Jesuk Dev Sodanch Vorto?

JESUN apun Dev kednanch munonk nam. Zem kitem aple vixim tane mullem titleim dakoita ki tane apleak deva itlo fuimcheat vatten munnonk nam—noi podven, noi ghineanan, noi voieant passun.

Soglea tachea jivitan, zaum Sorgar ou sovnsarant, tachem uloup ani chall dakoita ki to Deva khalcho mun. Dev sodanch vorto, Jesu Ihan zaka Devan rochla.

Jesu Deva Thaun Veglo

SABAR pautim, Jesun dakoilam ki to Deva kin vegli rochnu ani aple [Jesu] oir ek dev assa, ek Dev zachi to bhoz korta, ek Dev zaka tane aplo “Bap” mun apoila. Deva laguim magnem kortana, mungue, Bapaik Jesun mullam: “Tum ekloch khoro Dev,” (John 17:3) John 20:17 ant tane Mary Magdalenank mullem: “Aum mojea Bapa ani tumchea Bapa, mojea Deva ani  tumchea Deva xim choddon vetam.” (RS, Catholic edition) 2 Corinthians 1:3ant apostle Paul ho soimgunn kobul korta: “Amchea Somia Jesu Kristachea Devak ani Bapak argam.” Zedna Jesuk ek Dev aslo, tacho bapui, tachean teach vellar to Dev zaunk zainaslo.

Jesu ani Dev vegle vegle viakti mun ullounk apostle Paulak kainch oddchon nasli to munta: “Amkam ekuch Dev Bap, . . . ani ekuch Somi Jesu Krist.” (1 Corinthians 8:6, JB) Apostle attaoun kortana veglikai dakoita “Devachea, Krist Jesuchea ani tane vinchun kadlelea anje bodveamchea muriantli. (1 Timothy 5:21, RS Common Bible) Zosso Paul, Jesu ani anje bodveam modem sorgar veglikai dakoita, tossot to Jesu ani Deva modeim bi dakoita.

John 8:17, 18 rantlim Jesuchim utram orth aslolim. To munta: “‘Doganchi govai khori mun’ tumchea Xastrant boroilelem asa. Aum mhojech vixim govai ditam, ani Bap zannen maka pattoila moje vixim govai dita.” Anga Jesu dakoita ki to ani Bap, mungue, Sorpodvedar Dev, vortounk zai mun don vegleo vostu nam zalear kosse mun thoimsor dog zan govai diupi assunk xektat?

Jesun anikui dakoilam ki to vortoulo mun ek kherit viakti Deva kin munon: “Maka boro kiteak muntai? Konnunch boro noi, bogor ekloch Dev.” (Mark 10:18, JB) Tea passot Jesu  muntalo ki Deva itlo konnunch boro noi, nam mun Jesu apun passun. Oxea tharan Dev boro ki to apleak Jesu thaun veglo dovorta.

Devacho Khalto Chakor

ZAITE pautim, Jesun ossoleo sangneo kelleat: “Aplech ostongui Putachean kitench korunk zaina, pun jem kitem tacho Bap korta tem to polleta titlench to korunk xekta.” (John 5:19, The Holy Bible, by Monsignor R. A. Knox) “Aum Sorgar thaun devnlam korunk, noi moji khuxi bogor zannen maka pattoila tachi.” (John 6:38) “Jem kitem aum xinkoitam ti moji xinkvonn noi pun ti maka pattoila tachi.” (John 7:16) Dadtolo, dadla tache von vorto noi gai?

Dakamchea molleachem Jesun kelolea vivarona vorvim ho soimgunn thavo zata. Tane Devak, aplea Bapak, damakchea molleachea dhoniank sor kela, zo pordessant ghelo soddun aplo mollo kullvadeamchea attan vossoumchea passot, je (kullvaddi) vortoulet Jewish dhormache voddil. Uprant zedna dhonian aplea eka chakrak molleachea follamcho vantto addchea khatir dadlo, kullvaddeani tea chakracho pet kadlo ani ritea hatani tanni taka portilo. Uprant dhonian dusrea eka chakrak dadlo, ani achea uprant tisrea eka chakrak, hankam dogaimkui poilech toren tanni leklet. Xevtim dhonian mullem: “Aum mojea opurbaechea putak [Jesuk] dadtolom. Zait goddiek te taka polleun biddetelet ani man ditelet.” Pun tea bodmas kullvadeani taka pollena fudem mullem: “‘Ho tacho daizi; hakai ami jivixim marumea, daiz amchem zaumchea khatir.’ Osso nirnoi ghetlea uprant tani taka mollea bair uddoilo ani jivexim marlo.” (Luke 20:9-16) Oxem Jesun aplench vivaron kelem Devan apleak tachi khuxi korunk dadlelea porim zosso ek bapui aplea khaltikaechea putak dadta.

