Razvottkechi Khobor No. 37

EK SOUNSARBHOR SONDEX

DHORMANCHEA NAVAN ADARTAT TEA VAXTT VOSTUNCHO XEVOTT ZATOLO?

▪ Dhormanchea navan vaxtt vostu kiteak adartat?

▪ Tancho xevott coso zatolo?

▪ Tuzer tacho porinnam coso zatolo?

 Dhormanchea navan vaxtt vostu kiteak adartat?

Tumi kirmeank lagon bezar pavtat kai, zeo dhormanchea navan ghodtat? Ze Dev bhoktecho davo cortat te loddai, atonkvad, ani bhroxtachar adartat, decun tumchea nitivont bhavonek okman zata kai? Kiteak lagon dhorm zaitea somoxeancho mull karann oso dista?

Chuk soglea dhormanchi nhoim, punn chukichea vostunk urba ditat tea dhormanchi. Eok fankarlolo manadik dhormik oxami, Jezu Krist, suchoita ki osle dhorm vaxtt corneom upzoitat, zoxem eok “Vaitt zhadd vaitt follam dita.” (Matev 7:15-17) Osle Dhorm coslim follam posvottat?

Dhormanchea navan adarleleo vostu . . .

◼ ZUZANT ANI RAZKARANNANT HATH GHALOP: “Asia ani dusrea zaguiancher,” oxem muntta vortoman potr Asiaweek, “choddit odhikarak—bhukelle raibhari apleo gorzo pureo corunk lagon, porjechea dhormik bhavonecher nirdducaen tabo choloitat.” Porinnamank lagon, tem vortoman potr suchoita: “Ho sounsar pixaponnant buddpachi dhomki dita.” United States ganvantulea eka famad dhorm munniarean jahir kelem: “Zivenxim marpachem bondh zaunchea adim tumi atonkvadhyank zivenxim marunk zai.” Tacho porihar kitem? “Dhonia Devachea nanvan tankam sogleank zivenxim marat.” Virodh corun, Biblia sangta: “‘Hanv Devacho mog kortam’, oxem konn mhonnot, punn aplea bhavacho dves korit zalear, ho monis fottkiro.” (1 Juanv 4:20) Jezun pasun sanglem: ‘Tumcheam dusmanancho mog korit ravat.’ (Matev 5:44) Tumchean chintonk zait cai kitle dhorm asat zanche sobhasod zuzant vantto ghetat?

◼ KHOTTI XINCVONN XINCOVOP: Chodxe dhorm xincoitat ki otmo vo zeev, munnche xaririk cudd melea uprant munxacho eok disonam toslo bhag zito urta. Hi xincvonn upeg corun, zaite dhorm tanchea sodoxank lubaddtat, ghevun poixe magnnem corchea pasot sanddun guellea otmeank. Torui astana, Biblia eok kherit xincvonn xincoita.” ”Zo otmo patok adartolo-to khudd mortolo.” (Ezekiel 18:4) “Apnnank moronn asa munnon ziteank collta, punn meloleank cainch collonam.” (Upodexok 9:5) Jezun xincoilam ki melole punorzivont zatole—eok goroz naslolem cortub vortoutelem, zor tor munxank amar otmo asa zalear. (Juanv 11:11-25) Tumcho dhorm xincoita kai otmo morona munnon?

◼ ONOITIK SAMBHOG SONSUN GHETA: Paximechea dexant, samaling bhogi dadle ani bailo hea sobhasodank igorzechi dikxa ditat ani samalingi cazarank manyata divchi munnon serkaram codde vinoti cortat. Ze dhorm onoitikponnank duxonn laitat, tanninch bhurgiancho loingik vibadd kela tea dhorm munniareanchem sonxila. Pun, Biblia tea vixant kitem xincoita? Tem suttave sangta: ‘Tumi foso nakat. Pozdde, kuddeam-devank bhoztat te, pordvari, baibole, dadle dadleam kodde pozddem patok kortat tosle, Devachea rajeache daiji zaunchenant.’ (1 Korintkarank 6:9, 10) Tumi zannant kai connuim punni onoitik sambhog bogxitat te dhorm?

 Kuskim follam upzoitat tea dhormancho fuddar kitem zatolo? Jezun isharo dila: “Borem foll dinam toslem zhadd katortat ani ujeant uddoitat.” (Matev 7:19) Sedth, vaxtt cortubank urba dita to dhorm catrun vetolo ani nissontonn zatolo! Punn coxem ani kednam hem ghodtelem? Eok bhovixvadi daconn nondh kela Bibliacho book Prokasnni, 17 ani 18 odhyayam bhitor, tacho zabab puroita.

Vaxtt vostunk urba ditat te dhorm kose xevott zatole?

Ho porsong motint hadat. Ek kolvont eka bhirancull zanvorachea pattir bosun asa. Tea zanvorak sat tokleo ani dha shingam asat. (Prokasnni 17:1-4) Hem kolvont connacho rupcar dacoita? Tem probhav ghalta “Sonvsarantleam razancher.” Tem zamblem nesta, dhump upeg corta, ani chod guerest asa. Odhik corun, tichea bhutattkechea cornneanim ‘soglim raxttram vatt chukleat.’ (Prokasnni 17:18; 18:12, 13, 23) Hem kolvont vortouta munn eok sounsarbhor dhormik sanvastha, hem volcovunk amcam Biblia mozot corta. Tem ekach dhormanchem chitr dacoinam, duke soglea dhormanchem dacoita ze kuskim follam upzoitat te.

