich atmik rochna, zo vortoulo hikmotin vavurpi, munxeachea soimban eumchea poilea jivitacho Jesu.

Devak Naddunk Zait?

MATTHEW 4:1 uloita ki Jesuk “Deuchar tallnent gallunk” sodi mun. “Jesuk soglleo rajvottkeo ani tancho dobazo” dakoilea uprant, Soitanan mullem: “Sorpottun tum maka nomoskar korxi zalear, hanv heo sogleo vostu aum tuka ditolom” (Matthew 4:8, 9) Soitan Jesuk Deva thaim onupkari korunk vavurtalo.

Jesu tor Dev vortoulolo zalear visvasponna vixim kossoli hi porikxea? Devan aplech vixim apleacherut bodmas zaunk zait? Nam, pun anje bodve ani munis Devacher bodmas zaunk zata ani zallet. Jesuche talnek orth mevta, zori tor to Dev noi, bogor ek kherit sottea aslolo viakti, zachean onupkari zaunk zatalem tanen vinchun ghetlelem tor, eka anjea ou munxea porim.

Dusre vatten, Devuch patok korta ani apleacherut ingrad zata munchem chintun poro gallunk zainam tosolem. “Tachim kama sompurn . . . ek Dev visvaxi . . . sothevont ani nitivont to.” (Deutronomy 32:4)  Jesu Dev vortoulolo zalear, taka konnunch tallnent gallunk xekona.—James 1:13.

To Dev noi dekun, Jesu onupkari zaunk zatalo. Pun to visvaxi raulo munon: “Pois sor Soitana! Boroilelem assa, ‘Jehovah tujea Devachi tuvem puja korunk zai, ani Tachit tuvem seva chakri korunk zai.’”—Matthew 4:10.

Soddvonnechem Moll Kitlem?

JESU kiteak mun sovnsarant ailo, ache ani Trinidadi sovem vortem karan assa. Biblia kolloita: “Ekuch Dev assa, Deva ani munxea modekat modesti ekloch,ek munis Jesu Krist, zanen somestanehe sodvonne pasot Apnnakuch boli koxi somorpilo.”—1 Timothy 2:5, 6.

Sompurn munxea von Jesu choddui noi ani unnoi noi, vortoulo soddvondar jea vorvim farikpon dilem jem kitem Adavan ogdalillem tachem—he prutvicher sompurn munxeachem jivit jieumcho odikar. Akach lagon apostle Paulan Jesuk nitivontponan “nimno Adaum” munop sarke torechem, zanen heach vixim anikui fuddem mullam: “Zoxe Adavam vorvim soglet mortat,toxinch Krista thaim soglim sovotontr zatelim.” (1 Corinthians 15:22, 45) Jesuchem sompurn munxeachem jivit “soddvonnek sor zaumchem moll” vortoulem khoro niai (justice) Devacho—choddui noi ani unnoi noi. Munis passun ossoloch niai axeta farik keloli vost vait adarlam teach mollachi uronk zai dekun.

Jesu tor devtokle khal ek sando osso urlolo zalear, sodvonne vorvim moll zem tane farik kelem tem Devachea kaideam promonne kitlemsent unch urtelem aslem. (Exodus 21:23-25; Leviticus 24:19-21) Eden baguint sompurn munis Adavan patok adarlelem, noi Devan. Tea passot sodvonn Devachea niaiea borabor zaunk, khonditkaen niai eke torecho uronk zai assullo—ek sompurn munis, “Nimnno Adaum.” He jinsim Devan jednam Jesuk sodvondar mun hea sovnsarant dadlo, tane Jesuk niaieachem farikpon zai sarko kelo, noi ek avtar, noi ek dev-munis, pun ek sompurn munis, “anje bodveam von lan,” (Hebrews 2:9; Sor korat Psalm 8:5, 6) Kosso mun sorvpodvedar Devtokle khal ascho fuimcho ek sando—Bap, Put zaum spirisant—anje bodveam von lhan zaunk xekta?

“Ekloch Mogacho Put” Kosso?

BIBLIA Jesuk Devacho “ekloch mogacho Put” mun apoita. (John 1:14; 3:16, 18; 1 John 4:9) Trinidad pattienare muntat Dev sasnamcho dekun, Devacho putui bi sasnamcho. Pun kosso mun ek viakti Put zaunk zata ani teach borabor aplea Bapaicheat voieacho?

Trinidad pattienare sotten muntat ki Jesuche partin “only-begotten” ho sobd sobdakosachea nirvachena pormonne “begetting,” zacho orth “vortouta Bapa porim zolm gheunk.” (Webster’s Ninth New Collegiate Dictionary) Te muntat ki Jesu sovem acho orth “zolma viret somond” putacho somond zolm ghenastana. (Vine’s Expository Dictionary of Old and New Testament Words) Hem tuka ruzvattichem dista zait? Eklean putak zolmank adlea xivai to tacho bapui zaunk xecta?

