Tuvem Ti Pattieumchi Goroz?

Chodd korun lok muntat ki te Trinidad pattietat, torui astana tanche somzonen tiche vixim forok assa.

Khorem mullear kitem zait Trinidad?

Biblia hem ximkoita zait?

Zait Jesu Krist Sorvpodvedar Dev ani eok Sando Trinidadicho?

 TUM Trinidad pattietai? Kristaum dhorumugottache chodd xe lok Trinidad mantat. Kossei toren, xekdde sorleat hi Igorzamchi mukhi ximkoun mun.

Aka lagon, tuka goddiek hiche oir kainch adkol nam oxem dissonk puro. Pun thoim kitem tori assa, alimchea vorsanim, Trinidad khori mun dhiran sangtele atam hika adkoli dakoitat.

Ho vixei ossot soddun diumchea boldek ache oir chodd bariksan diumchi goroz kitem? Karan Jesunuch apnnem sota muntlam dekun: “Sasnamchem jivit tem hem: Tuka ekleach khorea Devak ani Tuvem pattoilai tea Jesu Kristak volkun gheunk.” Hea passot amcho soglo fuddar Devachem khorem soimb volkumcher tharaun assa, mungue ami, Trinidadichem mull sodun kadop. Tea passot tuvench hea vixim topasni kiteak mun korumnae?—John 17:3, Catholic Jerusalem Bible (JB).

Trinidadkaramchim veglim veglim chintpam assat. Chodd korun Trinidadichi xinkoun oxi ki Devtokle khal tin zon assat, Bap, Put ani Spirisant; torui te ektaim aslearui eok Dev. Hi ximkoun munta ki te tegui ek sarke, sorvpodvedar ani rochne viret, sodamkal aslole Devtokle khal.

Torui astana, er dusre muntat ki Trinidadichi ximkoun khotti, ki Sorvpodvedar Dev konnank sor zaina, ekloch veglo sasnamcho ani sogleam von bolladik. Te muntat ki Jesu munxeachea soimban eumchea adlea jivitan anje bodveam porim eok kherit Devan rochlolo spirit vortoulo, ani akach logon taka suruvat assumkuch zai. Kossei jinxim, Jesu Sorvpodvedar Devak sor zaina mun te ximkoitat; to sodanch Deva khal aslo ani azun assa. Te oxeim pattietat ki spirisant ek zon noi, bogor Devachi bolladik sokot mun.

Trinidadik tenko dinare, hi ximkoun dhormache somprodaecheruch (traditions) tharaun goddun adleach noi bogor ti bibliant passun assa muntat. He xinkounnecher khoddi kadnare, hi Bibliachi ximkoun noi muntat, hitiasicho ek ugam kolloita ki: “[Trinidadichem] mull sompurnaen onbavarti vortouta.”—The Paganism in our Christianity.

Zor Trinidad khori zalear devtoklecho eok sando oxo apun Devak kedinch sor noi Jesun munop vortouta takach unneponachem. Zor Trinidad khotti zalear Sorvespor Devan apleak kon tori sor assat munop Devakuch unneponamchem, ani odik pastt, Moriek “Devachi Maim” mun apounk. Zor Trinidad khotti zalear, Catholicism hea bukan dakoilam tea pormonne hem munop Devak okman addta, thoim munta: “Lok ho bavart sompurn nirmoll ani dubavaviret samballinam zait tor, te sasnank somptelet. Catholic bavart osso: Trinidadint, ami eka Devak bhoztaum.”

Trinidadi vixim, kitem sot assa tem tuvem zano zaumcheak zaitim bou borim karanam assat. Hichea ugamachi ani tichea khoreapona vixim topasni korchea poili, hi ximkoun iskuttaun poloilear chodd faideak podtolem. Sarke ritin Trinidad mullear kitem tor? Hika tenko dinare koxe tichi zomzoni ditat?

Dakoileam tim soddun urlole sogle dakle New World Translation of the Holy Scriptures With References—1984 Edition hea Povitr Pustokantlim dakoileant.

[Pictures on page 2]

Daveak: Dusrea hazanavea vorsantli (B. C. E) Egyptantli kantavon Triad of Ramses II, Amon-Ra and Nut. Uzveak: Choudavea xekdeantli (C.E.) Jesu Krist, Bap ani Spirisant anchi Trinidadichi Kantavon. Chotrai: Tin zon pun fokot chear paim assat.