Kolvont ambudta tem zanvor chitr dacoita, sounsarbhor rajakiy odhikarachem. (Prokasnni 17:10-13) Vaxtt cortubank urba ditat te dhorm razkiy zanvorachea pattir bosun taka ambudtat munche, tachea tharavancher probhav ghaltat ani tachi vatt niyantrit cortat.

Torui astana, veginch eok ojapanchi ghodnni ghodteli. “Tunvem polleleant tim dha xingam ani monzat kolvontacho dves kortelim; tichim angvostram kaddun ghetelim, tika nagddi kortelim, tichem mas khatelim ani ujea vorvim tichem nisontton kortelim.” (Prokasnni 17:16) Okosmat kalzak dhodki bhorta toslea eka cortuban sounsarache razkiy odhikar, vaxtt cortubank urba ditat tea dhormancher hallo cortele ani tika sompurnn nisonttonn cortele! Hem cortub cosli chalana ditolem? Hacho zabab Bibliacho book Prokasnni dita: ’Kiteak Devacho sobd ghoddon ieum porian Devan tankam ek-motache keleat.’(Prokasnni 17:17) Oi, tachea navar zitlim soglim okmanachim cortubam tinnem adarleat, tancam lagon Dev vaxtt cortubank urba ditat tea dhormank zababdar dhortolo. Eka poripurnn nitichea cortuban, to tichea razkiy sangatheank tachea moronn dondachem sadhon cortolo.

Vaxtt cortubank urba ditat tea dhormanchea porinnamancho vantto tumcam bhogunk naka zalear tumi kitem corunk zai? “Porje mhoje! thoisorli bhair sor,” vinoti corta Devacho jasud. (Prokasnni 18:4) Khoreaninch, atanch to vogot zavn asa, vaxtt cortubank urba ditat tea dhorma thavn dhanv marpacho! Punn khuinsor tumi dhanv martelet? Nhoim nastik dhormant, kiteak tacho fuddar pasun niraxa zaun asa. (2 Tesolonikkarank 1:6-9) Ekuch sugur zago asa to khorea dhorma bhitor. Tor Khorea dhormank tumi cose ollkotele?

 Khoro dhorm coso vollkouncho

Coslim borim follam khorea dhorman upzouncheak zai?—Matev 7:17.

Khoro dhorm . . .

◼ MOG ACHARONN CORTA: Khore bhokt vortoutat ‘nhoi sovnsarache,’ nhoi vonxavolli pasot vo sounskruti pasot fatta-futt zalole, ani dacoitat ‘mog tanchea modem.’ (Juanv 13:35; 17:16; Dhormdutancho Itihas 10:34, 35) Odhik corun, eka mekacho jeev kadchea poros, te ekamekak lagon moronk razi zatat.—1 Juanv 3:16.

◼ DEVACHEA SOBDACHER VISVAS DOVORTA: “Chalik” ani “tim xastram fokot monxamnim kelele kaide,” xincounchea bodlek, khoro dhorm tachim totvam Devacho Sobd, Biblia hacher tharaita. (Matev 15:6-9) Kiteak? Karann “Devache suchovnnen boroilelem pustok xikovnn diunk, chuki kaddun dakhounk, lokak nittaier haddunk, . . . upkarta.”—2 Timotak 3:16.

◼ KUTTUMBAK MOZBUT CORTA ANI UNCH NITHI PATALLEO ONSORTA: Khoro dhorm ghovank taleem dita, corunk ‘aplo mog kortat toso apleam patinnincho,’ bailank mozot corta vaddavoll corunk ‘tanchea potink man diunk’ ani bhurgeank xincoita ‘tanchea avoi-bapaik man diunk.’ (Efezkarank 5:28, 33; 6:1) Choddit corun, zancher odhikaracho stan sompoila, tanchexim niticho nomono asuncuch zavo.—1 Timotak 3:1-10.

Khuinchoi punni dhorm heo patalleo shadti pavoita kai? 2001 vorsak prokashit zallo book Holocaust Politics muntta: “Zor tor chodxa lokanim Jehovahche Sakxi porgottat ani achoronn cortat tim sangpam onsorlelim zalear, ujeacho londo eupacho tallunk zatolo aslo, ani vounx uchatton orixtt sounsarar anink aschem naslem.”

Khorench, 235 raxtrant, Jehovahche Sakxi Bibliacheo noitik patalleo khali porgott cortat itlench nhoim—te tancheach vorvim zientat. Ami tumcam urba ditat ki tumi Jehovahchea Sakxank vincharchem, xinconk mozot corche passot, Dev tumchea thaun kitem magta, porinnami tumi taka mandvota tosli bhokti corunk soktele. Takid corpacho hoch vell zavn asa. Usheer corinakat. Vaxtt vostunk urba ditat tea dhormancho xevott lagim asa!—Sofarias 2:2, 3.

Bibliacher-adharit sondex ze Jehovahche Sakxi porgott cortat, tea vixant tumcam zor chod mhaet zai, tor onmono nakat, tanchexim sompork corunk sokoilea pottheacher.

□ Hong nastana, hanv vinoti cortam fudlea mhaetic lagon pustika Dev Amchea Thaun Kitem Magta?

□ Upkar corun maka sompork cor funkott ghorguthi Biblia xincvonne somondhant.

[Pan 3 hacher mahiti]

Vaxtt vostu adartat te dhorm “Sonvsarantleam razancher” prabhav padtat

[Pan 3 hacher mahiti]

“Porje mhoje! thoisorli bhair sor”