Bibliacher Kiteak Tujean Pattieunk Zata

Thoddo lok muntat Biblia pattieupachi noi, ani hi tamchi munni zaiteani chodd xi mandun ghetlea. Oxe zaite zan aiz Biblia kitem dakol korta tem sarkem noi mun hem Povitr Pustok pois kortat.

Dusre vatten, Jesu Kristan aplea magnean, Devak kitem mullem tea vixim visvas dourunk fuddem soroita: “Tujem Utor Soth.” Biblia sota apleak porkond zata ki hem Devachem utor mun.—John 17:17; 2 Timothy 3:16.

Koslem tori tuka karan assa Bibliacher bavart dourunk? Ou Biblia pattieupachi noi mun sangpak kitem tori govai assa, ki ti lotti govai dita/add uloita/ upkarak podona tosoli mun sangpak?

Zait Biblia Apleacherut Add Uloita?

Thodde zan muntat Biblia apleacherut add uloita, pun konen tori eklean hem khatren dakoilem dakol dilea? Bariksanin polelear oslem kitemch mellonk nam. Khorench, thoddea zagheamcher chuk assa oxem dissonk puro. Pun hem goddonk zata, karan amkam tea kallacho sarko somoz nam mun/dekun.

Pollounk vixi zalear, thodde munis, tuka dakoitelet ki tuji somzoni sarki noi mun. Vimchartelet: ‘Cain-achi bail fuimchi? Somzoni oxi zaun ghelea ki Cain ani Abel him doguch vortoulim mun Adaum Evechim bhurguim. Pun hi tamchi somzoni vortouta guspagondollachi Biblia kitem sangta tache vixim. Biblia somzaun sangta ki Adaum “vortouta mun bapui putamcho ani dhuvamcho.” (Genesis 5:4) Tednam Cainan aple eke boinink apli pottin korun ghetli karan sovnsarant anink munxeakull naslem.

Chodd korun khodd kadpi fuim tori ontor mevta gai  mun poun assat ani oxe te goddienk sangtelet: ‘Bibliacho boroinar Matthew munta ki eok fouzicho vodil Jesu sorxim ailo upkar magonk, pun Bibliacho dusro boroinar Luke boroita ki kon tori soinikamchea vodila vixim Jesu xim upkar magunk ailet mun. Fuimchem sarkem?’ (Matthew 8:5, 6; Luke 7:2, 3) Khorench hi chuk (contradiction)?

Zori tor konne-im eklean kosoli-i ek vost keli ani icho abru man/ xebaski khori zababdari aslelea adikareak dili tor, eok somzikaecho munis hem poiloch somzotolo ani hi ek vodd chuk munchona. Somzoni kadchea passot, zori tor eklea rosto bandpean aplea reportar mullem ki rosto gaumchea Mayoran bandlo mun, khorem poisi zalear Mayoran rosto bandloch nam pun bandla kamdareani, dista tuka osolem boroup chukichem mun? Khoreanimch nam! Tech baxen, Matthewan boroilem tor Sotpoti Jesu xim ailolo upkar magonk ani zor dusrea boroinaran Lukan mullem, ki kon tori ailele vodilache vixim ho upkar magonk hi odli xi ontor noi.

Zedna chodd ani chodd amchi zanvai vaddta tedna heo jeo chuki kosseo distat teo nopoit zait vetat.

Itias ani Videa

Bibliacho chuk naslolo itias eka vellar dubavacho osso urlolo. Sangonk ghelear hea khodd kadpea munxeanim, Bibliant dakoilelea Assyriacho Raza Sargon, Babylonacho Belshazzar ani Romamcho Governador Pontius Pilate je anga jielet ani Raj choloilem tamche vixim legun, he lok anga aslele gai mun dhubau velolo assa. Pun alim ugddapem zalam tea pormone kolta ki Bibliachea eka eka dakleachi topasni zalea mun. Haka lagon itias boroinaro Moshe Pearlman anen boroilam: “Kon zano koxe, je munis itiasicho bag adlea koraracho zacher te dhubaulet auchit atam apnamcho somoz bodli korunk paulet te.”

Zori tor ami Bibliacher visvas dovortelet zalear, Videa (science) kitem uloita tea vixim legun ti (biblia) sarki uronk zai. Hem khorem? Chodd kall zaunk nam Videanikani Biblia aplech vixim add uloita mun sangon hea  visveak (Universe) suruvatuch nam oxem munonk laglet. Tori astana ‘astronomer’ Robert Jastrow anen alim novi vollok dakoili ache voir somzoni diun: “Atam disson eta ‘astronomical’ govai Bibliachea somoza pormone koxi amkam sovnsarachea orombak pavoita ti. Hea vixim barkaeo (details) vegleo vegleo assat khoreo, pun chodd gorjecheo vostu astronomical ani Bibliachi konta pritumichea oromba vixim ekuch assa.”—Genesis 1:1.

