Trinidadichi Somzonni Kossi Ditat?

ROMAN Catholic Igroz munta: “Trinidad Kristaum dhormachi mukhi xinkoun dakoun diunk upeog kelolo sobd. . . . Athanasian Creed hichea utram pormonne: ‘Bap Dev, Put Dev ani Spirisant Dev (Povitr atmo) ani itleim assun teg Dev noi bogor ekuch Dev.’ He Trinidadint . . . assat te zon, sasnamche, ek sarke: rochne viret ani sorvpodvedar.”—The Catholic Encyclopedia.

Kristaum dhormugotantleo choddseo Igorjeo hem kobul kortat. Udaharenenk “Kristaumponnachi bunniadichi xinkoun” Trinidad mun, Greek Orthodox Church dakoita munon: “Ze kon Jesuk Dev mun mandun ghetat te Kristaum.” Our Orthodox Christian faith hea bukant hich Igroz ucharta: “Dev mullear teg zon ektaim . . . Bap sompurn Dev. Put sompurn Dev. Ani spirisant sompurn Dev.”

Oxi Trinidad “tin zonam bhitor ek Dev” mun nialltat. Hintunt te sasnamche dekun, dor eklo suruvat naslolo mun somzotat. Dor eklo sorvpodvedar ani eka mekak voddui noi nam mun lannui noi.

 Ossoli somzoni mandun gheunk kottin gai? Chodd xea ugtea monachea pattiendarank tanchea chaltea anubava ani khorea ghineanam add hi xinkoun gondollachi xi disson ailea. Kosso mun Bap Dev zaun asunk zata, Putui Dev zaun assunk zata, ani spirisant Dev zaun assunk zata ani itleim assun teg Dev noi bogor ekuch Dev hem kossem zaum eta gai mun te vimchartat?

“Munxeache Somjikae Bailem”

HO gondoll vochot thoim ximpodlolo assa. The Encyclopedia Americana dakoita ki Trinidadichi xinkoun “munxeache somjikae baili” mun mandun ghetat.

Trinidad mantele sabar zan ossent somzotat. Monsignor Eugene Clark munta: “Dev ek and Dev tin. Rochnent ossolem kitench nam dekun, ami somjunk xekonaum, bogor ami ti fokot mandun ghetaum.” Cardinal John OʼConnor munta: “Ami zannaum ki ho ek chodd vorto gutt munon, zo amkam somjunk ena.” Ani Pope John Paul II ro “Trinidadicho Dev vimcharum nozo aslolo gutt” mun uloita.

Dekun A Dictionary of Religious Knowledge oxem munta: “Barikasanin poixi tor hi xinkoun kitem ti, ou hichi zomzonni kossi diumchi, hea vixim Trinidadik tenko dinare tamchech modem eka motache nant.”

Dekun New Catholic Encyclopedia oxem kitea passot munta tem amchean somjum eta: “Roman Catholik seminarimnim Trinidadichi Dev xinkoun ximkoinar, (je), eka vellar ou dusrea vellar, ‘Trinidad kossi porgottchi?’ munchea savalan fattim voddi nastana urlele thoddech assat. Ani zori tor ho saval xinkpeank gondollacho zalear ximkoiteleamkui to titloch gondollacho uronk unnem noi.”

Trinidadik tenko diun boroun aslelea bukamchi vachnalaen vochon topasni keli tor he munnechea khoreaponnachi khatri korun gheun eta. Hachi somzoni diumche khotpoten ixeop nam titlim panam boroun assat. Itli khotpot korumnuim gondollache dev vidneanamche sobd vaprun somzoni dilea torui hea vixim topasni kornareamchi axea bagona.

Hea vixim Jesuit Joseph Bracken-nan What Are They Saying About the Trinity? hea aplea bukan chotrai dilea munon: “Munniari zani zaiti minot gheun aplem ximkoup kelam . . . Trinidadi oir tamchea seminarintlea vorsanim, he soimbachea ghineanam pormonem dubautat aplea pulputrar thaun hi xinkoun aple porje modem dourunk, Trinidadichea Aitaradis passun . . . Kiteak mun eklean porjek bejear korumet kiteai vorvim jem xevtim te kossei jinxim somzochet nant?” To anikui munta: “Trinidad ho ek chalto bavart, hacho kristavank tanchea sodamchea jivitan ani tanche bhoznent kaimch faido nam.” Torui astana, hi Igorzamchi “mukhi xinkoun” vortouta!

Catholic theologian Hans Küng, Christianity and the World Religions hea bukant kolloita ki Trinidad vortouta ek karan zaka lagon aiz Igorjeo kristaum noi te porje borabor aplem panvol fuddem sorounk pavonk nant. To munta: “Zanar Muslims hi xinkoun sadeponni mandun ghenant, zoxe porim Judev porza Trinidadichi kolpona zomzun gheunk aiz passun fattim podleat . . . Trinidadiche xinkounen eka Deva ani tin sontantiracheam soimbam modem ji veglikai dakoilea tem Muslim porjechi axea bagoinam, ze uzvaddachem ghinean gheumche boldek guspolole assat, Devasamandi (theological) munneo jeo Syriac, Greek ani Latintlean aileat ankam lagon. Muslim porjek ho eok utramcho khell so . . . Devache ekponache ani sorivinneche xinkounenk kiteak mun konneim eklean ani kiteim mun zoddchem jem tem ekpon ani sorivinn nul korta?”

“Guspagondollacho Dev Noi”

OSSOLI guspa gondollachi xinkoun kossi suru zaunk zata? The Catholic Encyclopedia diretan sangta: “Ho dogma itlo gupit assa torui to adimfuddench munta hi deuponni ugddapi keloli kollounni.” Catholic xinkpi Karl Rahner ani Herbert Vorgrimler tamchea Devasamandi sobdkosant (Theological Dictionary)oxe muntat: “Trinidad mullear eok gutt . . . barkaen pollolumchem zalear . . . ugdapem kelea xivai tem kollounk bou kottin ani ugddapem kelea uprantui tem sompurn ikmotichem zaunk xekonam.”

Trinidad ek gondollacho gutt mun mandun  ghetlo tor, to Devan kolloila assunk zai oxem muntlear anink ek vodd odchon ubi zata. Kiteak? Devacho sobduch xevott osso mun sanguinam: “Dev mullear godbodacho Dev noi.”—1 Corinthians 14:33, Revised Standard Version (RS).

Oir ucharlelea porim aplech vixim Hebrew, Greek ani Latin xinkpeank legun khatren vivor korunk zaina tossole gondolache xinkounnenk zait Dev zababdari?

Tea bair ‘ekleach khorea Devak ani Tane pattoila tea Jesu Kristak volkonk,’ sogle porjen devjnani (theologians) zaumchi goroz assa zait? (John 17:3, JB) Oxem zalear, kiteak mun thoddeach zannar Jewish dharmik voddilamnim Jesuk sodvondar mun mandun ghetlo? Pollounk vexi zalear Jesuche visvaxi disciplu vortoulet khaltikaeche setkamti, kharvi, zokat ektaim kortele (tax collectors), tosseot ghorsovnsari bailo passun. Jesun ximkoilele Devache xinkounne vixim he chalte lok vortoulet itle khatreche ki tani tich Devachi xinkoun erank xinkoi sarki zali ani te aplea bavarta passot moronk passun toear aslet.—Matthew 15:1-9; 21:23-32, 43; 23:13-36; John 7:45-49; Acts 4:13.

[Picture on page 4]

Jesuche diciplu vortoulet khalte chalte munis, noi dhormache fuddari