Jesuche patlaudar taka Devacho ek lanvikaecho chakor mun somzotalet ani noi Devak sarko. Tani taka lagon Deva laguim oxem magnem kelem “tujo baguivont chakor, zaka tuven vinchlai . . . ani tujo baguivont chakor Jesuche vorvim ochoriam ani khunnam goddtat.”—Acts 4:23, 27, 30, RS, Catholic edition.

Soglea kallant Dev vorto

JESU apli ministry suru kortanch, zednam to bautizm gheun udkantlo bair sorlo, tedna Sorgar than Devachea talleacho avaz aikunk ailo zo muntalo: “Ho mozo put, Opurbaecho, zaka avem vinchla.” (Matthew 3:16, 17) Muntalo zait Dev apunnunch apleacho Put, ki appnench apleakuch vinchla, ki apnnench apleakuch dadla? Nam, sogleam von vorto dekun Rochnar Dev muntalo ki tane tache khal asleleak vinchla, tachea opurbaechea putak Jesuk, fudlea kama passot.

Jesun aplea Bapaichem vortepon dakoilem munon: “Jehovah-cho spirit mojer assa, karan tane maka obhixek kela goribank bori khobor porgottunk.” (Luke 4:18) Obhixek korunk mullear, sogleam von vortean, konna laguim podvi nam, taka podvi diunk. Hache vorvim gomta ki Dev vorto mun karan tane Jesuk obhixek kelo diun podvi ji tache laguim adim nasli.

Dogam diciplamche avoin zednam Jesu laguim, to tache rajvotten etot aplea eka putak tachea uzveak ani dusrea putak tachea daveak bossoi mun maglem tedna Jesun aplea Bapaichem vortepon ugtem korun dakoilem. Jesun zab dili: “Mojea uzveak ani daveak bossounk mojean tumkan diunk zainam bogor mojea Bapan konnank toear kelam tankanch,” mungue Devanuch. (Matthew 20:23, JB) Jesu tor sorvpodvedar Dev vortoulolo zalear te zaghe vortounk zai tache taka zai tankam diunk. Pun Jesun te tankam diunk zainaslet, karan te vortoulet Devache tankam diuncheak, ani Jesu Dev noi dekun.

Jesun kelolea magneam vorvinch thavem zata tacho zago fuim to. Morchea adim legun Jesun dakoilem aple kin vorto kon to magnem korun: “Bapa, Tuji khuxi zalear moje sorxili hi kals kusin kad, pun moji khuxi noi, pun Tuji khuxi zaumdi.” (Luke 22:42) To kona laguim mun mago tor? Apleach eka sandea laguim? Nam, to kon tori eklo tache von kherit, tacho Bapui, Dev, zachi khuxi vortouli soglea von vorti ani vortounk etali vegli tache khuxe von, zannen ekleanuch ti “kals kuxin kaddunk zatali.”

Uprant, zedna to morche tonnir paulo, Jesun uell marli: “Mojea Deva, Mojea Deva, Kiteak mun maka tuven sandloi?” (Mark 15:34, JB) Jesu konnank mun ulo kortalo? Apleakuch ou aplea ani eka sandeak? Khoreaninch, hem roddnem, “Mojea Deva,” vortouna eklea lagchean zo apununch Dev mun somzun gheta. Ani Jesu tor Dev, zalear taka konne sandlo? Appnench? Hem orth naslolem. Jesun anikui mullam: “Bapa mozo spirit Tujea hatant sompoitam.” (Luke 23:46) Zor Jesu Dev tor kiteak mun tanen aplo spirit Bapaichea hatant sompoumchi goroz?