Tea bair anikui (Vine kosolich orth somzoni dinastana kobul korta dekun) kiteak mun Biblia toch Greek sobd zo “only begotten” hea sobdak vapurta dakounk Isakacho somond Abrahama sovem? Hebrews 11:17, Isaak Abrahamacho “Ekloch morgad put” mun uloita. Isaaka vixim kaim dubau nam karan to challi pormonne vortouta ekloch mogacho put, pun vellant ani stanan aplea bapaik to sor noi.

Mudolcho “only begotten” hea sobdak vapurla to Greek sobd ani zo, Jesuk ani Issakak upeogxila vortouta ‘mo-no-ge-nes’, mo-nos mullear ‘ekuch’ ani  gi-no-mai, acho mudolcho orth “utpon korunk,” “zolmank eunk,” oxem Strong’s Exhaustive Concordance kolloita. Dekun, mo-no-ge-nes ho sobd osso nirvachean kela: “Ekloch zolmola, ekloch mogacho, i.e. ekloch apurbaecho.”—A Greek and English Lexicon of the New Testament, by E. Robinson.

Gerhard Kittel-lan boroileli Theological Dictionary of the New Testament, munta: “[Mo-no-ge-nes]” mullear ‘orombacho,’ i.e. bau ou boinim naslolo.” Ho buk kolloita ki John 1:18; 3:16, 18;ani 1 John 4:9, anga “Jesucho soimgunn Bapui ani bhurghea modem sor korunk nam mun. Ho soimgunn vortouta ekleach mogachea putacho Bapai sovem.”

Tea passot Jesuk, ekleach mogachea Putachea jivitak suruvat assa. Ek Sovnsarik bapui, Abrahama sarko aplea putak zolmank addta, tech porim Sorvpodvedar Devan Jesuk zolmank adla ou to tacho Bapui mun sangonk kaim dubau uronk nam. (Hebrews 11:17) Dekun, Biblia zedna Dev Jesucho “Bapui” mun uloita, ti sarkem uloita—Te dogui don vegle viakti vortoutat. Dev poilo. Jesu tachea ata khal—(tache uprant)—kallant, zuttien, podven ani ghineanana.

Sorgar Devan rochlelea atmik putam modlo Jesu ekloch noi mun konneim niallun poilem tor, thoim thavem zata kiteak lagon “only begotten Son” ho sobd Jesu sovem vapurla to. Ogonit rochlele atmik jivi, anje bodve ankaim sogleank “Devache Put” mun apoileat, zoxe porim Adaum vortoulo, karan jivak Jehovah Deva vorvim oromb mevla zo vortouta jivachi zor. (Job 38:7; Psalm 36:9; Luke 3:38) Pun ankam sogleank rochleat “ekleach mogall puta,” vorvim zo ekloch Deva thaun nit zolmank aila.—Colossians 1:15-17.

Jesu Dev Mun Somzotalet?

BIBLIANT Jesuk sabar pautim devacho put mun apoila pun poilea xekdeant ekleache tori motik eunk nam ki to putr dev mun. Deumchar legun, je “ekuch Dev mun mantat” zannot ki Jesu Dev noi mun tanchea atmik rajvottechea annubava pormonne. Tea passot, tani sarke toren, Jesuk ek kherit “Devacho put” mun noman kelo. (James 2:19; Matthew 8:29) Jesu khambear ontorlo tednam, thoim ube aslolea Romachea sipaikank passun gomlem ki tacheam patlaudaram lagchean jem kitem tani aikolem aka khorepon assa mun, ki Jesu Dev noi bogor “khoreaninch to vortoulo mun Devacho put.”—Matthew 27:54.

Dekun, “Devacho put” ho uchar vakia, Jesu ek kherit rochleli Jivi mun bott dakoita, noi eok Trinidadicho sando mun. Devacho Put muntoch, to appunuch Dev zaunk xekona, karan John 1:18 munta: “Devak konnench kodinch polleunk nam.”—RS, Catholic edition.

Diciplu Jesuk, “Deva ani munxea modem eok modeasti” mun pacharit, noi Dev aplech ostongui. (1 Timothy 2:5) Nirvachne pormonne modeastponache mozotichi goroz assa ache von vegloch viakti modeast uronk zai, Jesun tor apun dogaimkui sarko mun kolloilelem zalear hem vortouta ek virudh uloup aplech vixim fuimcheai eka pongda vatten tenko dilo tor. Hem vortoutelem eklean muntlelea porim aum kitem tori zaunk sodtam zo apun noi.

Deva ani Jesu modlea somonda vixim Biblia ugddapi assa. Jehovah Dev ekloch sorvpodvedar. Munxeachem soimb diumchea adim tane Jesuk rochlolo. Dekun, Jesuk oromb assa ani to Devak podven ou sasnank sor zaina.

[Footnotes]

[Blurb on page 14]

Devan rochla dekun Jesu Deva khal kallant, podven ani guineanan dusrea stanar vortouta

[Picture on page 15]

Devache dissonaslole rochnecho oromb osso Devan maka rochlo ani munxeachea soimban eumchea adim aum jietalom oxem Jesun muntlam