Munxeani passun he pritumichea rupa vixim apleachi dixtt (view) boldilea. “Voyages of Discovery,” The World Book Encylopedia, somzaun sangta ki sovnsar vakdullo ani noi sountoll (flat) suvat zoxe porim chodd lok mandtalo.” Biblia soglo ugot sarki uloit ailea! 2000 vorsam adim heo sodun kadcheo viaji (voyages) suru zaumchea poileo Bibliant amkam Isaiah 40:22 vis anga mevta: “Thoim assa Eklo zo sovnsarachea mandala voir (circle) rauta,” vo dusre baxen “vadkullea sovnsara voir” (Douay), “vadkullo sovnsar.” (Moffatt)

Jitle munis chodd ani chodd zanvai ghetat titli chodd govai mevta ki Bibliacher ami visvas dourunk zata mun. British Museum, acho, adlo director, Sir Frederic Kenyon, anen boroilam: “Foll mevlam tea udexim dakoita, bavart kitem munta muntolo to, ki Bibliachean kaimch korunk zaina pun vaddtea ghineana vorim zon ekleak jikon gheumeta.”

Fuddara Vixim Kollouni

Khoreanich fuddara vixim Biblia zem bassaita, Novo  sorg ani Novi Pritum acher amchean visvas dourum-et? (2 Peter 3:13; Revelation 21:3, 4) Borem, Bibliant upkarak poddo sarko koslo tori adlo puravo (record) assa? Vell sorta sortam Bibliacheo muka veleo sangleleo sangneo (prophecies) xemboranim vorsam adim koloileleo, sangleat tosseot xearti pauleat!

Poixi zalear, podvedar Babylonacher zoit vortolet mun Bibliant hem goddchea poilem 200 vorsam adim koloilelem. Khorem mullear Medes, ze Persians amche laguim bedi zalet, amkam zoitivonkar mun nemlet. Ani zorui passun Cyrus, Persia hea desacho Raza, zolmomkuch naslo, tori pun Bibliant kollit kelem ki to chodd zoitivont zatolo mun. Thoim mullam ki Babylonachim rakon kochim udkam, Noim Euphrates, “sukumkuch zai mun,” ani ki “Babylonache darvontte dampun urchenant mun.”—Jeremiah 50:38; Isaiah 13:17-19; 44:27–45:1.

Itias boroinar Herodotus anen kolloilam tea pormone he sogleo godneo ekan ek godleot. Anikui, Bibliant sanglelem ki Babylonachem nixonton zatelem ani thoim kon munis rauchenant mun. Ossench godlem. Aiz passun Babylon zaun assa kon pollenasleleo fatramcheo raxi. (Isaiah 13:20-22; Jeremiah 51:37, 41-43) Anikun Bibliant zaiteo adimch sangleleo kollouneo asleo teo passun goddon aileat.

Bibliant aiche hea sovnsarache mandavolli vixim kitem tori kolloilam? Thoim munta: “Sovnsarachea xevtache diss vortoutolo eok bhirankull kall. Munis kiteachoch mog korchenant bogor aploch ani dudvamcho; te gorvi, boddaen borlele, okman kortele, bollepon naslole, avoi bapaik attaponant tosle, upkar naslole, bogtipon naslole . . . te vortoutelet Deva poros kuddicheam khoxeamcho mog korpi munis, xastrachem bailean rup raktat, pun tachem boll sotmaninant tosle,”—2 Timothy 3:1-5, The New English Bible.

Khoreanich, heo sogleo vostu goddtat teo ami atam polletaum! Pun Biblia “hea sovnsarachea xevtachea dissama  vixim heo-i bi vostu kolloita: “Des dessacher, ani Raj Rajeacher uprastelint ani anga thoim dukoll podteli.” Titlent noi, “thoim vodleo bhuim kampi zateleo ani eka zaghear than dusrea zaghear voxeachi pidda vaddteli.”—Matt. 24:7; Luke 21:11.

Khoreanich, Bibliacheo kollouneo aiz xearti pavot assat! Borem, zalear, anikui bassauneo xearti paumcheo assat, zoxe porim: “Nitivontuch he Pritumicho tabo ghetolet, ani te thoim sasnank rautelet,” ani, “tani apleo tolvari moddun namgor kochech podtelet . . . , te zuz korunk kedinch ximkchenant” heam kollouneam vixim kitem?—Psalm 37:29; Isaiah 2:4.

‘Hem goddon eunk bhou khottin,’ thodde muntelet. Pun khoreanich, amcho Rochnar zem kitem bassaita tea vixim dubavonk amkam kosolench karan uronk favona. Tachea Utracher khatren visvas dourumeta! (Titus 1:2) Govai zi assa tichi tuvem anink topasni keli tor, anikui tuka zaiti somzoni melteli Biblia vixim ani oxi tuka khori khatri zateli.

Dakoileam tim soddun, urlole sogle dakle New World Translation of the Holy Scriptures hea Povitr Pustokantlim dakoileant.

[Pan 4-acher Mottea Okxoramnim Boroiloli Mahiti]

“Foll mevlam tea udexim dakoita, bavart kitem munta muntolo to, ki Bibliachean kaimch korunk zaina pun vaddtea ghineana vorim zon ekleak jikon gheumeta”