Melea uprant Jesu tin dissamchea vantteanim somadin aslo. Zori tor to Dev zalolo zalear, Habakkuk 1:12 sarko zaina thoim munta; “Oh mojea Deva, mojea ekleach baguivonta, tuka moron nam.” Pun Biblia munta ki Jesu khoroch melo ani sintidavin somadin urlo. Jesuk mornantlo konnem punorjivont kelo tor? Zor to khorench melolo zalear tannen apleakuch punorjivit diunk zainaslem. Dusre vatten, to khoroch moronk naslo zalear, tachem meloleachem dong Advamchea patkak lagon soddvonnen moll farik zaunk zai aslem tem zaunk xeko naslem. Pun aplea niz morna vorvinch tanen purem moll farik kelem. Tea passot to vortoulo “Devuch [zanen] [Jesuk] mornachea fassantlo nivarun punorjivont kelo.” (Acts 2:24) Vortea Sorvpodvedar Devan, Aple khalchea, tachea chakrak Jesuk, mornantlo utoilo.

Lokank ochoriam vorvim punorjivont korchi Jesuchi sokot, to Dev vortoulo mun dakoita zait? Borem, apostalank ani Elijah ani Elisha sarkea profetamkui ossoli sokot asli, pun he sokten tankam munxea von vorte korunk nant. Devan profetank, Jesuk ani apostlank, Aplo tenko assa mun dakounk, ochoriam korchi sokot tankam dili. Pun hinen tanche bitorlea ekleakui eka von odik zan aschea Devtoklecho sando osso korunk nam.

 Jesuchi Ghinean Mitmer Asloli?

HE mandavollichea xevtachi professi kolloitana, Jesun mullem: “Ekleach Bapak soddun, tea dissachi ani te goddiechi konnamkuch khobor nam, zaum sorgavelea anje bodveank tossench Putak legun.” (Mark 13:32, RS, Catholic edition) Zor Jesu ek sarko put ek sando devtoklecho vortoulolo zalear zem kitem Bap zana tem takai (Jesuk) gomtelem aslem. Pun Jesuk kollonk nam karan to Devak sor noi dekun.

Tossench, Hebrews 5:8 ant ami vachtat ki Jesu, “apne boglelea koxtam vorvim khaltepon xinklo.” Devan kitem tori xinkchem urlam mun amchean motik addunk zait? Nam pun Jesuk goroz vortouli/podli karan Dev jem soglem kitem zano tem soglem to noko aslo dekun. Tane kitem tori xinkunk zai aslem zachi Devan xinkchi goroz nam.—Khaltepon. Devan konnamkuch khal zaumchi goroz nam.

Jem kitem Dev zana ani zem kitem Krist zana amche modlo forok, Jesuk Deva sangata Sorgar ravonk lagon punorjivont kelo tednaim passun aslo. Bibliachea nimnea bukachim poilim utram motik adat: “Jesu Kristachi prokashni ji taka Devan dili.” (Revelation 1:1, RS, Catholic edition) Zor Jesu devtoklecho ek sando vortoulolo zalear taka prokashni diumchi goroz asleli anink ek devtoklechea sandean, Devan? Khoreaninch, hem soglem to zano zaunk zai aslo hea vixim karan Dev zana dekun. Pun Jesu noko aslo karan to Dev noi dekun.

Jesu Khalto Zaunuch Assa

MUNXEAPONACHEA adlea jivitan tossench to prutvicher aslo tedna passun Jesu vortoulo Devak khal. Tachea punorjivontpona uprantui, to Deva khal dusrea stanar urta.

Jesuchea punorjivontpona vixim uloitana, Pedrun ani tachea sangateani Judevanchea Sanedrinnk sanglem: “Devan taka [Jesuk] oir ubarla . . . Tachea uzvea atak.” (Acts 5:31) Paul munta; “Devan taka vortea stanank oir ubarla.” (Philippians 2:9) Zor Jesu Dev vortoulolo zalear tane adim bogullea stana pekxeam unch stanar kosso mun ubarunk zait aslo? Trinidadicho ek unch ubarlolo sando mun to adim fuddench astolo aslo. Ubarun dovorchea poilo Jesu tor Devak sor assullo zalear protean taka anink ubarun dovorlear to Devache poros unch zata.

Paul anikui munta ki Krist “Sorgar, Deva mukar amche passot dixtti podchea khatir” bitor sorlo. (Hebrews 9:24, JB) Konnaim eka fuddean tum ubo rauloi tor, tujean toch munis kosso zaunk zata? Tujean zaina. Tum veglo ani kherituch uronk zai.

