Tachea Munneam Pormonne Devak Bhozat

MAGNEAM vorvim Jesun Devak mullem: “Sasnamchem jivit tem hem, tani Tuji ekleach khorea Devachi ani Tuven pattoilai tea Jesu Kristachi ghinean gheunk.” (John 17:3) Kossoli ghinean? “Devachi khoxi oxi ki soglea munxeanim soddvon zoddchi ani tani sothachi ghinean gheumchi.” (1 Timothy 2:4) The Amplified Bible uprantle uchar vakai oxe galta: “chukiviret ani sarke ritin [devosponi] sothachi vollok gheiat.”

Tea passot, deuponni sotak sarke zaun ami Taka ani Tacheo evjeoneo chukiviret volkolleo Devak zai. Devachem utor, povitr Biblia tea sotacho ugam vortouta. (John 17:17; 2 Timothy 3:16, 17) Biblia Deva vixim jem kitem munta tem lok chukiviret xinkle tor, tedna tei Romans 10:2, 3 ant vivor kelolea loka sarke zainant, zankam, “Deva vixim ummed assloli pun ti chukiviret ghineana pormonne noi.” Ou samaritanank Jesun muntlolea porim: “Tumi volkonant taka bhoztat.”—John 4:22.

Tea passot, amkam Devachi manneatai melteli zalear, ami amkanch vimcharunk zai: “Aple vixim Dev kitem munta zait? Kossolem bhozop taka zai? Tacheo evjeoneo kitem ani tamche borabor amchean amkam koxe zoddun gheum eta? Oxolea savalank chukiviret sothachi ghinean sarki zab dita. Oxe ami Devachea munneam pormonne taka bhozonk xektaum.

Devak Okman Korta

DEV munta, “je maka man ditat tankam aum man ditam.” (1 Samuel 2:30) Konnuim Devak sor assa munot zalear, hem Devak man diumchem zait? Moriek “Devachi maim munop” ani zoso New Catholic Encyclopedia munta ki “ti Rochnara ani rochne modli moddeasti” hem munop Devak man diumchem zait? Nam, heo kolpona Devak okman kortat. Taka sor zatolo konnunch nam; nam mun Taka sovnsarik avoi nam, Jesu Dev noi dekun. Ani thoim “moddeasti” nam karan Devan “munxea ani Deva modem, ek moddeasti” nemla to Jesu.—1 Timothy 2:5; 1 John 2:1, 2.

Trinidadiche xinkounnen, Devachea khorea stana vixim lokache somzonent guspa gondol gala munonk kainch dubau nam. Visva saraboam Jehovah Devak, chukiviret volkumchea thaun, ani tachea munneam pormonne taka bhozchea thaun hi xinkoun lokak pois dovorta. Devjnani Hans Küng munta: “Devachea ekponnank ani sorivinneche somzonnenk kiteak mun konneim ani kiteim choddit gallunk zai zem tem ekpon ani sorivinnpon null korta?” Hench Trinidadiche pattienen kelam.

Je kon Trinidad pattietat te “Devachi chukiviret ghinean dhorun nant.” (Romans 1:28) To verse oxeim munta: “Devan tankam favonoi teo vostu korunk lagon apli manneattai naslole poristitint soddun dilet.” Verses 29-31 ‘favonoi’ tea vostumchim navam dita, teo ‘khun, loddai, fottvon, moi mog naslole, kakut naslole.’ Trinidad manteleo sumurteo teoch vostu adartat.

Udaharenenk, Trinidad pattieteleani je kon hi xinkoun mandun ghenant tankam, dogdaileat ani jivexim passun marleat. Te anikui fuddem sorleat. Zuzachea vellar boraborchea Trinidadkarank tani Jivexim marleat. Catholikani Catholikank, Orthodoxani Orthodoxank, Protestananim Protestanank Jivexim marleat—heim bi soglem Teach Trinidad Devachea navan, ache kin ‘favo noi’ aslolem kitem assam zait?

