Odheai 2

Dev Conn?

Khoro Dev conn, ani tachem nanv kitem? (1, 2)

Coslea jinsanchi cudd taka asa? (3)

Tache vixixtt gunn konnte? (4)

Teka dilolea amchea bhoktent ami imajeo ani nomune upeg corche cai? (5)

Khuinchea don rityani ami deva vixim xinconk xaktat? (6)

1. Lok zaitea vostunk bhoztat. Punn Biblia amcam sangta qui ekuch KHORO Dev asa. Sorgar ani prithumicher dor êk vost tannem rochla. Tannem amcam jiu dilolea udexim, taka êkleakuch ami bhozonk zai.—1 Korintkarank 8:5, 6; Prokasnni 4:11.

2. Devak zaitim kitabam asat punn taka focot êk nanv asa. Tem nanv JEHOVAH. Chodxa Bibliant, Devachem nanv kadla ani tea zaguiar dusrim kitabam DHONI vo DEV ghatleat. Punn zednam Biblia boroiloli, Jehovah nanv tantunt dixtti podtalem sumar 7,000 pavti!—Suttka 3:15; Stotram 83:18.

3. Jehovak êk cudd asa, punn ti amchea baxen nhoi. “Dev Atmo,” Biblia sangta. (Juanv 4:24) Êk atmo vortouta êk jinsancho jiu zo amchea poros khub unchaecho. Khuinchach munxan kednanch  Devak pollounk nam. Jehovah sorgant ravta, punn sogleo vostu to pollovunk sokta. (Stotram 11:4, 5; Juanv 1:18) Kitem, tor, povitr atmo vortouta? To Deva baxen êk zonn nhoi. Bogor, to Devachi karyakari sokot.—Stotram 104:30.

4. Biblia amcam Jehovachem soimbic ponn ugdapta. To dacoita qui tache vixixtt gunn mog, nyai, zannvai ani sokot. (Dusri Somurt 32:4; Job 12:13; Izaias 40:26; 1 Juanv 4:8) Biblia amcam sangta qui to kakutsar, doyall, bhogxinndar, udar, ani sosnnicaecho pasun asa. Ami khaltea bhurguiam porim, tachem anukarann corunk proyotn corunk zavo.—Efezkarank 5:1, 2.

5. Amchea bhoktent ami imajeank, painolank, vo nomoneank baugonchem vo prathunchem cai? Nam! (Suttka 20:4, 5) Jehovah sangta qui ami focot takach bhozonk zai. To tacho mhaima connuim dusreaxim vo khuncheai dusrea vostuxim vanttinam. Imajeank amcam mozot corunk sokot nam.—Stotram 115:4-8; Izaias 42:8.

6. Devak boreponnim ami coxe zannam zavunk soktat? Tannem rochloleo vostu chotraen pollovun ani teo amcam kitem sangtat tea vixant kholaek chintun ti êk rit asa. Devachi rochnam amcam sangta qui taka hod sokot ani zannvai asa munnon. Soglem kitem tannem kelam tantun tacho mog ami polletão. (Stotram 19:1-6; Romkarank 1:20) Anink êk rit amchean Deva vixant xiconk eta ti asa Biblia abhyasun. Tantun to amcam khubxem sangta qui to coslea torincho Dev asa munnon. To anikui amcam sangta tachea udhexa vixant ani ami kitem kelolem taka zai tem.—Amos 3:7; 2 Timotak 3:16, 17.

[Pan 5-acher chitr polloiat]

Deva vixant ami rochnnem thaun ani Biblia thaun xinktão