Tossench, Morosor fatraumchea thoddea vella adim Martir Stephanan “Sorgak dixtt ubarli ani Devachi mhoima tane dekli ani Jesu Devachea uzvea atak ubo aslolo tane polelo.” (Acts 7:55) Ugteponnim tanen veglea veglea don viaktink pollelet—spirisant naslo, Trinidad devtokli thoim nasli.

Revelation 4:8 tem 5:7 poriantlea dakleani, Dev sorguimchea sinvasonar bossullo dakoila, pun Jesuk dakounk nam. Devachea uzvea hatantlo scroll gheumcheak tane Deva mukar vochonk zai. Hem dakoita ki sorgar Jesu Dev noi mun pun Tache thaun veglo.

Oir kolloilam tem kobul korun Manchester England-angasorle John Rylands Librarychem Bulletin munta: “Jivontpona uprantlea Sorguimchea jivitan Jesu dorek toren veaktik veglepon ascho ani Deva thaun veglo osso disson eta zoxem tachem jivit prutvicher sovnsaracho Jesu mun assullem tossem. Deva sangata ani Deva borabor sor kortana Jesu Devachea Sorguimchea dobajean anink ek sorguimchi jivi mun disson eta zoxe anje bodve assulle tea porim.—torui Devacho put zaun to tamche poros veglo ani unch stanar to rauta.”—Sor korat Philippians 2:11.

Ho Bulletin oxeim munta: “Sorguimcho Jesu mun zem kitem tachea jivita vixim mullan ani godlam tem devponachea zaghear to Devak sor zata ani purn Dev vortouta mun sangoina ani dakoi bi nam. Portean zalear Novea Korarant tachea jivitan ani tache sevent ami polloitat ki to kherit ani Deva khalcho mun.”

Sorgar, sasnamchea fuddarant Jesu, eok kherit ani Deva khalcho chakor osso urtolo. Biblia tem oxem ucharta: “Uprant xevott etolo Jedna to [Sorgar Jesu] Dev Bapak raj adin kortolo . . . sogleo vostu tache khal podtoch, tedna toch put, aple khala soglem ghalam Tache khala apnakuch galtolo, he porim Dev sogleamcher Apli purn podvi choloitolo.”—1 Corinthians 15:24, 28, NJB.

 Apun Dev mun Jesun kedinch sangunk nam

BIBLIACHEM stan ugtem assa. Sorpodvedar Jehovah Dev Jesu kin vegloch zon itlench noi pun dor ek vellar To Jesu von vorto vortouta. Jesu sodanch veglo, khalcho ani Devacho khalto chakor mun dakoita. Tea passot Biblia sadeponi sangta ki “Kristachi tokli Dev zoxi dor ek munxeachi tokli Krist.” (1 Corinthians 11:3) Ani hakach lagon Jesun mullam: “Bap moje von vodd.”—John 14:28, RS, Catholic edition.

Khori gost oxi ki Jesu Dev noi ani kedinch tane apun Dev munonk nam. Hem chodd xe xinkpi volkon ghet assat. Zoxem Rylands Bulletin kolloita: “Khore gostek ami tond diumkut zai, Novea Koraracho saumxedon munta, ghelea 30 ou 40 vorsam than chodd xe Novo Korar xinkpi hea nirnoiak pauleat ki Jesu . . . khoreaninch apunuch Dev mun kedinch pattieunk nam mun.”

Poilea xekdeachea Kristavam vixim ho Bulletin oxeim munta: “Jedna te [Jesuk] Krist, Munxeacho Put, Devacho Put ani Somi muncheo manadik podveo ditat tedna heo munneo, to Dev mun noi bogor tane Devachem kam kelam dekun.”

Oxem thodde sumurtimchem xinkoup korpi passun kobul kortat ki Jesu Dev munchi kolpona Bibliache sompurn govaek nul korta. Thoim, Dev sodanch vorto ani Jesu khalcho chakor vortouta.

[Blurb on page 19]

‘Novea koraracho saumsedan chodd xea xinkpeank Jesu apun Dev mun kedinch pattieunk nam munchea nirnoiak pavoita.’—John Rylands Librarychem Bulletin

[Picture on page 17]

Jesun Judevank sanglem: “Aum Sorgar thaun deumlam korunk noi moji khoxi, bogor zanen maka patoila tachi.”—John 6:38

[Picture on page 18]

Jerna Jesun uel marli: “Mojea Deva, Mojea Deva, kiteak mun tuven maka sandloi?” appunuch Dev mun to khoroch pattieunk nam