Torui, Jesun ugddeponni mullam: “Ekamekacho mog korxeat zallear tumi moje xis mun sogleam munxeank kolltelem.” (John 13:35) Devachem Utor ache oir vistarun munta: “Devachim bhurguim ani Deucharachim bhurguim hacheruch volkum eta: Zo kon promanikponan jiena to aplea bavamcho mog korinam to Devacho noi.” Je kon aplea atmik bavank jivexim martat tankam thoim “Cainank” sor keleat; “jo noxteacho [Soitan] put aslo munon aplea bavacho tanen jiv kadlo.”—1 John 3:10-12.

He toren, Deva vixim gondollachea xinkounneanim tache kaide modchea korneank pavoileat. Akhea Kristaum dhormugottant jem kitem godlam tem Danish Devjnani Seren Kierkegaard hanen vivor kelam: “Kristaum dhormugottan kossolich zantikai nastana khorea kristaumponank xevtak pavoilam.”

Jem kitem apostle Paulan boroilam tem Kristaum dhormugottamchea atmik poristitik sor zata:  “Ami Devak volkotaum oxem te ugddeponni sangtat khore pun aplea kortubanim taka nakartat, karan te olxigunne ani apleach vadeache ani kossoleach borea kamank upkaronant tosole munis.”—Titus 1:16.

Dev he khotte mandavollicho veguinch xevott addtana, Trinidadkaramchea Kristaum dhormugottan acho ixeop diumcho podtolo. Devak okman addchea tichea korneank ani xinkounneank lagon tichi gunneaumkari mun zoddti zateli.—Matthew 24:14, 34; 25:31-34, 41, 46; Revelation 17:1-6, 16; 18:1-8, 20, 24; 19:17-21.

Trinidad inkar Korat

DEVACHEA sothak mell milap (compromise) assumkuch zaina. Dekun Devachea munneam pormonne taka bhozchem mullear Trinidadik inkar koroup. Jem kitem profets, Jesu, apostles, ani suruvateche Kristaum pattiele ani xinkoilem tache virudh tem vortouta. Apne sota prerit kelolea Utrant Devuch aple vixim jem kitem munta taka hem virudh vortouta. To (Dev) oxi budh dita: “Aum ekloch Dev ani maka sor zatolo konnunch nam mun volkun gheiat.”—Isaiah 46:9, TEV.

Devak gondollacho ani gupit korun dovorlo zallear hi taka avoddta tossoli chakri zaina. Bodlak, Deva vixim ani Tachea uddesa vixim lok jitle chodd gongollache zatat, titlem vodd Devacho dusman, ‘hea sovnsaracho deu,’ Deuchar Soitanank boreak poddta. Hoch to vortouta ‘pattienni nasloleamchim monam kurdim korun dourunk’ oxoleo khotteo xinkounneo fuddem soroita. (2 Corinthians 4:4) Trinidadichi xinkoun dhormu fuddari je loka oir aplo tabo dourunk axetat tanchi avodd fuddem soroita, karan hem te fokot devjneaneaninch somzunk zata xem te korun dakoitat.—polloiat John 8:44.

Chukiviret Devachi ghinean vodd suttka addta. Devachea utram add aschea xinkounneam thaun ani khori sumurt sodlelea mandavollim thaun ti amkam suvontontr korta. Jesun mullam tea porim: “Tumi sot zanno zateleat ani soth tumkam suvotontr kortelem.”—John 8:32.

Dev sor vorto mun man diun ani tachea munnea pormonne taka bhozon khori sumurt soddlelea Kristaum dhormugottamcher veguinch addunk aschi zoddti ami vattaunk zata. Bodlak, he mandavollicho xevott eta tedna ami Devache doeachi vatt polleun ravometa: “Sovnsar ani tosseot tacheo vondauneo nanch zatat pun zo kon Devachi khuxi korta to sasnank togta.”—1 John 2:17.

[Picture on page 31]

Xekdde sorlelem hem kantoilelem Fransantlem chitr “ankuar” Moriek mukutt dovorlolo dakoita. Trinidadiche pattienen Moriek “Devachi Maim” oxi soglea von vorto man diunche kornenk cholloilam